Markusna Enjil 16
16
Bag. 16.
1Samte nogossinn aharro Meryem Majdaliyagon wide Meryem Yagubna tinengon wide Salumagon hanut wekki janed tasan, tekked tekki haniteru an. 2Fijirki bedirergi, jumana koyalgi, masilbajegodon tenai tasan. 3Wide ittiwrina barer awesan: „Ni argi kulugi bigergijdecchirin ten agildogorton?“ 4Tiri uru nalsan kulu gergijbungi. Kulugon desen dul esum. 5Tēr torossann agabir shebab wekki kade aro wekki undured iyinneged agingon nalsan. 6Wide sarkossan. Ter wetidirsum: „Sarkimenwe. Iri Yesu Nasirandigi abirigrun berro solibuelgi. Ter imbelossum. Ter indomnum. Ahan agar tedder tekki uskursangi. 7Elekengon tale jurgi tenna hiranigon Butruskongi wetidirwe ter irgi Jelilgir binogjungi. Mandogon tekki binallun ter irgi wetidirsin nawre.“ 8Tiri shutte belligi terton dos belsan. Mine sarkegon wide hairagon tirgi aredirsum. Wala zol wekki were wekki wetirkomnan, asarkisanged.
9Yesu imbolossinn aharro jumana koyalna fejirki, Meryem Majdaliyagi koyalgi zahretirsum, teddoton newerti mili kolodti osinna tirtigi. 10Ter jurgi tekkodon dareligi wetidirsum, awigrangon wide alilirangon. 11Mangu ter ayingi gijred wide ecchi tekki nalsangi, alegirkomnan.
12Manin aharro jiha echel wekked tiddeton owigi zahretidirsum, tir taleburangon halagir. 13In owigon jurgi kewidbuligi wetidirsan. Wala in owigon alegirkomnan.
14Agabir diminde weringarigi zahretidirsum, tiri agrangon. Wide tinna imankiyikanegi wabihesum wide tinna achina kogorkanegi. Mine ter imbolossingi naleligi mursigirrangad. 15Wide wetidirsum: „Bel juwe alam maler. Wide enjilged zol malegi beshirewe. 16Amnelna zol, wide kidirtakkil, bostakkin. Ama amnemenilgon bidinetakkin. 17Aamneligi in ayachi bitebaeran: Shetanigi bosran ann eriged, 18wide nedi eriged bibaindan, āyachigon binjikandan. Tir on haja abelgi nikrangon, tirgi biduremnum. Wide tinna ichigi odilin dogor kujurkiran, bigenandan.“
19Yesu tirgodon bainossinn aharro simegir soke kuj artina iyinneged tegossum.
20Ama tiri belligi wide beshiresan agar maler. Artigon tirgodon aawsum. Wide weregi akogorkirtidirsum ayachiged.
Bajsum.
Селектирано:
Markusna Enjil 16: XNZ1912
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Published by the British and Foreign Bible Society in 1912.