ꠁꠘ꠆ꠎꠤꠟ ৪: ꠢꠣꠘ꠆ꠘꠣꠘ 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ꠀꠝꠤꠃ ꠀꠋꠉꠥꠞ ꠉꠣꠍ, ꠀꠞ ꠔꠥꠝꠞꠣ ꠅꠁꠟꠣꠄ ꠒꠣꠟ-ꠙꠣꠟꠣ। ꠎꠦ ꠎꠘ ꠀꠝꠣꠞ ꠟꠉꠦ ꠟꠣꠉꠣꠁꠟ ꠕꠣꠇꠦ, ꠀꠝꠤꠅ ꠔꠣꠞ ꠟꠉꠦ ꠟꠣꠉꠣꠁꠟ ꠞꠁ, ꠔꠦꠃ ꠔꠣꠞ ꠎꠤꠘ꠆ꠖꠦꠉꠤꠔ ꠛꠃꠔ ꠚꠟ ꠗꠞꠦ। ꠀꠞ, ꠀꠝꠣꠞꠦ ꠍꠣꠠꠣ ꠔ ꠔꠥꠝꠞꠣ ꠇꠥꠘ꠆ꠔꠣꠃ ꠇꠞꠔꠣꠄ ꠙꠣꠞ ꠘꠣ।

ꠔꠥꠝꠞꠣ ꠀꠝꠣꠞ ꠝꠣꠎꠦ ꠞꠅ, ꠀꠝꠤꠅ ꠔꠥꠝꠞꠣꠞ ꠖꠤꠟꠅ ꠞꠁꠝꠥ। ꠀꠋꠉꠥꠞ ꠉꠣꠍꠞ ꠟꠉꠦ ꠒꠣꠟ ꠎꠥꠖꠤ ꠟꠣꠉꠣꠁꠟ ꠘꠣ ꠕꠣꠇꠦ, ꠔꠦ ꠒꠣꠟꠦ ꠎꠦꠟꠣ ꠘꠤꠎꠦ ꠘꠤꠎꠦ ꠚꠟ ꠗꠞꠣꠁꠔ ꠙꠣꠞꠦ ꠘꠣ, ꠅꠃꠟꠣ ꠔꠥꠝꠞꠣꠅ ꠀꠝꠣꠞ ꠝꠣꠎꠦ ꠘꠣ ꠞꠁꠟꠦ ꠘꠤꠎꠦ ꠘꠤꠎꠦ ꠚꠟꠀꠟꠣ ꠅꠁꠔꠣꠄ ꠙꠣꠞ ꠘꠣ।

ꠔꠥꠝꠞꠣ ꠎꠥꠖꠤ ꠀꠝꠣꠞ ꠟꠉꠦ ꠟꠣꠉꠣꠁꠟ ꠕꠣꠇ ꠀꠞ ꠀꠝꠣꠞ ꠇꠣꠟꠣꠝ ꠈꠣꠘꠣꠁꠘ ꠔꠥꠝꠞꠣꠞ ꠖꠤꠟꠅ ꠕꠣꠇꠦ, ꠔꠦ ꠔꠥꠝꠞꠣꠞ ꠎꠦꠔꠣ ꠁꠌ꠆ꠍꠣ ꠅꠔꠣꠃ ꠌꠣꠁꠅ, ꠁꠔꠣ ꠔꠥꠝꠞꠣꠞꠦ ꠖꠦꠅꠀ ꠅꠁꠛ।

