Mikea 6
6
3. FIAMPANGANA AN’I ISRAELY
Faniniana sy fandrahonana
Miampanga ny vahoakany i Iaveh
1Mihainoa àry izay lazain’i Iaveh ianareo:
- Mitsangàna ianao ary ataovy vita ny adinao
eo anoloan’ny tendrombohitra,
ary aoka ny havoana handre ny feonao!
2Mihainoa ny adin’i Iaveh ianareo, ry tendrombohitra,
mbaminareo fanorenan’ny tany tsy azo ovana!
Fa manana ady amin’ny vahokany i Iaveh;
ka handahatra manohitra an’i Israely Izy. -
3Inona no nataoko taminao, ry vahoakako,
inona no nampalahelovako anao? Valio ny teniko.
4Fa nitondra anao niakatra avy any amin’ny tany Ejipta Aho,
ary nanavotra anao tamin’ny trano nahandevozana;
ary naniraka teo anoloanao,
an’i Môizy#6,4 I Môizy, lehiben’ny vahoaka, izay nitondra azy avy tany Ejipta. I Aarôna, lehiben’ny mpisorona. Maria, dia anabavin’izy mirahalahy. sy i Aarôna ary i Maria.
5Tsarovy àry, ry vahoakako,
ny hevitra nomen’i Balàka, mpanjakan’i Moaba,
sy ny navalin’i Balaama, zanak’i Beôra, azy.
Tsarovy ny hatrany Setima#6,5 Setima: tany ao atsinanan’i Jordany; tao no niarahan’ny Israelita nanompo sampy tamin’ny Moabita. ka hatrany Galgalà#6,5 Galgalà: tany eo akaikin’i Jerikô; io no voalohan-tany nitobian’ny Zanak’i Israely terỳ an-dafin’i Jordany (Jôs 4,19).,
hahafantaranao ny fahamarinan’i Iaveh.
6Inona no hoentiko hanoloana an’i Iaveh
sy hiankohoka eo anatrehan’ny Andriamanitry ny any ambony?
Hanoloana azy mitondra sorona dorana va aho
dia zanak’omby efa iray taona?
7Hankasitrahin’i Iaveh va ny ondry arivoarivo,
ny renirano diloilo alinalina?
Hanolotra ny lahy matoako va aho, noho ny heloko,
dia ny naloaky ny kiboko, noho ny fahotan’ny fanahiko?
8Efa nampahalalaina anao, ry olombelona izay tsara,
sy izay ilain’i Iaveh aminao,
dia ny hanao ny fahamarinana, ny ho tia famindram-po,
ary ny hizotra eo anatrehan’ny Andriamanitrao amim-panetren-tena.
Teny mamely ireo mpamitaka ao an-tanàna
9Miantso mafy miteny amin’ny tanàna#6,9 Amin’ny tanàna: I Jerosalema na i Samaria, renivohitry ny fanjakan’i Israely; satria amin’ny and faha-16, dia toa mikasika ny foko folo, ny faminaniana voalaza amin’ity toko 6 ity. ny feon’i Iaveh
- ary fahendrena kosa ny manaja ny Anaranao: -
Mihainoa ianareo, ny tsora-kazo, mbamin’izay nandidy azy!
10Mbola misy, ao an-tranon’ny ratsy fanahy ihany va
ny harena tsy marina, sy ny efah tsy ampy#6,10 Efah tsy ampy: Jereo Am 8,5., maharikoriko?
11Moa hadio va aho, raha mana-mizàna mandainga#6,11 Mizàna mandainga, vato tsy marina: Fomba fanao fahizay tamin’ny Hebrio, ny samy mitondra mizàna sy vato mizàna an-kitapo atao fandanjam-bola.,
sy vato tsy marina ao anatin’ny kitapo?
12Feno fahasiahana ny mpanan-karena#6,12 Ny mpanan-karena: Ao Jerosalema na ao Samaria. Jereo ny and faha-9. amin’ity tanàna ity;
milaza lainga ny mponina ao aminy,
ary fitaka eo am-bavany fotsiny, ny lelany.
13Koa izao kosa no Ahy#6,13 Koa izao kosa no Ahy. Amin’ity andininy ity sy ny manaraka, dia i Samaria no itenenan’Andriamanitra., ka hasiako kapoka mahafaty ianao,
haringako noho ny fahotanao ianao.
14Hihinana ianao, nefa tsy ho voky,
ary ho ao anatinao ny hanoanana;
hahatakao lavitra ihany nefa tsy hisy hovonjenao na inona na inona,
ary na izay voavonjinao aza, hatolotrao ny sabatra.
15Hamafy ianao, fa tsy hijinja;
hamia ôliva ianao, fa tsy hihosotra diloilo;
hamia ranom-boaloboka, fa tsy hisotro divay.
Atao ohatra i Samaria
16Mitandrina ny fitsipik’i Amrì#6,16 Amrì, mpanjakan’i Israely, ary i Akaba no zanany, samy mpanjaka nasiaka dia nasiaka mihitsy izy mianaka ireo (1Mpa 16,25 sy ny manaraka). ny olona,
mbamin’ny fanaon’ny taranak’i Akaba rehetra,
ary mandeha araka ny toroheviny ianareo,
mba hanolorako anareo amin’ny fandringanana,
ary ny mponina amin’ny tany, ho amin’ny fisitrisìrana#6,16 Fisitrisìrana izany hoe, fihomehezana, na hehy voraka hoentina manaraby.,
ka hivesaranareo ny latsan’ny vahoakako.
Voafantina amin'izao fotoana izao:
Mikea 6: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.