Joely 3
3
2. NY VANINANDRO VAOVAO SY NY ANDRON’I IAVEH
1. Firotsahan’ny Fanahy
1Ary rehefa afaka izany#3,1 Rehefa afaka izany: Amin’ny fotoana mbola ho avy any aoriana ela no lazaina eto., dia indro
fa handatsaka ny Fanahiko amin’ny nofo rehetra#3,1 Ny nofo rehetra: Ny hevitr’izany amin’ny Hebrio dia hoe ny mety maty rehetra na raha tsorina ny olombelona rehetra. I Masindahy Piera, dia mampiseho mazava amintsika, fa ny fahatanterahan’ity faminaniana voalaza eto ity sy io amin’ny andininy manaraka io, dia ilay fidinan’ny Fanahy Masina tamin’ny Apôstôly sy ny mpianatr’i Jesoa Kristy, tamin’ny andron’ny Pantekôty tao amin’ny Senakla (jereo Asa 2,16-21). Aho,
ka ny zanaka lahy aman-janaka vavinareo haminany;
ny anti-panahinareo hahita nofy,
ny zatovonareo hahazo fahitana.
2Na dia ny mpanompo lahy ama-mpanompo vavy aza,
handatsahako ny Fanahiko amin’izany andro izany.
3Haneho zava-mahagaga#3,3 Haneho zava-mahagaga. Izany teny izany araka ny filazan’i Jesoa Kristy (Lk 21,11), dia azo enti-milaza ny famantarana izay hialoha ny fandravana an’i Jerosalema; fa indrindra indrindra, izay hiseho hialoha ny fiavian’ny Mpamonjy amin’ny fara andro, izay nambaran’ny Tenan’i Jesoa Kristy ihany, ao amin’i Lk 21,25-33. eny an-danitra sy etỳ
an-tany Aho,
dia ra sy afo aman-tsetroka mitankosina.
4Ny masoandro hiova ho haizina,
ary ny volana ho ra,
alohan’ny hahatongavan’ny andron’i Iaveh,
izay sady lehibe no mahatahotra.
5Ary na zovy na zovy hiantso#3,5 Na zovy na zovy hiantso. Izany teny izany araka ny filazan’i Masindahy Paoly (Rm 10,12-13) dia mihatra indrindra amin’ny Jody sy ny Jentily. ny Anaran’i Iaveh, dia ho voavonjy;
fa ao an-tendrombohitra Siôna sy ao Jerosalema#3,5 Tendrombohitra Siôna sy ao Jerosalema: Izany dia ny tany onenan’i Iaveh sy misy ny fitoerany masina (jereo Abd 17; Iz 2,3;4;37,32).
dia hisy fivorian’ny voavonjy araka ny voalazan’i Iaveh,
mbamin’ireo eo amin’izay sisa velona#3,5 Sisa velona. Izany dia milaza ireo vahoaka Jody vitsivitsy izay niantso ny Anaran’ny Tompo sy nitana ny fombam-pivavahany tany amin’ny tany nahababo azy, ka tafaverina soa aman-tsara indray tao Jodea, ary nahita tao Jeroselema ny famonjena azy ireo. - Izy ireo no tandindon’ny sisa amin’ny olo-marina izay nantsoin’Andriamanitra tamin’ny Jody amin’ny fanorenana ny Eglizy; ary ny sisa farany hantsoiny tsy an-kanavaka dia amin’ny firenen’ny Jody na amin’ny firenen’ny Jentily., izay antsoin’i Iaveh.
Voafantina amin'izao fotoana izao:
Joely 3: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.