Jeremia 46
46
2. TENIN’ANDRIAMANITRA MAMELY IREO FIRENENA TSY JODY
2 - ANDININDININY AMIN’IREO TENIN’ANDRIAMANITRA
1Tenin’i Iaveh#46,1 Tenin’i Iaveh, sns. Izany dia fiandohan-teny momba ireo faminaniana manaraka mamely ny firenena samihafa. tonga tamin’i Jeremia mpaminany, ny amin’ireo firenena mpanompo sampy.
Tenin’Andriamanitra mamely an’i Ejipta- Ho resy i Karkemisa
(Jereo Iz 19)
2Ny amin’i Ejipta. Teny mamely ny tafik’i Nekô#46,2 I Nekô: Izy no Nekô faha-2 zanak’i Psametika, isan-karazan’andriana faha-26 nanjaka tany Ejipta; ary tamin’ny taona 611 ka hatramin’ny taona 595 talohan’i Jesoa Kristy no nanjakany. Nampieritreritra azy mafy loatra ny fandrosoan’ny fanjakana babilônianina, ka dia lasa nanafika ny Kaldeanina tao Karkemisa teo ankavanan’i Eofrata izy, kanjo resy, ka dia rifatra nanao tsoa-pe. Faraôna mpanjakan’i Ejipta, teo amoron’ny ony Eofrata, tao Karkemisa, izay resin’i Nabokodonozora. mpanjakan’i Babilôna, tamin’ny taona fahefatra nanjakan’i Jôakima, zanak’i Josiasa, mpanjakan’i Jodà.
3Vonòny ny ampinga kely aman’ampinga be ka mandrosoa hiady!
4Ataovy amin’ny kalesy ny soavaly;
Miakara ambony soavaly ianareo mpitaingina azy!
Ianareo misatroka fiarovan-doha, milahara!
Fotsio ny lefona, iakanjoy ny fiarovan-tratra.
5Fa inona re ity hitako e? Raiki-tahotra izy ireo
ka miamboho lahy!
Resy ny mpiadiny!
Mandositra tsy miherika akory izy ireo!
Fa misy fampangorohoroana hatraiza hatraiza,
- teny marin’i Iaveh. -
6Ny faingan-tongotra, aza afa-mandositra!
ny lehilahy mahery fo, aza afa-mitsoaka!
Any amin’ny tany avaratra, amoron’ny ony Eofrata,
indro izy mivembena dia lavo.
7Iza izao miakatra hoatra an’i Nila
sy misamboaravoara ny onjany hoatra ny ony be?
8I Ejipta izao miakatra hoatra an’i Nila izao#46,8 Ejipta izao miakatra hoatra an’i Nila izao: Izany hoe, ireo tafiky ny Ejiptianina rafitra nandeha misononoka, tsy nanahy akory ny loza miandry azy.,
ka misamboaravoara ny onjany hoatra ny ony be,
Hoy izy: «Hiakatra aho, ka hanapaka ny tany,
haringako ny tanàna mbamin’ny mponina ao aminy.
9Mandrosoa, ry soavaly; mirimorimoa, ry kalesy!
Miaingà, ry mpiady!
Ry Etiôpianina sy Libianina mitana ampinga,
Ry Lidianina, mitana sy manenjana tsipìka!»
10Fa andron’ny Tompo Iavehn’ny tafika ity,
andro famaliana, hamaliany ny fahavalony!
Mihinana ny sabatra ka mivoky,
etsaky ny ran’ireny izy;
fisoronana ho an’ny Tompo Iavehn’ny tafika izao,
any amin’ny tany avaratra amoron’ny ony Eofrata.
11Miakara any Galaada, ka makà ditin-kazo manitra,
Ry virjiny, zanaka vavin’i Ejipta.
Mampitombo ny fanafody foana ianao;
fa tsy hanam-pahasitranana tsy akory.
12Ren’ny firenen-tsamihafa ny henatrao;
manenika ny tany ny fikiakiakanao;
fa ny samy mahery no mifandona;
ka samy lavo izy roa tonta.
Fanafihana an’i Ejipta
(Jereo Jer 42,15-22; 43,8-13)
13Teny nataon’i Iaveh tamin’i Jeremia, mpaminany, ny amin’ny hiavian’i Nabokodonozora mpanjakan’i Babilôna hamely ny tany Ejipta#46,13 Ny mpanjakan’i Babilona hamely ny tany Ejipta: Izany faminaniana milaza ny hamelezan’i Nabokodonozora an’i Ejipta izany, dia taorian’ilay ady tao Karkemisa (and faha-2).:
14Torionareo any Ejipta, ampandreneso any Migdôla,
ampandreneso any Nôfa sy any Tafnesa;
ka lazao hoe: Milahara ianareo, ka miomàna;
fa efa mandripaka sahady eny amin’ny manodidina anareo ny sabatra!