“ꠀꠝꠣꠞꠦ ꠔ ꠔꠥꠝꠞꠣ ꠙꠍꠘ꠆ꠖ ꠇꠞꠍ ꠘꠣ, ꠛꠞꠋ ꠀꠝꠤꠃ ꠔꠥꠝꠞꠣꠞꠦ ꠙꠍꠘ꠆ꠖ ꠇꠞꠍꠤ ꠀꠞ ꠇꠣꠝꠅ ꠟꠣꠉꠣꠁꠍꠤ, ꠎꠣꠔꠦ ꠔꠥꠝꠞꠣꠞ ꠎꠤꠘ꠆ꠖꠦꠉꠤ ꠚꠟꠀꠟꠣ ꠅꠄ ꠀꠞ ꠅꠃ ꠚꠟ ꠐꠤꠇꠤꠀ ꠞꠄ। ꠔꠦꠃ ꠀꠝꠣꠞ ꠘꠣꠝꠦ ꠉꠣꠁꠛꠤ ꠛꠣꠚꠞ ꠉꠦꠍꠦ ꠎꠦꠔꠣ ꠌꠣꠁꠛꠣꠄ, ꠔꠣꠁꠘ ꠔꠥꠝꠞꠣꠞꠦ ꠖꠤꠛꠣ।

ꠇꠦꠃ ꠎꠥꠖꠤ ꠘꠤꠎꠞ ꠖꠥꠡ꠆ꠔꠞ ꠟꠣꠉꠤ ꠎꠣꠘ ꠛꠤꠟꠣꠁ ꠖꠦꠄ, ꠔꠦ ꠔꠣꠞ ꠕꠣꠇꠤ ꠀꠞ ꠛꠦꠡꠤ ꠝꠣꠄꠀ ꠇꠣꠞ ꠀꠍꠦ?

ꠀꠝꠣꠞ ꠎꠦꠔꠣ ꠒꠣꠟꠣꠁꠘ꠆ꠔꠅ ꠚꠟ ꠗꠞꠦ ꠘꠣ, ꠔꠣꠁꠘ ꠁꠔꠣꠞꠦ ꠇꠣꠐꠤꠀ ꠚꠣꠟꠣꠁ ꠖꠦꠁꠘ। ꠀꠞ ꠎꠦꠔꠣ ꠒꠣꠟꠣꠁꠘ꠆ꠔꠅ ꠚꠟ ꠗꠞꠦ, ꠔꠣꠁꠘ ꠁꠔꠣꠞꠦ ꠍꠣꠐꠤꠀ ꠍꠣꠚ-ꠍꠥꠔꠞꠣ ꠇꠞꠤ ꠞꠣꠈꠂꠘ, ꠎꠣꠔꠦ ꠀꠞꠅ ꠛꠦꠡꠤ ꠚꠟ ꠗꠞꠦ।

ꠀꠝꠣꠞ ꠢꠥꠇꠥꠝ ꠅꠁꠟ, ꠀꠝꠤ ꠎꠦꠟꠣ ꠔꠥꠝꠞꠣꠞꠦ ꠝꠣꠄꠀ ꠇꠞꠍꠤ, ꠔꠥꠝꠞꠣꠅ ꠅꠃꠟꠣ ꠄꠇꠦ-ꠅꠁꠘ꠆ꠘꠞꠦ ꠝꠣꠄꠀ ꠇꠞꠅ।

ꠔꠥꠝꠞꠣꠞ ꠎꠤꠘ꠆ꠖꠦꠉꠤꠔ ꠎꠥꠖꠤ ꠛꠃꠔ ꠚꠟ ꠗꠞꠦ, ꠀꠞ ꠅꠟꠣꠈꠣꠘ ꠔꠥꠝꠞꠣ ꠘꠤꠎꠞꠦ ꠀꠝꠣꠞ ꠃꠝ꠆ꠝꠔ ꠢꠤꠡꠣꠛꠦ ꠙꠞꠝꠣꠘ ꠇꠞꠤꠟꠣꠅ, ꠔꠦ ꠀꠝꠣꠞ ꠉꠣꠁꠛꠤ ꠛꠣꠚꠞ ꠔꠣꠞꠤꠚ ꠅꠁꠛ।

