Ny Fanambinan'ny Fianakaviana

Ny fanambinan'Andriamanitra dia mikoriana eo amin'ny fiainantsika toy ny fanambinan'ny raim-pianakaviana mikoriana ao amin'ny fiainan'ny zanany. (Ary Izy no fanoharana lehibe indrindra azonao eritreretina ho Ray) Tia anao Andriamanitra. Izy dia mihevitra anao ho zanany, ary mahatonga anao ho mpandray ny fitahiany.

Aza mieritreritra hoe mila miala tsiny amin'ny olona ianao, na manamarina ny hatsaram-panahin'Andriamanitra amin'ireo izay mety tsy mahazo na manaiky izany. Misy hatrany ny olona mitsikera ny fandresenao na manao tsinotsinona ny fitahianao anio, satria mieritreritra izy fa olona hafa no mendrika izany. Raha ny marina, raha toa ianao mahatsapa fa tsy mendrika ny fitahiana azony ny olona iray (azafady, efa nandalo izany daholo isika rehetra . . .), mety marina angamba ianao! Fa izao misy fotoana tena mampientam-po antsika tsirairay avy: tsy afaka mankahala ny fanambinana amin'ny fiainan'ny olon-kafa isika raha te handray izany koa.

Rehefa manomboka mahatakatra isika fa ny fanambinana dia fanehoana ny fahasoavan'Andriamanitra, dia afaka takatsika fa ny fanambinana azontsika—tahaka ny fahasoavana—dia tsy mifanaraka amin'izay mendrika ho antsika.

Saintsaino anie: Mieritrereta tranga tamin'ny fiainanao izay nahazoanao fanambinana tsy nampoizina na tsy mendrika anao?

VAVAKA: Andriamanitra ô, misaotra anao tonga Ray ho ahy. Na manao ahoana na manao ahoana ny raiko teto an-tany, Ianao dia Ray Tena Tia ary manana fanambinana mandrakariva ho an'ny hoaviko. Ampianaro aho anio hanaiky ny Fanambinan'ny fianakaviana izay nomenao ahy tahaka ny zanakao. Amin'ny Anaran'i Jesoa. Amen.