Salmo 43
43
Dasal no pinasiay do kavahayan na
1Iyagom mo yaken, O Dios, dira do mararahet so kaparin a tawotawo as kalibri mo diaken dira do maydaydaday kano makagatogatosen sa. 2Imo o pacholivan ko, O Dios, as ango kanonolayan mo diaken. Ango paro pa o ipaypangay no pandidiwan ko sa dira do komontra diaken.
3Itoroh mo o sehdang kano kakawyoran a mapawnot diaken as mapayvidi diaken do manamonamo aya a tokon mo do Sion as kan do templo aya a yanan mo, 4tapian maypasngen ako anti do altar moaya, O Dios, ta imo o yanan no kasoyosoyotan ko. Maytogtog ako anti a omdaday dimo a Dios ko.
5Ango paro o ichangsah kano ichavakel ko. Amna no Dios o pasarayan ko, ta mawara pa anti o tiempo a kadaday ko sia a iya so Mangahwad ko as Dios ko.
നിലവിൽ തിരഞ്ഞെടുത്തിരിക്കുന്നു:
Salmo 43: VTSP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2016, Wycliffe Bible Translators, Inc. All rights reserved.