Yoane 1
1
eKinywa
1Okwitsuka mohabya eKinywa, neKinywa mokyabya haguma noMungu, neKinywa kyabya Mungu. 2Nakyo mokyatsuka haguma noMungu. 3Ebindu byosi mwabumbabyo; na butsira iye sihari kindu kyabumbawa ekyabiribumbwa. 4Mwiye habya engebe; nengebe moyabya ekyakakala kyabandu. 5Ne kyakakala kikakoleraya omo mwirimya; nomwirimya mwata kindakyo. 6Omundu mwasa, oyo watumawa noMungu, erina riwe ryabya Yoane. 7Ni ye oyo wasa neritulago, neryo atule omwatsi wekyakakala, neryo abosi bikiriraye busana naye. 8Iye syabya ekyakakala ekyo, nikwa mwasa atule omwatsi wekyakakala. 9Kyo kyabya ekyakakala kyakwenene, ekikako leraya bandu bosi abakasa omo kihugo. 10Abya mona kihugo, ne kihugo yo wabumbakyo, ne kihugo mokitetamuminya. 11Iye mwasa oko biwe, nabo ababya buwe mobatetamukokya. 12Nikwa abosi bambukokaya abo mwahabo ehamuli eribya abana boMungu, abo abakikiriraya oko erina riwe: 13ababutawa butsira omusasi, butsira erisonda ryomubiri, nobutsira erisonda ryomundu, nikwa eryoMungu. 14NeKinywa mo kyabya mubiri, mokikala omo katikati ketu (netu motwalangira olukengerwa luwe, olukengerwa ngolwoyo wabutawa iyowene erilwa na Tata), iniuswire nolukogo nekwenene. 15Yoane mwatula omwatsi wuwe, mwabirikira, ati, Oyu yoyo nahula, nyiti, Oyo akasa enyuma syage, yowabya emuliro wage: kusangwa abya iniane embere syage. 16Kusangwa okwiusula riwe itwe bosi motwimya, olukogo endata oko lukogo. 17Ku sangwa ebihano byahabawa omo Musa; olukogo nekwenene mobyasa na Yesu Kristo. 18Sihari mundu abirilola oko Mungu na kera; oMugala mubutwa muguma, oyuri oko kikuba kyaTata abirimuminyikalya.
Eritulago ryaYoane
19Neritulago ryaYoane ryeri omugulu abaYuda bamutu mako abahereri na baLawi bakalwa Yerusalema erimubulya, bati, Urindi? 20Naye mwakangya, mwatagana; nikwa mwa kangya, ati, Sindi Kristo. 21Nabo mobamubulya, bati, Nikwa urindi? Uri Elia kwehi? Naye ati, Ingye eyihi. Uri mumi nyereri kwehi? Naye mwasubirya, Eyihi. 22Neryo mobabuga naye, bati Uwendi kwehi? Itwatoka erisubirya abariatutuma. Ukabugaki busana nawe kwehi? 23Naye mwabuga, Ndimulenge woyo kabirikira omo mbwarara, ati, Tungananaya enzira yoMukama, ngoko muminyereri Isaya abuga. 24Nabo batumawa na baFarisayo. 25Mobamubulya, neribuga naye, bati, Ukabatisaya busana naki, wamabya ute Kristo, kutse Elia, kutse muminyereri? 26Yoane mwasubiryabo, ati, Ngabatisaya omo magetsi: nikwa omukati-kati kenyu muhangene muguma oyo mutasi 27oyo yukasa enyuma kwingye, omuliki wenge ndero yiwe ingye sinyitolere erikundulago. 28Emyatsi eyi yakolawa eBetania eyisirya weYorodani, aho Yoane abatisiraya.
