Rômanina 5
5
II. NY FAMONJENA
Ny fanamarinana, antoky ny famonjena
1Koa amin’izany, efa nohamarinina noho ny finoana isika, ka mihavana amin’Andriamanitra amin’ny alalan’i Jesoa Kristy Tompontsika, 2izay ahazoantsika manatona amim-pinoana izao fahasoavana itoerantsika tsara izao, sy mifaly amim-panantenana ny voninahitr’Andriamanitra. 3Tsy izany ihany, fa ny fahoriana aza dia ifaliantsika koa, satria fantatsika fa ny fahoriana mahatonga faharetana, 4ny faharetana hahatonga hatsaram-panahy voazaha toetra, ny hatsaram-panahy voazaha toetra mahatonga fanantenana; 5ary ny fanantenana tsy mba manodòka, satria efa voarotsaka ao am-pontsika tamin’ny Fanahy Masina nomena antsika ny fitiavan’Andriamanitra.
6Fa fony mbola tsy nanan-kery isika#5,6 Tsy nanan-kery isika. Nahantra loatra ny olona fony mbola tsy tonga ny Mpamonjy. Tamin’ny fotoana voatendry; na angamba tamin’ny fotoana tsara sy nety indrindra., dia maty tamin’ny fotoana voatendry i Kristy mba hamonjy ny ratsy fanahy. 7Saika tsy misy manaiky ho faty hamonjy ny olo-marina; ary angamba hisy ihany sahy maty hamonjy ny manao soa. 8Fa izao kosa no nanehoan’Andriamanitra ny fitiavany antsika: fony mbola mpanota isika 9no maty hamonjy antsika i Kristy; koa mainka ka izao efa nohamarinina tamin’ny Rany izao, dia tsy maintsy afany amin’ny fahatezerana mihitsy. 10Satria, raha fony mbola fahavalo aza isika, nampihavanina tamin’Andriamanitra noho ny nahafatesan’ny Zanany, mainka fa rehefa nampihavanina, dia tsy maintsy voavonjy noho ny fahavelomany tokoa. 11Tsy izany ihany koa, fa isika dia mifaly amin’Andriamanitra amin’ny alalan’i Jesoa Kristy Tompontsika, izay nahazoantsika ny fihavanana ankehitriny.
FANAFAHANA AMIN’NY FAHOTANA SY AMIN’NY FAHAFATESANA ARY AMIN’NY LALANA
I Adama sy i Jesoa Kristy
12Noho izany àry, dia tahaka ny nidiran’ny fahotana#5,12 Nidiran’ny fahotana, sns. Ny fahotana tamin’ny fototra izany, izay vokatry ny otan’i Adama ao amin’ny taranany. Satria nanota, sns. Izany hoe voan’izany fahotana izany izy rehetra. tamin’izao tontolo izao tamin’ny olona iray, sy nidiran’ny fahafatesana noho ny fahotana, ka nifindra tamin’ny olona rehetra ny fahafatesana, satria nanota avokoa izy rehetra: 13fa nisy ota ihany#5,13, 14 Nisy ota ihany, sns. Ota niniana natao. Nanota ihany ny olona talohan’i Môizy, fa tsy izany no nahafaty azy, satria mbola tsy nisy lalàna nanasazy ho faty tamin’izay, sady ny tsy vory saina aza, izay tsy nanao fahotana (niniana natao) toraka ny fandikana nataon’i Adama, dia maty ihany. Koa fahotana hafa nahavoa azy rehetra no nahafaty azy, dia ny fahotana tamin’ny fototra. Tandindon’ilay Adama ho avy. Tandindon’i Kristy (Tapaka eo ny tenin’i Md. Paoly, fa tsy misy tohiny ilay hoe tahaka ny... tamin’ny and faha-12; ao amin’ny and faha-18 no misy izany). tamin’izao tontolo izao na talohan’ny Lalàna aza, saingy tsy tanana hisy saziny ny ota raha tsy misy lalàna... 14Nanjaka ihany anefa ny fahafatesana hatramin’i Adama ka hatramin’i Môizy, na dia tamin’izay tsy nanao fahotana toraka ny fandikana nataon’i Adama aza; ary i Adama dia tandindon’ilay Adama ho avy.
15Ary tsy mba tahaka ny fahadisoana ny fanomezam-pahasoavana; fa raha ny fahadisoan’ny anankiray aza nahafatesan’ny olona rehetra, mainka fa ny fahasoavan’ny olona iray, dia i Jesoa Kristy, no nandraisan’ny olona rehetra ankabetsahana ny fahasoavan’Andriamanitra sy ny fanomezana. 16Ary tsy mba tahaka izay tonga noho ny anankiray nanota ny fanomezana; satria noho ny ota anankiray no nisian’ny fitsarana ho fanamelohana; fa noho ny fahadisoana maro kosa no nisian’ny fahasoavana ho fanamarinana. 17Satria raha ny fahadisoan’ny anankiray aza nanjakan’ny fahafatesana noho ny nataon’io anankiray io, mainka fa ny nataon’ny anankiray, dia i Jesoa Kristy, no hanjakan’izay mahazo ny haben’ny fahasoavana amam-panomezam-pahamarinana amin’ny fiainana.
18Koa tahaka ny nahatongavan’ny fanamelohana ho an’ny olona rehetra noho ny fahadisoana iray no nahatongavan’ny fanamarinana ahazoam-piainana ho an’ny olona rehetra kosa noho ny fahamarinana iray. 19Fa tahaka ny nahatongavan’ny maro ho mpanota noho ny tsy naneken’ny olona iray no hahatongavan’ny maro ho marina kosa noho ny naneken’ny olona iray. 20Ny Lalàna dia nisisika nahabe ny fahadisoana#5,20 Hahabe ny fahadisoana: noho ny habetsahan’ny didiny; sady ny fandrarany maro aza nampirehidrehitra ny fanirian-dratsy handika.; nefa tao amin’izay nahabe ny fahadisoana indrindra no nihoaran’ny fahasoavana ho ambony lavitra, 21mba ho tahaka ny nanjakan’ny fahotana hahafaty, no hanjakan’ny fahasoavana amin’ny fahamarinana hahavelona mandrakizay kosa, amin’ny alalan’i Jesoa Kristy Tompontsika.
Voafantina amin'izao fotoana izao:
Rômanina 5: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.