Mifikitra ao amin'ny Fahasoavana

Mety ho efa naheno izany ianao taloha:sarotra ny fiainana; Tsara Andriamanitra. Io fitenenana io dia mihoatra lavitra noho ny sarin-teny: tena fahamarinana teolojika ary mafy orina izany. Misy olona tena manam-pahalalana mametraka fanontaniana tahaka ny hoe, "raha tsara Andriamanitra, dia maninona no mitranga izao? Fa maninona no avela hisy ny tsy rariny, ary maninona no mafy dia mafy ny fiainana?” Ireny olona tena manam-pahalalana ireny no nandravona fa mafy ny fiainana ARY Tsara Andriamanitra. Ny iray tsy manafoana ny iray hafa. Nantsoin'izy ireo izany hoe "theodicy."

Ny ankamaroan'ny olona dia mihevitra fa satria sarotra ny fiainana, dia tsy tsara Andriamanitra—fa tsy izany no zava-misy. Tsy hoe rehefa tsy ny iray dia tsy maintsy ny iray. Taona vitsivitsy lasa izay, dia nanapa-kevitra aho fa na dia tsy afaka mamaly ny "nahoana?" ampahany tamin'io fanontaniana("Raha tsara Andriamanitra, dia maninona no ____?"), io aza, nanapa-kevitra aho fa hanafoana ny “raha.” Raha lazaina amin'ny teny hafa dia, misafidy ny hino aho fa tsara Andriamanitra . . . na inona na inona mitranga.

Afaka mifikitra amin'ny fahatsaran'Andriamanitra ihany koa ianao.

Atombohy amin'ny fijerena ny fahasoavan'Andriamanitra na eo aza ny zava-mitranga hafa. Angamba mihidy ny varavarana amin'ny fotoana iray, fa angamba Andriamanitra manana zavatra tsaratsara kokoa ka tokony handeha amin'ny varavarana hafa isika mba hahazoana izany. Efa nitranga im-betsaka teo amin'ny fiainako izany, ka izany no andrasako ankehitriny. Rehefa misy zavatra tsy mandeha araka ny eritreritro, dia ampahatsiahiviko ny tenako ny amin'ny fandaharan'Andriamanitra ary manomboka mijery ny lalana hafa aho mba hahita izay lalana heverin'Andriamanitra ho ahy.

Ny fifatorana amin'ny hatsaran'Andriamanitra dia tsy voatery ho zavatra mety amintsika foana. Fanapahan-kevitra hentitra izany mba tsy hamelana ny fahasarotam-piainana hanadinoana ny halebiazan'Andriamanitra.

Saintsaino izao: Ahoana ny fomba azonao ampahatsiahivanao ny tenanao mba hijery ny fahatsaran'Andriamanitra na dia eo aza ny toe-javatra misy?

VAVAKA: Andriamanitra ô, misaotra anao aho noho ny fanampiana ahy hifikitra amin'ny hatsaram-ponao. Omeo hery aho anio tsy hametra-panontaniana sy hanomboka hijery ny fahasoavanao amin'ny toe-javatra rehetra. Amin'ny Anaran'i Jesoa. Amen.