Salamo 120
120
SALAMO 120 (Volgata 119)
Ireo fahavalon’ny fiadanana
1Fihirana fiakarana#120,1 Fihirana fiakarana. Ity Salamo ity ka hatramin’ny 124 dia fihira raha niakatra ho any Jerosalema ny olona hankalaza fety; ka izany no iavian’ny anarany hoe: Fihirana fiakarana.
Tao anatin’ny fahoriako nitaraina
tamin’i Iaveh aho, dia nohenoiny.
2Iaveh ô, vonjeo ny fanahiko amin’ny molotra mandainga,
amin’ny vava fetsy ratsy.
3Homena inona#120,3 Homena inona, sns. Ho an’ny mpialona azy no nitenenan’ny mpanao Salamo izany teny izany. sy hahazo vokatra inona ianao,
ry lela mpamadika?
4Zana-tsipìka maranitry ny Mahery,
mbamin’ny vain’afon’anjavidy.
5Endrey, ity manjò ahy mitoetra eto amin’i Meseka#120,5 Meseka sy Sedara: Anaran-tany manambara ny firenena faran’izay ratsy indrindra.,
sy monina atỳ an-dain’i Sedara!
6Ela loatra no niarahako nitoetra
tamin’izay mankahala ny fivavahana.
7Olona tia fivavahana aho, nefa nony niteny amin’izay ireo
dia ny ady no alehan’ny sainy.
Voafantina amin'izao fotoana izao:
Salamo 120: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.