15Hanky! efa lavo ny maherinao#46,15 Maherinao. Ny lazaina amin’izany, dia ny lehiben’ny tafik’i Ejipta. Amin’ny Septanta dia manao hoe ombalahinao, ka ny lazainy ho fanoharana amin’izany dia ireo karazan’omby atao hoe, omby Apis, izay hajaina ho andriamanitra amin’i Ejipta Ambany, Fanoharan’ny Malagasy koa ny hoe: «Ombalahy bevozona» ka ny hevitr’izany dia hoe lehilahy mahery, matanjaka.,
tsy nahajoro izy,
satria nazeran’i Iaveh amin’ny tany izy.
16Hamaroiny ny isan’izay tafintohina,
ka lavo mifanindry ireny, sady manao hoe:
«Mitsangàna isika, miverena any amin’ny firenentsika,
sy any amin’ny tany nahaterahantsika,
lavitra ny sabatra mahafaty olona.»
17Izao no fiantsoantsony any: «Voa i Faraôna, mpanjakan’i Ejipta;
nandiso ny fotoana mety izy!»
18Velona Aho, - teny marin’ny Mpanjaka,
tompon’ny anarana hoe: Iavehn’ny tafika:
Tahaka an’i Tabôra eo amin’ny tendrombohitra,
tahaka an’i Karmela, eo ambonin’ny ranomasina, dia tamy izy.
19Fehezo ny entanao, entan-tambotra,
ry mponina zanaka vavin’i Ejipta,
fa indro i Nôfa ho zary tany efitra;
hodorana izy, ka tsy hisy mponina intsony.
20I Ejipta dia ombivavy kely tsara tarehy fatratra,
fa misy fihitra tonga avy any avaratra.
21Ny mpikarama eo aminy kosa,
hoatra ny zanak’omby voafahy#46,21 Zanak’omby voafahy: Izany hoe, tsy misy hery na tanjaka intsony..
Indreny miamboho koa izy ireo
dia miara-mandositra, fa tsy manohitra izy,
fa nihatra taminy ny androm-pahoriana,
dia ny fotoana hamaliana azy.
22Ny feony dia#46,22 Ny feony dia, sns. Izany hoe, misasasasa tahaka ny menarana mitsoaka mamaky ny ala, izay mahita ny mpikapa ala avy hamely azy. hoatra ny sasasasan’ny menarana mandeha;
satria marobe izy ireo no tonga,
dia tonga eo aminy, mitondra famaky,
sahala amin’ny mpikapa hazo.
23Nokapain’ireo ny alany, - teny marin’i Iaveh, -
nefa nikitroka efa izaitsizy;
satria maro noho ny valala izy ireo,
ka efa tsy tambo isaina.
24Mangaihay ny zanaka vavin’i Ejipta;
natolotra eo an-tanan’ny firenena any avaratra izy!
25Hoy i Iavehn’ny tafika, Andriamanitr’i Israely:
Indro, hovangiako avokoa i Amôna any Nô#46,25 Amôna any Nô: Na Amôna-Rà, andriamanitra-masoandro, andriamanitra zokiny indrindra tany Ejipta Ambony; ka nivavahana indrindra tamin’ny tanàna Nô-Amôna na Tebesa.,
sy i Faraôna sy i Ejipta, ireo andriamaniny sy ny mpanjakany,
ary i Faraôna mbamin’ireo natoky azy.
26Ary hatolotra eo an-tanan’izay mitady ny ainy izy ireo,
dia eo an-tanan’i Nabokodonozora, mpanjakan’i Babilôna,
sy eo an-tanan’ny mpanompony.
Fa any aorian’izany, vao honenana izy,
toy ny tamin’ny andro taloha, - teny marin’i Iaveh.
(Jereo Jer 30,10-11)
27Ary ianao, aza matahotra, ry Jakôba, mpanompoko,
aza manam-badi-po, ry Israely.
Indro ianao, halaiko avy any an-tany lavitra,
ary ny taranakao, avy any amin’ny tany nahababo azy.
Ho tafaverina i Jakôba, ka hiadana,
handry fehizay, tsy misy mpanaitaitra.
28Aza matahotra ianao, ry Jakôba, mpanompoko,
- teny marin’i Iaveh, - fa momba anao Aho!
Haringako avokoa ny firenena rehetra
nandroahako anao.
Fa ianao kosa tsy mba haringako.
Hofaizako ara-drariny anefa ianao,
fa tsy dia havelako ho afa-potsiny tsy akory.
Voafantina amin'izao fotoana izao:
Jeremia 46: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.