John 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Yakꞌusda ndi yun kꞌut dunene bukꞌensiꞌ kꞌet ꞌaw ꞌilhoghun duYeꞌ ꞌen bugha ínilhti. Mbene la ꞌen ghun ooba ꞌalhaꞌ yintꞌohne ꞌaw dalhótisa, ꞌilhiz wheni huhutinalh.

ꞋAw dune ba nahutiyeh wheni íloh Yakꞌusda duYeꞌ ndi yun kꞌuz yutilhꞌaꞌ. ꞋEn gha ndi yun kꞌut whutꞌenne tsꞌiyawh hudoojih, ꞌet wheni ndi yun kꞌuz yutilhꞌaꞌ.

ꞋEt Jesus yúlhni, “Soo tsꞌihꞌun unꞌa nyudúsni, dune doo cha za whuzdli de, ꞌet de za Yakꞌusda lerwe unli-un whutiꞌelh.”

Mbene la buba ꞌálhaꞌ yintꞌohne ꞌaw buba nalhotisde. ꞋEt mbene la ꞌaw ooba ꞌálhaꞌ lheꞌyítꞌohne, ꞌenne ꞌudaꞌ buba nahisda wheꞌ hintꞌoh, ꞌaw Yakꞌusda ooYeꞌ booziꞌ ꞌaw buba ꞌalhaꞌ lheꞌyítꞌoh ꞌet huwa.

ꞋEn ꞌuntꞌoh be hóotꞌen-i unli whe ndi yun kꞌeínya. ꞋEt hoontsꞌi ndi yun kꞌut dunene tsalhgus yo tsꞌe haínya-un, ꞌen ndi be hóotꞌen-i anus hikꞌentsiꞌ, njan neꞌhutꞌen-un ꞌon nus hoontsiꞌ tsꞌe za hitꞌelh ꞌet huwa. ꞋEt huwa la buba nahoodeh.

ꞋOn nus tube cho hidólhtiꞌ ꞌinkꞌez si hukwꞌelhꞌi le sba hodólhtiꞌ, ꞌet whuz unꞌa ꞌuhótꞌeꞌ hubaꞌ hoontꞌoh.

Mbene la hoontsiꞌ te neꞌútꞌenne, ꞌenne ndi be hóotꞌen-i hitsꞌu dutni. ꞋEt huwa ndi be hóotꞌen-i, ꞌaw hitsꞌun tóoyaꞌ ꞌaítꞌoh, doo ka la tankꞌus ꞌúhutꞌen-un tsꞌet ha hóoltsꞌit ꞌet whuchꞌa.

Mbene la Yakꞌusda ooYeꞌ ooba ꞌalhaꞌ yintꞌohne, ꞌilhiz wheni be tsꞌúkhuna-i, ꞌi huyutꞌi, ꞌinkꞌez mbene la ooba ꞌalhaꞌ lheꞌyitꞌohne, ꞌenne ꞌaw huhooꞌen ꞌaítꞌoh, Yakꞌusda yé bubulh húnilchꞌe-i ꞌahoolhyiz wheni bukꞌut uyitátꞌelh,” ni John.

ꞋUdaꞌ ꞌaw dune lhuhootꞌih-un tsꞌe whe Moses ꞌen tlꞌughus kꞌeltsi dubeꞌ yudilhtsi inleꞌ, whuz unꞌa za Yinka Dune Yeꞌ dubeꞌ hidutálhtsih huba ꞌuhoontꞌoh.

Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai.