Marka 15:1-5
Marka 15:1-5 La Bible en Malgache (MRV)
Ary raha vao maraina ny andro, ireo lehiben’ny mpisorona sy ny loholona ary mpanoradalàna* mbamin’ny Sinedriona* manontolo, dia nivory niara-nihevitra, koa rehefa avy namatotra an’i Jesosy izy dia nitondra Azy ka nanolotra Azy tamin’i Pilato. Ary nanontany Azy i Pilato hoe: Ianao va no Mpanjakan’ny Jiosy*? Dia namaly azy Izy hoe: Voalazanao. Ary ireo lehiben’ny mpisorona dia niampanga Azy tamin-javatra maro. Dia nanontany Azy indray i Pilato hoe: Tsy manan-kavaly akory va Ianao? E izao hamaroan’ny zavatra iampangan’izy ireo Anao izao! Fa tsy namaly intsony Jesosy na dia indraimbava aza, hany ka gaga i Pilato.
Marka 15:1-5 Malagasy Bible (MG1865)
Ary niaraka tamin'izay raha vao maraina ny andro, ny lohan'ny mpisorona sy ny loholona sy ny mpanora-dalàna mbamin'ny Synedriona rehetra dia niara-nisaina ary namatotra an'i Jesosy ka nitondra Azy, dia nanolotra Azy teo amin'i Pilato. Ary Pilato nanontany Azy hoe: Hianao va no Mpanjakan'ny Jiosy? Ary Izy namaly ka nanao taminy hoe: Voalazanao. Ary ny lohan'ny mpisorona niampanga Azy zavatra maro. Ary Pilato dia nanontany Azy indray hoe: Tsy mety mamaly akory va Hianao? He! izao hamaroan'ny zavatra iampangany Anao izao! Fa Jesosy tsy namaly intsony, na dia indraim-bava akory aza, ka dia gaga Pilato.
Marka 15:1-5 Malagasy Bible (MG1865)
Ary niaraka tamin'izay raha vao maraina ny andro, ny lohan'ny mpisorona sy ny loholona sy ny mpanora-dalàna mbamin'ny Synedriona rehetra dia niara-nisaina ary namatotra an'i Jesosy ka nitondra Azy, dia nanolotra Azy teo amin'i Pilato. Ary Pilato nanontany Azy hoe: Hianao va no Mpanjakan'ny Jiosy? Ary Izy namaly ka nanao taminy hoe: Voalazanao. Ary ny lohan'ny mpisorona niampanga Azy zavatra maro. Ary Pilato dia nanontany Azy indray hoe: Tsy mety mamaly akory va Hianao? He! izao hamaroan'ny zavatra iampangany Anao izao! Fa Jesosy tsy namaly intsony, na dia indraim-bava akory aza, ka dia gaga Pilato.
Marka 15:1-5 La Bible en Malgache (MRV)
Ary raha vao maraina ny andro, ireo lehiben’ny mpisorona sy ny loholona ary mpanoradalàna* mbamin’ny Sinedriona* manontolo, dia nivory niara-nihevitra, koa rehefa avy namatotra an’i Jesosy izy dia nitondra Azy ka nanolotra Azy tamin’i Pilato. Ary nanontany Azy i Pilato hoe: Ianao va no Mpanjakan’ny Jiosy*? Dia namaly azy Izy hoe: Voalazanao. Ary ireo lehiben’ny mpisorona dia niampanga Azy tamin-javatra maro. Dia nanontany Azy indray i Pilato hoe: Tsy manan-kavaly akory va Ianao? E izao hamaroan’ny zavatra iampangan’izy ireo Anao izao! Fa tsy namaly intsony Jesosy na dia indraimbava aza, hany ka gaga i Pilato.
Marka 15:1-5 Baiboly Protestanta Malagasy (MBP)
ARY niaraka tamin’izay raha vao maraina ny andro, ny lohan’ny mpisorona sy ny loholona sy ny mpanora-dalàna mbamin’ ny Synedriona rehetra dia niara-nisaina ary namatotra an’i Jesosy ka nitondra Azy, dia nanolotra Azy teo amin’i Pilato. Ary Pilato nanontany Azy hoe: Hianao va no Mpanjakan’ny Jiosy? Ary Izy namaly ka nanao taminy hoe: Voalazanao. Ary ny lohan’ny mpisorona niampanga Azy zavatra maro. Ary Pilato dia nanontany Azy indray hoe: Tsy mety mamaly akory va Hianao? He! izao hamaroan’ny zavatra iampangany Anao izao! Fa Jesosy tsy namaly intsony, na dia indraim-bava akory aza, ka dia gaga Pilato.
Marka 15:1-5 DIEM PROTESTANTA (DIEM)
Raha vao maraina ny andro, dia nivory hanapa-kevitra ny lohandoha-mpisorona niaraka tamin’ny loholona sy ny mpahay lalàna, izany hoe ny Fitsarana ambony manontolo; dia nampamatotra an’i Jesoa ry zareo sy nitondra Azy ary nanolotra Azy an’i Pilato. Dia nanontany an’i Jesoa i Pilato hoe: –Ianao ve no Mpanjakan’ny Jiosy? Fa novalian’i Jesoa hoe: –Anao izany teny izany! Ary nisy zavatra maro niampangan’ireo lohandoha-mpisorona Azy; ka nanontany Azy indray i Pilato nanao hoe: –Tsy mamaly akory ve Ianao? He ireto zavatra maro iampangany Anao! Fa tsy namaly na inona na inona intsony i Jesoa, ka gaga i Pilato.
Marka 15:1-5 Baiboly Katolika (MBC)
Raha vao maraina ny andro, ny lohandohan’ny mpisorona dia niara-nihevitra tamin’ny loholona sy ny mpanora-dalàna ary ny mpisaina rehetra, ka namatotra an’i Jesoa, dia nitondra Azy sy nanolotra Azy tamin’i Pilaty. Ary i Pilaty nanontany Azy hoe: «Ianao va no mpanjakan’ny Jody?» Dia namaly Izy, ka nanao taminy hoe: «Voalazanao.» Ary maro ny zavatra niampangan’ny lohandohan’ny mpisorona Azy, ka nanontany Azy indray i Pilaty nanao hoe: «Tsy mamaly akory va ianao? He izato hamaroan’ny zavatra iampangany Anao!» Fa tsy namaly intsony i Jesoa na dia kely aza, ka gaga i Pilaty.