Haka ny appManomboka Fifandraisana amin'i JesoaSantionany
"Ny Tena Kapiteny"
Ny fomba iray mba hilazana an'i Jesoa dia toy ny mpanavotra amin'ny asa fanavotana aina. I Jesoa, rehefa nilaza hoe: "Izaho no lalana sy fahamarinana ary ny fiainana," Izy tsy niteny hoe: "Izaho dia lalana iray, sy fahamarinana iray, ary fiainana iray."
Ny fanontaniantsika Aminy dia toy ny fanontaniana ho an'ny mpamory fiaramanidina na kapitenin-tsambo izay misy antsika satria te-hahafantatra isika, "Tena Hianao tokoa ve no kapiteny (ny Zanak'Andriamanitra)?"
Rehefa mandroso ny fiainana, dia maro amintsika no mamboly tsy firaharahiana an'io fanontaniana io tsikelikely. Ny ankamaroantsika dia efa mahatsiaro mahazo aina rehefa miezaka mahazo seza malalaka ao anaty fiaramanidina fotsiny. Ary ny ankamaroantsika dia tsy miatrika ny fahafatesana mitovy amin"ny fihetseham-po izay mahazo antsika amin'ny filetehana sambo. Saingy ny fahatokisana ny kapiteny no fanontaniana fototra amin'ireo fanoharana ireo.
Eo amin'ny sambo, ny finoanao (na tsia) ny kapiteny dia hampiova ny zavatra rehetra. Toy izany koa miaraka amin'i Jesoa. Raha asa fanavotana aina izany dia tsy dia mieritreritra loatra isika hoe: "Azoko atao ve ny manao izay tiako atao." Eny, azonao atao raha tianao izany, fa raha tena izy no kapiteny, ilay iray izay mahalala ny fahasamihafana rehetra amin'ny fisian'ny olombelona, dia fantany tsara ny lalana.
Na mety hanomboka hamantatra izay lazain'ny Baiboly momba an'i Jesoa ianao, dia manomboka manontany tena ny fanontaniana hoe: "Mino ve aho fa fantany ny lalana?"
Raha mamaky ity planina ity ianao, dia mety ho efa tonga (na tsia) eo amin'ny fotoana izay namalianao hoe "eny" ho an'ity fanontaniana ity. Na mety niteny ianao hoe: "Eny, mino aho. Mbola manana fanontaniana ihany anefa aho." Raha toy izay ianao, dia miaraka aminao izahay ary izahay dia ho anao. Avelao ho tonga ny fanontaniana. Ny fanontaniana tsara dia fomba hitomboantsika. Tsy mahalana ny fisalasalana sy ny tsy fahazoana antoka.
Andeha atao hoe manaiky ianao: fa angamba mba fantatr'i Jesoa ny lalana. Raha marina izany, ny fanontaniana voalohany mety anananao dia hoe: "Inona no tokony hataoko raha te handeha amin'izany lalana izany aho?"
Ary eo no mahagaga antsika i Jesoa. Tsy niteny izy hoe: "Manaraha ity." Hoy izy hoe "Manaraha Ahy." Tsy nanondro antsika tamin'ny sarintany ny kapitenin-tsambo; Jesoa ihany koa dia nanondro ny Tenany ho antsika, ary manasa antsika Izy mba hanolo-tena.
Soratra Masina
Mombamomba ity Planina ity
Vao manomboka finoana vaovao an'i Jesoa Kristy ve ianao? Tianao ve ny hahalala bebe kokoa momba ny Kristianisma kanefa tsy azonao antoka hoe inona na ahoana no fomba hangatahana izany? Andeha hanomboka eto ary. Nalaina tao amin'ny boky "Start Here" nosoratan'i David Dwight sy Nicole Unice.
More
