John 4-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Yakꞌusda nudúdeh-i unli whe ꞌuntꞌoh. ꞋInkꞌez mbene la hitsꞌun téni ꞌunilhdzunne, ꞌenne tsꞌihꞌun unꞌa buyughi be hitsꞌun teniꞌ noolhdzin hubaꞌ hoontꞌoh,” yúlhni.

Ndet la whuz de whúdizulh-un ꞌandit ꞌet buba ꞌuhoontꞌoh, tsꞌihꞌun unꞌa teni hunilhdzunne soo dudzi ndulcho-i be tsꞌihꞌun unꞌa Yakꞌusda hitsꞌun téni nilhdzin wheni. Nduntꞌohne Yakꞌusda bukaꞌ nuta dutsꞌu nténi ꞌuhunoolhdzin ha.

ꞌet hoontsꞌi mbene la too bugha ítasdzoh, ꞌi huyitnaiꞌ de, ꞌaw ꞌon ꞌat taꞌhódaꞌ ꞌaítꞌoh. Mbe la ndi too oogha ínusdzo-un, ꞌi too ꞌahoolhyiz ninli ndultꞌoh, ꞌi be ꞌahoolhyiz wheni huhutinalh,” yúlhni.

ꞋEt Jesus uyúlhni, “Yakꞌusda huwa íninꞌai-i, tꞌeninzun de, ꞌinkꞌez mbe ꞌutni nyulh yálhduk whe too ntsꞌu ha ꞌutni-un, ꞌen tꞌenínzun de, ꞌet de nyun daꞌ oodolhkut ꞌinkꞌez ndai la too oogha huye khuna-i, ꞌi daꞌ nghá yolhdzeh ooleꞌ,” yúlhni.

ꞋEt Jesus ubúlhni, “Mbe la whuz de sutilhꞌaꞌ-un, ndet stsꞌu húkwaꞌ ninzun, ꞌoh te neꞌóostꞌen ꞌinkꞌez be ꞌutꞌen lhadóosdleh huba ꞌuhoontꞌoh. Ndi ꞌi za sꞌalh-i ꞌuntꞌoh.

ꞋEt ndun tsꞌeke uyúlhni, “Nyun ꞌaw be taóonkalh-i lhíntꞌih, ꞌinkꞌez njan too kꞌet há dalhdzaꞌ, ntsꞌez de ndi too be tsꞌúkhuna-i, ꞌi itánkalh?

ꞋEt ndun tsꞌeke uyúlhni, “Tꞌéoonúszun ndun Messiah whusatíyalh, mbe la Christ huyúlhni, ꞌen whusaínya de, tsꞌiyantsuk whunéuntilhtun.” ꞋEt Jesus ꞌuyulhni, “ꞋAndit nyulh yálhduk-un, ꞌen usdli whe ꞌustꞌoh.”

“ꞋAnih! Ndun dune noolhꞌen si! Ntsꞌoh tula néꞌzustꞌen-un, tsꞌiyawh sudaniꞌ. ꞋEn toleh Christ ꞌuntꞌoh?” ubúlhni.