Марко 5:14-20
Марко 5:14-20 Свето Писмо: Стандардна Библија 2006 (66 книги) (MK2006)
А оние, што ги пасеа свињите, побегнаа и известија во градот и по околијата. И мнозина излегоа да видат што станало. И дојдоа кај Исус, и го видоа бесомачниот како седи облечен, и со здрав ум, во кого имаше легија, и се уплашија. А оние, кои беа виделе, раскажуваа што стана со обземениот од зол дух и со свињите. И почнаа да Го молат да си оди од нивните краишта. А кога влезе во коработ, оној, што беше порано бесомачен, Го помоли да биде со Него. Исус не му дозволи, но му рече: „Оди дома кај своите, па раскажи им што стори Господ за тебе и како те помилува.“ Си отиде, и почна да раскажува по Десеттоградието што му направи Исус. И сите се чудеа.
Марко 5:14-20 Динамичен превод на Новиот завет на македонски јазик (MNT)
Свињарите се разбегаа и разгласија за ова по градот и по селата, така што народот излезе да види што се случило. Кога дојдоа до Исус и го видоа човекот кој порано беше обземен од легија демони како седи облечен и со здрав ум, многу се исплашија. Откако очевидците им раскажаа за она што се случи со човекот и со свињите, луѓето Го замолија Исуса да си оди од нивниот крај. Кога Исус се враќаше на бротчето, човекот кој дотогаш беше обземен од демони Го молеше и тој да тргне со Него. Но Исус не му дозволи, туку му рече: „Оди си дома и кажи им на твоите роднини што стори Господ за тебе со Своето милосрдие.“ Тогаш тој си замина и патуваше по пределот на Декаполис и на сите им раскажуваше за она што Исус го стори за него. И секој што ќе чуеше се восхитуваше.
Марко 5:14-20 Библија: Стариот и Новиот Завет, Константинов (MKB)
А оние, кои ги пасеа, побегнаа и разгласија во градот и по селата, и дојдоа да видат што станало. И кога дојдоа при Исуса и го видоа бесниот - во кого беше Легионот - како седи облечен и умен, се уплашија. А оние, кои беа виделе, им раскажаа што се случи со бесниот и со свињите. И почнаа да Го молат да си отиде од нивниот крај. А кога влегуваше во коработ, оној кој беше фатен од бесовите, Му се молеше да биде со Него. Но не му одобри, туку му рече: „Оди дома при своите, и раскажи им што ти направи Господ и како ти се смилува!“ И отиде и почна да раскажува по Десеттоградието што му направи Исус; и сите се восхитуваа.