Ny Baiboly Ho An’ny AnkizySantionany

ANDRIAMANITRA NO NAMORONA NY ZAVATRA REHETRA! Namorona ny lehilahy voalohany ANDRIAMANITRA, Adama no niantsoany azy. I Adama dia niara-niaina tamin’ny vadiny antsoina hoe Eva tao amin’ny saha Edena. Sambatra ery izy ireo niaina tao, nankato sy nankasitraka ny fiarahana tamin'ANDRIAMANITRA. Saingy indray andro …

Nisy menarana iray nanatona nila resaka tamin’i Eva ka nanontany azy hoe: "Hay ve ka noraran'ANDRIAMA NITRA tsy hihinana ny voankazo rehetra ato amin'ny saha ianareo e?"

"Afaka mihinana ny voankazo rehetra ato izahay, afa-tsy iroa hazo fihinamboa iroa ihany!" hoy Eva. "Raha mihinana na mikasika io hazo io izahay dia ho faty". "Mandainga ANDRIAMANITRA, tsy ho faty izany ianareo" hoy ny menarana nihomehy. "Tsy tiany hitovy Aminy fotsiny ianareo." Efa ela i Eva no nitsiriritra mafy sy te-hihinana ny voan’ io hazo fihinamboa io. Tsy naharitra ny fakam- panahy izy noho izany ka nino izay nolazain’ny menarana. Dia naka sy nihinana ny voan’ilay hazo.

Ny tena loza dia tsy izy irery ihany no nihinana ilay voankazo fa nomeny koa i Adama, ary dia nihinana niaraka taminy. Eny fa na dia tokony hiteny aza i Adama hoe, "Tsia, tsy handika ny tenin’ANDRIAMANITRA aho."

Rehefa avy nandika ny lalàn’Andrimanitra i Adama sy Eva dia nahatsiaro tena ho niboridana ka menatra. Naka ravinkazo izy ireo noho izany mba hataony fitafiana, ary dia nandeha niafina an’ANDRIAMANITRA izy ireo.

Rehefa harivariva iny ny andro, dia nitsangatsangana tao anaty saha ANDRIAMANITRA. Efa fantany ny fahotana nataon’i Adama sy Eva. Rehefa nanontaniana izy roa dia nifanilika. Adama nanome tsiny an’i Eva ary Eva nanome tsiny ny menarana. Voasazy izy ireo noho izany. Ka hoy ANDRIAMANITRA: "Voaozona amin’ny biby rehetra ianao ry menarana. Ary ianao ry Eva, dia hijaly tokoa indrindra rehefa miteraka." "Adama! satria efa nanota tamiko ianao, dia ho voaozona miaraka aminao ny tany ka haniry tsilo sy hery ho anao izy. Ary ny hatsembohan'ny tavanao no hihinananao."

Ary ANDRIAMANITRA nandroaka an’i Adama sy Eva hiala ny saha Edena. Satria nanota sy tsy nank ato izy ireo ka dia tafasaraka tamin’ANDRIAMANITRA!

Dia namboatra sabatra milelafo Andiamanitra mba hiambina an’i Adama sy Eva any ivelan’ny saha Edena. Namboatra fitafiana vita tamin’ny hodi-bibyho azy roa ihany koa ANDRIAMANITRA.

Niteraka i Adama sy Eva taty aoriana. Ny zanany lahy voalohany izay nantsoina hoe Kaina, dia mpiasa tany. Ny faharoa kosa, i Abela, dia mpiandry ondry. Indray andro, nanao fanatitra ho an’ANDRIAMANITRA izy roalahy. Raha nanolotra vokatry ny taniny maromaro i Kaina, i Abela kosa nanolotra zanak’ondry, izay tsara sy matavy indrindra tao am-balany. Nahafaly an’ANDRIAMANITRA ny fanatitra nataon’i Abela.

Tsy nankasitrahan'ANDRIAMANITRA ny fanomezana natolotr’i Kaina. Tezitra mafy i Kaina noho izany. Ka hoy ANDRIAMANITRA taminy: "Raha nanao ny tsara ianao, dia tsy ho nekeko va ?"

Tsy nety nitony ny fahatezeran’i Kaina. Fotoana vitsy taty aoriana, rehefa tafaraka tany an-tsaha izy roalahy dia novonoiny i Abela, ka maty.

Ary ANDRIAMANITRA niantso an’i Kaina, ka nanontany azy: "Aiza moa Abela rahalahinao?" "Tsy hitako izy" hoy i Kaina nandainga. "Izaho angaha mpiambina azy." Tezitra ANDRIAMANITRA ka nosaziany i Kaina. Tsy navelany hiasa sy hamboly teo amin’ny tany intsony i Kaina ka lasa mpirenireny.

Dia nandao an’ANDRIAMANITRA i Kaina. Taty aoriana dia nanambady ny zanakavavin’i Adama sy Eva izy. Nihamaro ny taranany. Ary vetivety monja feno ny zafikely sy ny zafiafin’i Kaina ny tanàna izay naoriny.

Nandritra izany fotoana izany dia nitombo be ihany koa ny taranak’i Adama sy Eva. Tamin’izany andro izany dia tena ela velona tokoa ny olona fa tsy toy ny amin’izao vanin’andro misy antsika izao.

Rehefa niteraka ny zanany lahy antsoina hoe Seta i Eva dia hoy izy: "ANDRIAMANITRA dia nanolotra ahy an’i Seta ho solon’i Abela." I Seta dia lehilahy tena nino sy nankato an’ANDRIAMANITRA. Niaina 912 taona izy ary nanana taranaka maro.

Niharatsy fanahy hatrany hatrany ny olombelona tety ambonin'ny tany. Nony farany dia nanapa-kevitra ANDRIAMANITRA fa handringana azy sy ny biby ary koa ny voromanidina rehetra. Nanenina ANDRIAMANITRA raha namorona ny olona. Saingy nisy lehilahy iray nankasitrahan'ANDRIAMANITRA …

Noa no anaran'izany lehilahy izany. Taranak'i Seta izy io. Izy dia lehilahy marina sy tsy nanan-tsiny teo anatrehan'ANDRIAMANITRA. Nankato hatrany an'ANDRIAMANITRA izy. Nampianariny ny zanany telolahy izany fankatoavana an'ANDRIAMANITRA izany. Ankehitriny àry ANDRIAMANITRA dia nanomana iraka manokana ho an’i Noa.

Tapitra