Mikea 7
7
Manao ny tsy marina hatraiza hatraiza
1Indrisy! Ity izaho#7,1 Ity izaho: I Mikea mpaminany eto, dia miteny amin’ny anaran’ny vahoaka, ho toy ny olona izay mbola mikaroka voa ihany indray amin’ny voly na hazo efa nitoazana, ka sasa-poana mikatsaka olo-marina amin’i Israely. toy ny rehefa vita ny fitoazam-boankazo fahavaratra,
toy ny rehefa vita ny fitsimponam-boaloboka efa voaoty:
tsy misy salohy iray akory hohanina!
Ny voaloham-boan’aviavy, izay tsiriritin’ny fanahiko,
tsy misy na iray aza.
2Efa niala tsy hita eto an-tany intsony ny olona tia vavaka,
ary tsy misy marina intsony amin’ny olombelona.
Fa izy rehetra samy manotrika handatsa-dra;
samy mihaza ny rahalahiny sy mamela-pandrika aminy avokoa
3Ny ratsy dia efa eo ny tanana hahatontosa azy;
ny mpanapaka, mamoritra#7,3 Ny mpanapaka mamoritra: Hatao zavatra tsy an-drariny.; ny mpitsara, mametra izay kolikoly ho azy#7,3 Ny mpitsara mametra izay kolikoly ho azy: Ny mpitsara manao an’ady varotra izay kadoa homena azy (ampitahao amin’ny toko 3,11).,
ary ny lehibe mampiharihary ny fitsiriritany#7,3 Ny lehibe mampiharihary ny fitsiriritany: Ny manam-pahefana sahy mihinam-bahoaka an-kitsirano izao.;
dia indray mifoko hanao ny ratsy izy.
4Ny tsara indrindra aminy, no toy ny tsilo;
ny mahitsy indrindra, ratsy noho ny fefy roy.
- Tonga ny andro voalazan’ny tilinao#7,4 Tilinao: Izany hoe, ny mpaminany. Eto dia miova tampoka ny tenin’i Mikea, ka ny amin’ny famaizana indray no ambarany.,
tonga ny andro famaizana anao;
amin’izao dia efa safo-kenatra izy ireo#7,4 Safo-kenatra izy ireo: Ny lazaina amin’izany dia ireo mpanapaka sy mpitsara ary lehibe voalaza eo amin’ny andininy faha-3.! -
5Aza mino izay sakaiza ianareo,
na matoky izay ifankazarana indrindra:
na eo anatrehan’ilay mandry eo am-pofoanao aza
dia tano ny teny ao am-bavanao!
6Fa ny zanaka lahy manao amin-drainy hoe adala;
ny zanaka vavy mitsangan-kanohitra ny reniny;
ny vinantovavy hanohitra ny rafozam-bavy;
samy manana ho fahavalony ny olona amin’ny ankohonany ihany.
7Fa izaho kosa hitodi-maso amin’i Iaveh,
hanantena ny Andriamanitry ny famonjeko;
hihaino ahy ny Andriamanitro.
4. FANANTENANA
I Siôna tevatevain’ny fahavalo
8Aza mifaly#7,8 Aza mifaly: I Samaria eto no miteny amin’i Babilôna. noho ny amiko, ry ikala fahavaloko,
fa na lavo aza aho, mbola hiarina;
na mitoetra amin’ny maizina aza aho,
i Iaveh no fahazavako.
9Hivesatra ny fahatezeran’i Iaveh aho,
satria nanota taminy,
mandra-piaikiny ny hiaro ahy amin’ny adiko,
sy hampiharihariako ny rariny momba ahy;
havoakany aho ho amin’ny mazava,
dia hibanjina ny fahamarinany.
10Hahita izany anie ikala fahavaloko,
ka ho safo-kenatra anie izy,
dia izy ilay nanao tamiko hoe:
Aiza izay Iaveh Andriamanitrao?
Hibanjina azy ny masoko:
amin’izao dia hohitsakitsahina izy,
toy ny fotaka eny amin’ny arabe.
Tenin’Andriamanitra manambara fiarenana
11Ho avy ny andro hananganana ny mandanao indray;
amin’izany andro izany hofoanana ny didy#7,11 Hofoanana ny didy: manameloka an’i Israely hatao sesitany..
12Amin’izany andro izany, ho tonga hatraty aminao ny olona,
avy any Asiria sy avy any amin’ireo tanànan’i Ejipta
avy any Ejipta, ka hatrany amin’ny ony,
hatramin’ny ranomasina#7,12 Ranomasina. Angamba ireo ranomasina roa ireo, dia i Mediteranea ao andrefana ary ny Ranomasina Maty ao atsinanana. iray
ka hatramin’ny ranomasina hafa,
ary hatramin’ny tendrombohitra#7,12 Tendrombohitra: Izany hoe, hatramin’ny tendrombohitr’i Arabia, ka hatramin’ny tendrombohitra Libàna ao avaratra. iray,
ka hatramin’ny tendrombohitra hafa.
13Hanjary efitra ny tany,
noho ny amin’ny mponina ao aminy:
izany no vokatry ny asany.
Vavaka mba hangaihay ny firenen-kafa
14Andraso amin’ny tehinao ny vahoakanao
dia ny ondry lovanao#7,14 Ny ondry lovanao; Dia ny Israelita izay tafaverina avy tany amin’ny fahababoana. Voavotsotra tamin’ny famaboan’ny fahavalony izy ireo, ka izao dia afaka mijoro samy irery, tsy mila hotohànan’ny hafa; hirao-bilona ao amin’ny taniny sy ao afovoan’i Karmely tany lonaka izy ireo, araka izay danin’ny kibony, sady tsy hisy ahiahy intsony (jereo Sal 23,1-4).,
izay monina mitokana any an’ala, eo afovoan’i Karmela;
aoka hiraoka any Basàna sy any Galaada izy,
toy ny tamin’ny andro taloha.
15Toy ny tamin’ny andro nivoahanao avy any amin’ny tany Ejipta,
haneho zava-mahagaga aminy Aho.
16Hahita izany ireo firenena,
ka hahamenatra azy avokoa ny heriny rehetra;
hitampim-bava izy ireo,
hangintsingintsina ny sofiny.
17Hilela-bovoka, toy ny menarana izy;
ary toy ny bibilavan’ny tany,
dia hivoaka amin-tahotra miala amin’ny fiereny;
hanatona an’i Iaveh Andriamanitsika, amin-kovitra, izy,
ary hatahotra anareo.
Fangatahana famelan-keloka amin’Andriamanitra
18Iza no Andriamanitra tahaka Anao, izay manesotra ny fahotana,
ary mamela fahadisoana, an’izay sisa amin’ny lovanao?
Tsy mba ataony mahery mandrakizay ny fahatezerany
fa ny mamindra fo no sitrany.
19Hamindra fo amintsika indray Izy
ka hanitsakitsaka ny faharatsiantsika.
Harianao any ambany ranomasina, ny fahotany rehetra;
20hampiseho amin’i Jakôba ny fahamarinanao Ianao,
sy amin’i Abrahama ny famindram-ponao;
izay efa nianiananao tamin’ny razanay
hatramin’ny andro fahataloha.
Voafantina amin'izao fotoana izao:
Mikea 7: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.