Kabavelamu 8
8
Tutuya kaniakwanina, wayaqata ikawataqoni iobu, we pwayapwaya isaya.
Wayaqata nakabavekakava
15Matautauda Yaubada Noa waineye ivesipupu ivo, 16“Waga kubaileni memwanemu, natumwavo memwanediavo kwasauyemi kwaobu maleweye. 17Waga kwabaileni kwaobuma yoqoyoqo puena kuvonedi inaluguaqeta komi taiauda—manuqa yaveyaveqidi, kaisaya bwaigidi wete siaidi daledaledi—beqa kanasala inavenatuna inavepue-otoqa inasapayavula pwayapwaya waineye.”
18Matautauda Noa memwanena, natunavo memwanediavo waga ibaileni isauyedi iobu maleweye. 19Iobu maleweye, kaisaya bwaigidi, kaisaya siaidi daledaledi, manuqa yaveyaveqidi isauyedi mepatalidi wageye'eqa iobu.
20Matautauda Noa didiqa#8:20 Didiqa dede ge mesaida tomo'otoqa kadididiqa. Didiqa dede kaia Iave kanavelomu kabakanigabu paipaina. Iave kanavelomu kabakanigabu ilauqi. Kaisaya maqemaqetadi, manuqa maqemaqetadi Iave itagwanedi kanavelomu paipaina ikewadi, beqa kaisayanidiavo velomu paipaina matatabudi igabunidi ikalagualidi didiqa tabwaneye Iave kanavekimatana paipaina. 21Tutuyanina kaisaya igabunidi Iave kanavelomu paipaina, maqaina giamaina iyaoqi nuana ikewai nuapouneye ivo, “Tomo'otoqa dituaina ayagovidi ditutuya gwamana dinuanuana nuapoudie kapoina paipaina ivelamu. Tutuya imaimai ge wete aivona pwayapwaya aikavekapoi tomo'otoqa dikapoina paipaina, we ge kanasala yoqoyoqo yawayawaidi puepuedi aikavekapoidi dede mesaida.
22“Tutuyanina pwayapwaya inamiamia, dede sakunidiavo ge inakakava:
“Goyova wete tavi inamiamia,
kaunumula wete kaulaga inamiamia,
kwei wete valavala inamiamia,
kaiata wete lovana inamiamia,
kanaketoava ge inakakava.”
നിലവിൽ തിരഞ്ഞെടുത്തിരിക്കുന്നു:
Kabavelamu 8: mzz
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.
