Luka 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

‘Ua fetalai atu Iesu i tagata uma, “A fia mulimuli mai se tasi ‘iā te a‘u, ‘ia fa‘afiti o ia ‘iā te ia, a ‘ia ‘ave e ia lona satauro i aso fai so‘o, i le mulimuli mai ai ‘iā te a‘u.

Auā ‘ai sē fia fa‘asaogalemūina lona ola, e māumau ai ‘iā te ia; a o lē fa‘amaumau i lona ola ‘ona a‘u, e fa‘asaoina e ia.

‘Ua fetalai atu Iesu ‘iā te ia, “O lē tago lona lima i le suōtosina, ma tepa i tua, e lē aogā ia i le mālō o le Atua.”

Auā se a le aogā i le tagata pe ‘āfai na te maua le lalolagi uma, ‘ae fa‘amaumau e ia ‘ia ia, pe lafoa‘iina?

Auā ‘ai se mā ‘iā te a‘u ma a‘u ‘upu, e mā fo‘i ‘iā te ia le Atali‘i o le tagata, pe a sau o ia i lona mamalu, ma le Tamā, ma le ‘au agelu pa‘ia.

‘Ona fetalai atu ai lea o Iesu ‘iā te ia, “E fai lua o alope, e fai mea e momoe ai manu felelei; a o le Atali‘i o le tagata, e leai se mea e moe ai o ia.”

‘Ua fetalai atu o ia ‘iā te i latou, “‘Ai sē talia lenei tamaitiiti i lo‘u igoa, ‘ua talia a‘u e ia; ‘ai sē talia fo‘i a‘u, ‘ua talia e ia lē na ‘auina mai a‘u; auā o lē aupito itiiti ‘iā te ‘outou uma, e sili lava ia.”