Manomboka Fifandraisana amin'i JesoaSantionany

"Ny Fanoloran-tena"

Ny anisany mampiavaka ny finoana kristiana dia io fifandraisana amin'i Jesoa io izay fanoloran-tena foana. Tsy mba terena.

Indray andro raha nihazakazaka nanatona an'i Jesoa ny zatovolahy iray, nanontany izay tokony hataony "mba" handovany ny fiainana mandrakizay (Marka 10:17-22). Tahaka ny efa fanaon'i Jesoa dia nitarika ny resaka Izy mba hahatonga ilay lehilahy handinika ny tenany mazava tsara.

Noho izany Jesoa dia tsy nametraka fanontaniana tamin'io lehilahy be fangatahana io akory. Nanomboka nitanisa didy folo fotsiny Izy, ary namaly ilay tovolahy hoe: "Eny, eny, nitandrina izany rehetra izany aho!" Saingy ny zavatra nitranga manaraka no tena mahaliana. Hoy ny Marka 10:21 hoe, "Ary Jesoa nijery azy tsara dia tia azy."

Nijery i Jesoa. Tsy nanao toriteny Izy. Tsy nanondro tamin'ny ratsantanana Izy. Fa kosa, dia nijery mivantana an'io tovolahy io izy ary nampifantoka tanteraka ny fony sy ny sainy tamin'ity olona ity, nanasa azy hanana fifandraisana.

Tia Jesoa. Tao anatin'ilay fijerena no nitomboan'ny fitiavana. Tsy tao anatin 'ny fitazonana mafy ny lalana na ny asa fahagagana. Nijery azy i Jesoa ary tia azy amin'ny maha-izy azy.

Mazava fa tena nahafinaritra tokoa ilay tovolahy ny hevitr'I Jesoa ary naniry ny hanana safidy tsara. Saingy rehefa nanao ny tolotra ho fifandraisana i Jesoa, dia nanao izany izy ho amin'ny fanoloran-tena tanteraka: "Mandehana, amidio ny fanananao ary omeo ny mahantra, ary hanana harena any an-danitra ianao. Avia, manaraha Ahy "(Matio 19:21).

Raha nijery ka tia io lehilahy io Jesoa, fantany tsara ny zavatra tokony hanontaniany azy mba hampiseho ny tena tao am-pony. Rehefa nikitika ny resaka fananana i Jesoa, dia mba hipaka ao am-pony ny zavatra manan-danja tamin'io olona manokana io.

Ary Jesosy nijery azy, dia tia azy ka napetrany teo anatrehany ny safidy ho an'ny fifandraisana. Lasa nandeha anefa ilay tovolahy. Izany no mahagaga an'Andriamanitra. Andriamanitra dia manana ny hery rehetra amin'ny fifandraisana amintsika tsirairay, nefa mahagaga fa nomeny antsika ny fahafahana hiteny eny na tsia aminy.

Indraindray ny olona dia milaza hoe, "Raha tian'Andriamanitra hifandray Aminy isika rehetra, nahoana no tsy nataony ho izany fotsiny isika?" Fa ny fitiavana dia tsy azo terena. Raha noterena hanaiky an'i Jesoa isika ka voatery ho tonga Kristiana, dia manohitra ny voa avy amin'Andriamanitra izany ary ny lohahevitra fototra amin'ny Kristianisma-indrindra fa ny tolotr'i Jesoa dia mifototra amin'ny fitiavana, amin'ny endriny madio indrindra.