Marka 15:1-5

ARY niaraka tamin’izay raha vao maraina ny andro, ny lohan’ny mpisorona sy ny loholona sy ny mpanora-dalàna mbamin’ ny Synedriona rehetra dia niara-nisaina ary namatotra an’i Jesosy ka nitondra Azy, dia nanolotra Azy teo amin’i Pilato. Ary Pilato nanontany Azy hoe: Hianao va no Mpanjakan’ny Jiosy? Ary Izy namaly ka nanao taminy hoe: Voalazanao. Ary ny lohan’ny mpisorona niampanga Azy zavatra maro. Ary Pilato dia nanontany Azy indray hoe: Tsy mety mamaly akory va Hianao? He! izao hamaroan’ny zavatra iampangany Anao izao! Fa Jesosy tsy namaly intsony, na dia indraim-bava akory aza, ka dia gaga Pilato.