Даниел 9
9
Даниеловата покајничка молитва
1 #
6,1; Ест 1,1; Езд 4,6 Во првата година од царувањето на Дариј, синот на Ксеркс, од мидиски род, кој беше поставен за цар над вавилонското царство, 2#Ер 25,11-12; 29,10; Зах 1,12; 7,5; 2 Лет 36,21во првата година на неговото царување, јас, Даниел, го разбрав според книгите бројот на годините според словото што му го беше кажал Господ на Еремија, дека седумдесет години ќе се навршат над опустошениот Ерусалим. 3#2 Сам 13,19; Ер 29,12; Неем 1,4; 2 Лет 20,3И го свртев лицето свое кон Господ Бог со молитва и со молба, во пост, во вреќиште и пепел. 4#6,11; Неем 1,5-11И Му се молев на Господ мојот Бог, се исповедав и Му реков: „Те молам, Господи, Боже Велики и чудесен, Кој пазиш на заветот и имаш милост за оние кои Те сакаат и кои ги пазат Твоите заповеди! 5#Суд 10,10; Ис 53,6; Пс 106,6Згрешивме, вршевме беззаконија, дејствувавме нечесно, се противевме и отстапивме од Твоите заповеди и од Твоите наредби 6#9,10.14; Ер 7,26; 2 Лет 33,10; 36,16и не ги слушавме Твоите слуги, пророците, кои им зборуваа од Твое име на царевите наши и на достоинствениците наши, на татковците наши и на сиот народ од земјата. 7#Ис 42,6; Ер 23,3.8; 32,37; Амос 9,9; Езд 9,7.15Во Тебе, Господи, има правда, а во нас – срам на лицата, како што е денес кај секој Јудеец, меѓу жителите на Ерусалим и во сиот Израел, и кај ближниот и кај далечниот, по сите краишта каде што си ги прогонил заради нивното отстапништво, со кое отстапија од Тебе. 8#Ер 14,20; Ез 16,63; Неем 9,33Господи, кај нас на лицата наши има срам, кај царевите наши, кај кнезовите наши и кај татковците наши, зашто згрешивме пред Тебе. 9#2 Цар 17,13-15; 18,12А кај Господ, нашиот Бог, има милосрдност и проштевање, бидејќи ние се одметнавме од Него. 10#Ер 26,4; 32,23; 44,10И не го слушавме гласот на Господ, нашиот Бог за да постапиме според Неговите закони што ни ги даваше преку своите слуги – пророците. 11#5 Мојс 11,26; 2 Цар 22,16; Ер 18,10; 42,13.18; 44,6И сиот Израел го престапи Твојот закон и се одврати, не слушајќи го Твојот глас; па затоа врз нас се излеа проклетство и клетва, што се напишани во законот Мојсеев, слугата Божји; зашто згрешивме пред Него. 12#12,1; Ер 35,17; 36,31; Ез 5,9; Зах 1,6И Тој ги изврши заканите Свои што ги кажа против нас и против нашите судии, кои нѐ судеа, испраќајќи против нас голема несреќа каква што немало под небесата, каква што се извршува над Ерусалим. 13#5 Мојс 28,49-57; Ис 31,1Како што е напишано во законот Мојсеев, така нѐ постигна сето тоа зло; но не Го молевме Господа, нашиот Бог, не се обративме од беззаконијата свои за да ја разбереме Твојата вистина. 14#Ер 1,11-12; 31,28; 44,27; Езд 9,15Господ беше подготвен за тоа зло и го испрати врз нас; зашто праведен е Господ нашиот Бог во сите Свои дела што ги врши, но ние не го слушавме гласот Негов. 15#2 Мојс 3,20; 5 Мојс 26,8; Ер 32,21; Неем 9,10И сега, Господи, Боже наш, Ти што го изведе народот Свој од земјата египетска со силна рака, Ти ја покажа славата Своја што се памети до денес; згрешивме, постапивме нечесно. 16#Ис 5,25; Ер 32,32; Ез 25,3.8; 36,2-4Господи, по сета Твоја правда нека се одврати гневот Твој и јароста Твоја од Твојот град Ерусалим, од Светата Твоја Гора; зашто поради гревовите наши и поради беззаконијата на татковците наши Ерусалим и народот Твој е за потсмев кај сите што нѐ опкружуваат. 17#4 Мојс 6,24-26; Пс 80,18А сега чуј ја, Боже наш, молитвата на Твојот слуга и неговото усрдно молење, па заради Тебе, Господи, погледај со светлото Твое лице на опустошеното Твое светилиште. 18#Ис 37,17; Ер 7,10-12; Пс 116,1Приклони го, Боже мој, увото Свое и послушај, отвори ги очите Свои и погледај ги нашите пустоши и градот, во кој се призива името Твое; зашто ние ги принесуваме молењата свои пред Тебе, надевајќи се не на нашата праведност, туку на Твојата голема милосрдност. 19#1 Сам 12,22; Пс 44,22Чуј Господи, Господи прости ни, Господи погледај и изврши, не колебај се поради Самиот Тебе, Боже мој, зашто името Твое се призива во Твојот град и во Твојот народ!“ 20#Езд 10,1Додека зборував и се молев и ги исповедав гревовите свои и гревовите на мојот народ Израел и ја принесував молбата своја пред Господ, мојот Бог, за светата гора на мојот Бог, 21#8,16-26; 2 Мојс 29,39; Лк 1,19додека ја изговарав молитвата, човекот Гаврил кого го бев видел во поранешното видение, долета брзо, се допре до мене во времето на вечерната жртва, 22#7,16; 10,14; Амос 3,7ме вразуми, говореше со мене и рече: „Даниеле, сега излегов за да те научам да разбираш. 23#Мт 24,15; Лк 1,28Во почетокот на твоето молење се појави твојот збор и јас дојдов да ти го соопштам, зашто ти си човек сакан; па така, внеси се во зборот и разбери го видението. 24#Ис 53,10; 56,1; Ер 25,12; 29,10; 2 Лет 36,21; Евр 9,12Седумдесетте седмици#9,24 седум пати по 70 години. се определени за твојот народ и за светиот твој град за да биде крај на престапот, за да му се стави печат на гревот и избришани беззаконијата, за да биде доведена вечната правда, за да им се стави печат на виденијата и пророците и да биде помазан Светиот на светиите. 25#Езд 4,24; 6,15; Јн 4,25И така, знај и разбери: од времето кога излезе законот за обновување на Ерусалим, до доаѓањето на Помазаникот Божји се седум седмици#9,25 овде зборот седмица означува седум години.. Потоа ќе биде обновен Ерусалим со улици и ѕидини, и ќе опстои шеесет и две седмици; а тоа ќе биде тешко време. 26#Ис 28,2; 53,8; Ез 4,5; Мт 16,21И по шеесет и двете седмици Помазаникот ќе биде предаден на смрт неправедно а градот и светилиштето ќе бидат разрушени од народот на водачот што ќе дојде, и крајот ќе му биде како од поплава, и до крајот на војната ќе има опустошување. 27#8,11; 11,31; 12,7; Мт 24,15; Мк 13,14И во една седмица ќе склопи завет со мнозина, а во половината на седмицата ќе престанат жртвата и приносот, а на врвот од светилиштето ќе биде поставен Гнасниот Пустошник#9,27 се однесува на пагански лик, кој подоцна бил поставен во Ерусалимскиот храм, од страна на туѓите поробувачи., сѐ додека предопределената пустош не го собори Пустошникот.“
Селектирано:
Даниел 9: MK2006
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006