Освалд Чемберс: Радост - Силата во ГосподПримерок

Сфаќањето дека мојата сила е секогаш пречка за Божјото учество во мојот живот е нешто што широко ги отвара очите. Еден човек кој е генијалец е наклонет да зависи од својот талент наместо од Бог. Човекот кој има пари е наклонет да зависи од парите наместо од Бог. Мнозина од нас имаат доверба во она што го имаме и поседуваме наместо целосно да се доверуваме на Бог.

Сите овие извори на сила се извори на двојна слабост. Но кога ќе сфатиме дека нашиот вистински живот е „сокриен со Христос во Бог“, дека сме „комплетни во Него“, во кого „живее сета полнота на Божеството“, тогаш Неговата сила зрачејќи се манифестира во нашите смртни тела. Бог нека направи Неговиот Дух да го доведе секој еден од нас до местото каде се учи и ужива тајната за тоа дека Неговата сила станува совршена во нашата слабост.

Прашања за размислување: Како мојата сила го попречува Бог? Како она што го поседувам го попречува Бог? Која тајна е сокриена од мене бидејќи одбивам да се потпрам на Бог?

Цитатите се превземени од: God’s Workmanship, © Discovery House Publishers