Ekyana kyembuli kyoMungu
29Engyakya mwalangira Yesu akasa eyari, mwabuga, ati, Lebaya eKyana Kyembuli kyoMungu, ekikalusaya ebibi byeki hugo! 30Oyu yoyo nahula nyiti, Enyuma kwingye omundu anemwasa oyu abiribya emuliro wage: kusangwa abya embere syage. 31Nage sinabya nyimwasi; nikwa aminyikalibawe oko Israele kyo kyaleka inasa eribatisya omo magetsi. 32Na Yoane mwatula mwatsi, ati, Monalangira eKirimu kikandagala kikalwa elubula nga kalikuku; mokikala ukwiye. 33Nage mondamu minya; nikwa oyo wanyituma eribatisya omo magetsi yo wambwira, ati, oyo wasyalangira eKirimu kikamwandagalilako, neriikala kwiye, yoyo kabatisaya omo Kirimu Kibuyirire. 34Nage nabirilangira nabiritula omwatsi, nyiti oyo yo Mugala woMungu.
Abiga berimbere
35Na kandi engyakya Yoane abya imene, nabiga biwe babiri; 36mwalangira Yesu akagenda, mwabuga, ati, Lebaya eKyana Kyembuli kyoMungu! 37Nabiga abo babiri mobowa akabuga mobakwama Yesu. 38Na Yesu mwakeba, mwalangira ibana mukwamire, neryo mwabuga nabo, ati, Mukasondaki kwehi? Nabo mobamubwira, bati, Rabi (eribindulakyo riti Muka ngirirya), Wikerehi? 39Naye mwabwirabo, ati, Mwase, mukandilebyaho. Neryo mobasa mobalangira abikere; nabo mobikala naye ekiro ekyo, yabya endambi ikumi. 40Omuguma woko babiri abowa Yoane akabuga nerimukwama, abya Anderea, mugala wabo Simoni Petero. 41Mwatsuka eribana mugala wabo ye Simoni, mwamubwira, ati, Twabiribana Mesia (eribindula, riti ye Kristo). 42Mwamuleta uku Yesu. Yesu mwamutungerera, mwabuga, ati, Uri Simoni, mugala wa Yoane: wasyahulwa mo Kefa (eribindularyo, riti, Petero).
Filipo na Natanaeli
43Nengyakya abya anzire eriya eGalilaya, neryo mwabana yo Filipo; Yesu mwabuga naye, ati, Unyikwame. 44Na Filipo abya we Betesaida, omuyi wa Anderea na Petero. 45Filipo mwabana Natanaele, mwabuga naye, ati, Twabiribana oyo Musa mwasaka omo bihano, nabaminyereri basaka busana naye, bati, Yesu weNazareti, omugala waYosefu. 46Natanaele mwabuga naye, ati, Ekindu kyowene kyanganalwa eNazareti kwehi? Filipo mwabuga naye, ati, Asa ulebaye. 47Yesu mwalangira Natanaele akasa kwiye, neryo mwabuga busana naye, ati, Lebaya, muIsraeli wekwenene, oyo te mo matebo. 48Natanaele mwabuga naye, ati, Wanyiminyira hahi? Yesu mwasubirya mwabuga naye, ati, Embere Filipo isiariakubiri kira, omugulu ulwe mo ndina yomuti wamtini, monakulangira. 49Natanaele mwamusubirya, Mukangirirya, uri Mugala wo Mungu; uri Mwami waIsraele. 50Yesu mwasubirya mwabuga naye ati, Kusangwa namabuga nawe, nyiti, Mongakulangira omo ndina yomuti gomtini, wamikirirya kwehi? Wasyalola oko myatsi minene kweyi. 51Neryo mwamubwira, ati, Kundu, kundu, ngabuga nenyu, nyiti, Mwasyalangira olubula ilukingu kere, nabalaika boMungu bakahetuka neriandagalira oko Mugala womundu.
നിലവിൽ തിരഞ്ഞെടുത്തിരിക്കുന്നു:
Yoane 1: NTN62
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Le Nouveau Testament et les Psaumes en Ndandi © British and Foreign Bible Society, 1962.
