Mihaino an'AndriamanitraSantionany

Mihaino ny Feon'Andriamanitra

Tahaka an'i Joba, izaho dia te-hitia (hangataka) ny tenin'Andriamanitra sy ny tari-dalany mihoatra noho ny sakafo isan'andro! Ianao koa? Tahaka ny nampianarin'ny Soratra Masina ao amin'ny bokin'i Isaia, dia tiako ny mandre ny feo ao ambadika izay milaza amiko ny lalana tokony halehako.

Fa ahoana no andrenesako ny feony? Ary, tena mbola miteny ve Izy? Mahereza; Andriamanitra dia mpiserasera! Izy no namorona ny fanomezana ho fifaneraserana. Midika izany fa miteny Izy, ary isika dia manana fahafahana hihaino Azy—ary hamaly ny feony mihitsy aza. Raha mbola miteny Andriamanitra, dia tokony manao izay rehetra tratry ny hery isika hahafantatra ny feony sy hihaino! Ny fihainoana dia tena ilaina tokoa, nefa matetika no tsy ampy, amin'ny tena fifaneraserana.

Voalohany, dia aoka isika hijery fomba sasany entin'Andriamanitra miresaka amintsika.

Miresaka amin'ny alalan'ny Teniny Andriamanitra. Andriamanitra dia efa nanambara ny ankamaroan'ny sitrapony sy ny fandaharany ho antsika amin'ny alalan'ny Tenin'Andriamanitra. Ny fanokanana fotoana hamakiana ny Teniny dia anisan'ny fomba mahery indrindra handrenesana Azy mivantana.

Mibitsibitsika Andriamanitra. Matetika izy no miresaka mangina amin'ny fanahintsika, hanome antsika nofy, fahitana, ary/na hampianatra antsika amin'ny alalan'ny toe-javatra iainantsika. Izy koa dia hitarika ny eritreritsika amin'ny fandaharany.

Miresaka amin'ny alalan'ny Vahoakany Andriamanitra. Indraindray Andriamanitra dia hanambara ny fitiavany antsika amin'ny alalan'ny Kristianina hafa. Izany dia mety ho amin'ny endrika fankaherezana, fanitsiana, na toro-lalana.

Ny vavaka ataoko dia mba ho avy amin'ny Ray be fitiavana, ity planina famakiana fohy fito andro ity, mba hampianatra anao tsy hanohitra ny fakam-panahy, hanaitra anao hifantoka amin'ny ny feony, ary hambabo tanteraka ny fonao.

Anontanio ny Ray: Inona no tokony hataoko mba ho mpihaino tsara kokoa?

Ny hira fiderana anio: “Yield My Heart” nataon'i Kim Walker-Smith