ꠢꠎꠞꠔ ꠁꠍꠣꠄ ꠇꠁꠟꠣ, “ꠀꠝꠤꠃ ꠀꠍꠟ ꠀꠋꠉꠥꠞ ꠉꠣꠍ ꠀꠞ ꠀꠝꠣꠞ ꠛꠣꠛꠣ ꠉꠤꠞꠡ꠆ꠔ।

“ꠀꠝꠣꠞ ꠟꠉꠦ ꠇꠦꠃ ꠟꠣꠉꠣꠁꠟ ꠘꠣ ꠞꠁꠟꠦ, ꠔꠣꠞꠦ ꠇꠣꠐꠣ ꠒꠣꠟꠞ ꠟꠣꠈꠣꠘ ꠚꠣꠟꠣꠁ ꠖꠦꠅꠀ ꠅꠄ ꠀꠞ ꠞꠂꠖꠦ ꠢꠥꠇꠣꠁ ꠎꠣꠄ। ꠛꠣꠖꠦ ꠢꠥꠇꠘꠣ ꠒꠣꠟꠣꠁꠘ ꠔꠥꠛꠣꠁꠀ ꠀꠉꠥꠁꠘꠅ ꠖꠦꠁꠘ, ꠔꠦꠃ ꠁꠔꠣ ꠎꠟꠤ-ꠙꠥꠠꠤ ꠎꠣꠄ।

“ꠀꠝꠤ ꠔꠥꠝꠞꠣꠞꠦ ꠁꠔꠣ ꠇꠁꠟꠣꠝ, ꠎꠣꠔꠦ ꠀꠝꠣꠞ ꠈꠥꠡꠤ ꠔꠥꠝꠞꠣꠞ ꠖꠤꠟꠅ ꠕꠣꠇꠦ ꠀꠞ ꠔꠥꠝꠞꠣꠞ ꠈꠥꠡꠤ ꠙꠥꠞꠣ ꠅꠄ।

ꠀꠝꠤ ꠀꠝꠣꠞ ꠛꠣꠚꠞ ꠢꠇꠟ ꠢꠥꠇꠥꠝ-ꠀꠢꠇꠣꠝ ꠝꠣꠘꠤꠀ ꠎꠦꠟꠣ ꠔꠣꠘ ꠝꠣꠄꠀꠞ ꠝꠣꠎꠦ ꠞꠁꠍꠤ, ꠔꠥꠝꠞꠣꠅ ꠅꠃꠟꠣ ꠀꠝꠣꠞ ꠢꠥꠇꠥꠝ-ꠀꠢꠇꠣꠝ ꠝꠣꠘꠟꠦ ꠀꠝꠣꠞ ꠝꠣꠄꠀꠞ ꠝꠣꠎꠦ ꠞꠁꠛꠣꠄ।

ꠀꠝꠤ ꠔꠥꠝꠞꠣꠞꠦ ꠅꠃ ꠢꠥꠇꠥꠝ ꠖꠤꠀꠞ, ꠔꠥꠝꠞꠣ ꠄꠇꠦ-ꠅꠁꠘ꠆ꠘꠞꠦ ꠝꠣꠄꠀ ꠇꠞꠅ।

ꠔꠥꠝꠞꠣ ꠎꠥꠖꠤ ꠅꠃ ꠖꠥꠘꠤꠀꠞ ꠅꠁꠔꠣꠄ, ꠔꠦ ꠔꠣꠞꠣ ꠔꠥꠝꠞꠣꠞꠦ ꠘꠤꠎꠞ ꠢꠤꠡꠣꠛꠦ ꠜꠣꠟꠣ ꠙꠣꠁꠟ ꠅꠘꠦ। ꠔꠥꠝꠞꠣ ꠔ ꠁ ꠖꠥꠘꠤꠀꠞ ꠘꠣꠄ, ꠀꠝꠤ ꠔꠥꠝꠞꠣꠞꠦ ꠖꠥꠘꠤꠀꠞ ꠝꠣꠎ ꠕꠣꠇꠤ ꠙꠍꠘ꠆ꠖ ꠇꠞꠍꠤ ꠉꠔꠤꠇꠦ ꠔꠣꠞꠣ ꠔꠥꠝꠞꠣꠞꠦ ꠊꠤꠘ꠆ꠘꠣꠄ।