Osea 14
14
1Hofaizina i Samaria#14,1 Hofaizana i Samaria: Izany hoe, ny mponina ao Samaria, dia ny fanjakan’i Israely manontolo, fa indrindra ny fokon’i Efraima izay firenena tò teny, nefa nety ho voan’ny fanompoan-tsampy, hany ka anisan’ny voaheloka ho Ravana.,
fa niodina tamin’ny Andriamaniny;
ho lavon-tsabatra izy ireo!
hotorotoroina ny zanany madinika;
ary hotatahana ny kibon’ireo vadiny bevohoka.
3. FIBEBAHAN’I ISRAELY SY FAMITRANAM-PIHAVANANA NY HO AVY
2Miverena amin’i Iaveh, ry Israely,
fa ny helokao no nahalavo anao.
3Mitondrà#14,2-3 Miverena, mitondrà. Ireo teny ireo, izay toa didy na hataka, dia faminaniana milaza sahady ny hiverenan’i Israely amin’i Iaveh. teny ianareo, miaraka aminareo,
ka miverena amin’i Iaveh, lazao aminy hoe:
Esory ny heloka rehetra ary raiso izay tsara.
Aoka hatolotray Anao ho solon’ny vantotr’ombalahy
ny teny avy amin’ny molotray.
4I Asora tsy hamonjy anay#14,4 I Asora tsy hamonjy anay: Izany hoe, lavinay ny fiarovan’i Asiria, tsy hametraka ny fitokianay amin’ny miaramilany intsony izahay, ary tsy hivavaka amin’ny sampy intsony koa.,
izahay tsy hitaingin-tsoavaly;
na hiteny hoe: Ry Andriamanitray ô!
amin’ny asan’ny tananay.
Ianao, izay ahitàn’ny kamboty fiantrana!
5Hositraniko ny fiodinany;
ho tiako amin’ny foko tokoa izy,
fa efa niala taminy ny fahatezerako.
6Ho toy ny ando Aho amin’i Israely;
ka haniry toy ny lisy izy,
ary handatsaka ny fakany tahaka an’i Libàna.
7Ny rantsany hisandrahaka;
ny voninahiny, ho toy ny an’ny fototr’ôliva,
ary ny fofony manitra ho tahaka ny an’i Libàna.
8Izay ho avy hiala sasatra ao ambanin’ny alokalony,
hampahavokatra ny vary indray;
haniry toy ny voaloboka izy;
ary ho tahaka ny divain’i Libàna#14,8 Tahaka ny divain’i Libàna. Hanana anarana sahala amin’ny divain’i Libàna izy, na hoe: ny fiantsoana ny anarany hahafaly toy ny divain’i Libàna. Ny mahatonga izany fanoharana izany dia satria ny voaloboka any Libàna dia vaventy voa, ka ny divay atao amin’izany, dia nalaza tokoa noho ny hatsarany; dia ho toy izany koa i Israely rehefa tafaverina amin’i Iaveh. ny anarany.
9Efraima... Inona no mbola mba hataony any amin’ny sampy?
Izaho#14,9 Izaho: Hoy i Iaveh, fa tsy ny sampy tsy manana aina, Izaho izay mamaly sy mihaino ary mitsinjo azy ireo amim-pitiavana, sady mikarakara azy ireo fatratra. no efa mamaly ny fangatahany sy mitsinjo azy;
tahaka ny sipresa#14,9 Ny sipresa, hazo tsara loatra izay nanaovan’ny olona karazan’ny zava-maneno toy ny lokanga, valiha, sns. (2Sam 6,5) ary mba ho fanomezam-boninahitra ny tranon’i Iaveh, dia ny hazo sipresa no nasain’i Salômôna natao ngorodon’ny Tempoly sy nanaovana ny varavarana mikopa-droa (1Mpa 6,15-34). maitso Aho;
Izaho no iavian’ny voanao.
Fampitandremana farany
10Izay hendry no aoka hahafantatra izany zavatra izany,
izay manan-tsaina aoka hiaiky izany ho marina.
Fa mahitsy ny lalan’i Iaveh#14,10 Mahitsy ny lalan’i Iaveh: Izany hoe, ny didin’i Iaveh, ny fitondran’Andriamanitra ny zava-drehetra, ny fitsarany, dia sady mahitsy no marina, ka mitarika ny olona amin’ny fahavelomana; fa ny mpiodina izay manohitra an’izany, dia ho lavo kosa, ka fahafatesana no ho hitany amin’izany lalan’izany.;
ka ny marina no hizotra eo#14,10 Ny marina no hizotra eo: Ny olo-marina dia hizotra amin’ny lalan’ny didin’i Iaveh, ary ho hitany fa mamy izany lalana izany (jereo Sal 119,32-37).,
fa ny mpiodina kosa, lavo aminy.
Voafantina amin'izao fotoana izao:
Osea 14: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.