Излез 17:1-3
Излез 17:1-3 Свето Писмо: Стандардна Библија 2006 (66 книги) (MK2006)
И се крена целото општество на синовите израелски, од пустината Син, продолжувајќи го својот пат по заповед на Господ, и се задржаа во Рефидим; а таму немаше вода да пие народот. И народот го укори Мојсеј, велејќи: „Дај ни вода да пиеме!“ А Мојсеј им рече: „Зошто ме укорувате мене? Зошто Го искушувате Господа?“ И жеден беше за вода народот таму, па негодуваше против Мојсеј и велеше: „Зошто нѐ изведе од Египет и нас, и синовите наши, и добитокот наш, за да нѐ помориш со жед?“
Излез 17:1-3 Библија: Стариот и Новиот Завет, Константинов (MKB)
Целата израелска заедница, по Господова заповед, тргна натаму од пустината Син. Се влогорија кај Рафидим. Таму немаше вода да пие народот. Затоа народот почна да се препира со Мојсеја. Викаа: „Дај ни вода да пиеме!“ А Мојсеј им одговори: „Зошто се препирате со мене? Зошто Го искушувате Господа?“ Ама народот ожедне за вода, па ропташе против Мојсеја и говореше: „Зошто нѐ изведе од Египет? Зар да не помориш со жед, нас, нашите деца и нашиот добиток?“