Mihaino an'AndriamanitraSantionany

Iza no Birao Mpanolo-tsaina Ara-panahy anao?

Andriamanitra matetika dia mampita ny sitrapony sy ny fahendreny aminao amin'ny alalan'ny mpanara-dia an'i Kristy hafa! Tsy ho voatanisako mihitsy ny fotoana nampiasan'Andriamanitra Kristianina hafa mba hampitana hafatra amin'ny foko! Henoko ny feony amin'ny alalan'ny pasitera, ny podcast, ny namako, ny zanako, ny mpitoraka blaogy, na ny olona amin'ny fiainam-pikambanana. Tena hitako ny sasantsasany amin'izy ireo ho Birao Mpanolo-tsaina Ara-panahy ahy. Izy ireo dia: ny vadiko, mpanoro hevitra, mpiara-mivavaka, namana, ary ny ray aman-dreniko.

Ahoana ny aminao? Moa ve ianao mitady sy mihaino malalaka ireo mpino hafa izay hajainao? Ny fifandraisana tsy tapaka amin'ny Kristiana hafa (indrindra ireo izay mitombo sy mitoetra ao amin'ny Tenin'Andriamanitra) dia zava-dehibe ho an'ny fiainam-panahinao manokana.

Tsy ampy anefa ny mihaino azy ireo. Mampihatra ny torohevitra na ny fahendrena izay henonao ve ianao matetika?

Mitadiava ary mitoera ao amin'ny fiaraha-monina Kristiana! Henoy ny fianakavianao ara-pinoana. Mila azy ireo isika, ary mila anao izy ireo. Ny vakiteny androany avy amin'ny Ohabolana 18:2 dia milaza amintsika mazava tsara fa diso ny milaza tena ho “mahay ny zava-drehetra.”

Izaho manokana dia tsy te hody adala. Mila fanampiana aho. Mila fahendrena aho. Mila mifidy ny hitoetra manetry tena sy manaiky ampianarina mba hahafahako maheno ny tari-dalan'Andriamanitra, ny fanitsiany, ary ny fitiavany. Mila ny mijanona manetry tena ny foko sy manaiky ampianarina - satria Andriamanitra matetika dia miresaka amintsika amin'ny alalan'ny zanany hafa.

Anontanio ny Ray: Iza no tokony ho eo amin'ny Birao Mpanolo-tsaina ara-panahy ahy?

Ny hira fiderana atolotra anio: “Set a Fire” nataon'i Will Reagan sy United Pursuit