ꠁꠘ꠆ꠎꠤꠟ ৪: ꠢꠣꠘ꠆ꠘꠣꠘ 16-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ꠀꠝꠤ ꠔꠥꠝꠞꠣꠞꠦ ꠁꠔꠣ ꠇꠁꠟꠣꠝ, ꠎꠣꠔꠦ ꠔꠥꠝꠞꠣ ꠀꠝꠣꠞ ꠟꠉꠦ ꠝꠤꠡꠤꠀ ꠀꠍ ꠉꠔꠤꠇꠦ ꠝꠘꠅ ꠡꠣꠘ꠆ꠔꠤ ꠙꠣꠅ। ꠁ ꠖꠥꠘꠤꠀꠔ ꠔꠥꠝꠞꠣ ꠖꠥꠈ-ꠝꠍꠤꠛꠔꠅ ꠀꠍ, ꠔꠣ-ꠅ ꠝꠘꠅꠛꠟ ꠞꠣꠈꠤꠅ, ꠀꠝꠤꠃ ꠖꠥꠘꠤꠀꠞꠦ ꠎꠄ ꠇꠞꠍꠤ।”

ꠢꠃ ꠢꠇ ꠞꠥꠢꠥ ꠀꠁꠀ ꠢꠣꠞꠤ ꠙꠕ ꠖꠦꠈꠣꠁꠀ ꠔꠥꠝꠞꠣꠞꠦ ꠙꠥꠞꠣꠙꠥꠞ ꠢꠇꠈꠣꠘ ꠎꠣꠘꠣꠁꠛꠣ। ꠔꠣꠁꠘ ꠔ ꠘꠤꠎ ꠕꠣꠇꠤ ꠇꠥꠘ꠆ꠔꠣ ꠇꠁꠔꠣ ꠘꠣꠄ, ꠈꠣꠟꠤ ꠎꠦꠔꠣ ꠢꠥꠘꠂꠘ, ꠅꠔꠣꠃ ꠇꠁꠛꠣ। ꠀꠞ ꠎꠦꠔꠣ ꠊꠐꠛ, ꠅꠔꠣꠃ ꠎꠣꠘꠣꠁꠛꠣ।

ꠅꠈꠘꠅ ꠔ ꠔꠥꠝꠞꠣ ꠀꠝꠣꠞ ꠘꠣꠝꠦ ꠇꠥꠘ꠆ꠔꠣ ꠌꠣꠁꠍ ꠘꠣ। ꠌꠣꠅ, ꠔꠦꠃ ꠙꠣꠁꠛꠣꠄ, ꠎꠣꠔꠦ ꠔꠥꠝꠞꠣꠞ ꠈꠥꠡꠤ ꠙꠥꠞꠣ ꠅꠄ।

ꠔꠦꠛꠃ ꠀꠝꠤ ꠢꠇ ꠇꠕꠣ ꠇꠁꠞꠣꠝ, ꠀꠝꠣꠞ ꠎꠣꠅꠀꠈꠣꠘ ꠔꠥꠝꠞꠣꠞ ꠟꠣꠉꠤ ꠜꠣꠟꠣ, ꠀꠝꠤ ꠘꠣ ꠉꠦꠟꠦ ꠔ ꠢꠃ ꠡꠣꠁꠎ꠆ꠎꠉꠤꠞ ꠞꠥꠢꠥ ꠀꠁꠔꠣ ꠘꠣꠄ। ꠀꠝꠤ ꠉꠦꠟꠦꠉꠤ ꠔꠣꠘꠞꠦ ꠔꠥꠝꠞꠣꠞ ꠉꠦꠍꠦ ꠙꠣꠑꠣꠁꠝꠥ। ꠔꠣꠁꠘ ꠀꠁꠀ ꠉꠥꠘꠣꠞ ꠛꠦꠙꠣꠞꠦ, ꠀꠟ꠆ꠟꠣꠞ ꠝꠞ꠆ꠎꠤ ꠝꠣꠚꠤꠇ ꠌꠟꠣꠞ ꠛꠦꠙꠣꠞꠦ ꠀꠞ ꠀꠟ꠆ꠟꠣꠞ ꠛꠤꠌꠣꠞꠞ ꠛꠦꠙꠣꠞꠦ ꠝꠣꠘꠡꠞꠦ ꠢꠎꠣꠉ ꠇꠞꠛꠣ।

ꠅꠃ ꠟꠣꠈꠣꠘ ꠔꠥꠝꠞꠣꠅ ꠅꠈꠘ ꠖꠥꠈ-ꠇꠡ꠆ꠐ ꠇꠞꠞꠣꠄ, ꠅꠁꠟꠦ ꠢꠤꠞꠛꠣꠞ ꠎꠦꠛꠟꠣ ꠔꠥꠝꠞꠣꠞ ꠟꠉꠦ ꠀꠝꠣꠞ ꠖꠦꠈꠣ ꠅꠁꠛ, ꠢꠃ ꠡꠝꠄ ꠈꠥꠡꠤꠄ ꠔꠥꠝꠞꠣꠞ ꠖꠤꠟ ꠜꠞꠤꠎꠤꠛ, ꠁ ꠈꠥꠡꠤ ꠇꠦꠃ ꠇꠣꠠꠤꠀ ꠘꠤꠔ ꠙꠣꠞꠔ ꠘꠣꠄ। “ꠢꠤ ꠡꠝꠄ ꠔꠥꠝꠞꠣ ꠀꠝꠣꠞ ꠉꠦꠍꠦ ꠇꠥꠘ꠆ꠔꠣ ꠌꠣꠁꠔꠣꠄ ꠘꠣꠄ। ꠀꠝꠤ ꠔꠥꠝꠞꠣꠞꠦ ꠢꠣꠍꠣ ꠇꠁꠞꠣꠝ, ꠔꠥꠝꠞꠣ ꠀꠝꠣꠞ ꠘꠣꠝꠦ ꠀꠝꠣꠞ ꠉꠣꠁꠛꠤ ꠛꠣꠚꠞ ꠉꠦꠍꠦ ꠎꠦꠔꠣ ꠌꠣꠁꠛꠣꠄ, ꠔꠣꠁꠘ ꠔꠥꠝꠞꠣꠞꠦ ꠖꠤꠛꠣ।

ꠢꠥꠘꠅ, ꠀꠝꠤ ꠔꠥꠝꠞꠣꠞꠦ ꠢꠣꠍꠣꠃ ꠇꠁꠞꠣꠝ, ꠔꠥꠝꠞꠣ ꠇꠣꠘ꠆ꠖꠤꠛꠣꠄ ꠀꠞ ꠀꠢꠣꠎꠣꠞꠤ ꠇꠞꠛꠣꠄ, ꠅꠁꠟꠦ ꠁ ꠖꠥꠘꠤꠀꠞ ꠝꠣꠘꠡꠦ ꠈꠥꠡꠤ ꠇꠞꠛꠣ। ꠔꠥꠝꠞꠣ ꠅꠈꠘ ꠖꠥꠈ-ꠇꠡ꠆ꠐ ꠇꠞꠛꠣꠄ, ꠅꠁꠟꠦ ꠛꠣꠖꠦ ꠁ ꠖꠥꠈ ꠞꠁꠔ ꠘꠣꠄ, ꠄꠞ ꠛꠖꠟꠣ ꠈꠥꠡꠤ ꠇꠞꠛꠣꠄ।