Joely 1
1
1. LOZA AVY AMIN’NY VALALA
1Tenin’i Iaveh tonga tamin’i Joely#1,1 i Joely: Ny hevitr’izany anarana izany dia hoe: I Iaveh no Andriamanitra. zanak’i Fatoely.
1 Fombam-pivavahana fisaonana sy fitalahoana
A. Hira fitomaniana amin’ny loza manjò ny tany
2Mihainoa an’izao ianareo anti-panahy#1,2 Anti-panahy, sns. Ny itenenan’i Joely eto dia ireo mponina tao Jodea.;
mitongilàna sofina ianareo rehetra monina amin’ny tany!
Mba efa nisy toy izao va tamin’ny andronareo,
na tamin’ny andron’ny razanareo?
3Aoka hilaza izao ianareo amin’ny zanakareo,
ny zanakareo amin’ny zanany,
ary ny zanak’izy ireo, amin’ny taranaka mandimby azy.
4Ny sisan’ny Gazàna#1,4 Gazàna, valala, ieleka, kasila: Ireo teny hebrio efatra ireo, dia manambara karazam-balala efatra. Eto anefa araka ny hevitry ny ankamaroan’ny mpivaofy ny Soratra Masina sy araka ny hevitry ny Jody mbamin’ny Kaldeanina, ireo anaram-biby ireo, dia oha-teny sy fanoharana enti-manambara ny fahavalon’ny Jody. nohanin’ny valala;
ny sisan’ny valala nohanin’ny ieleka
ny sisan’ny ieleka nohanin’ny kasila.
5Mifohaza#1,5 Mifohaza...mitomania: satria levon’ny valala ny voaloboka ka tsy misy hatao divay hosotroinareo. ianareo mpimamo, ka mitomania;
ianareo rehetra mpisotro divay dia midradradradrà,
noho ny amin’ny divay vaovao#1,5 Divay vaovao: Jereo Ton 8,2; Iz 49,26.;
izay notapahina tsy ho amin’ny vavanareo intsony.
6Fa misy firenena niakatra tamin’ny taniko
sady mahery no tsy hita isa;
ka ny nifiny dia nifin-diona;
ary ny vazany vazan-diom-bavy.
7Nosimbany ny voaloboko;
notapatapahiny ny aviaviko;
dia nataony makiky sady nazerany ireny;
ary tonga tena fotsy mihitsy ny rantsany.
8Midradradradrà ianao toy ny virjiny mitafy lasàka#1,8 Lasàka: Fitafiana henjana sy malailay, fitondra amin’ny fisaonana.
hitomany ny vadin’ny fahatanorany.
9Tapaka tsy misy intsony ny fanatitra amam-panatitra araraka, ao an-tranon’i Iaveh;
misaona ny mpisorona#1,9 Misaona ny mpisorona: Izany hoe, tsy afaka manolotra ny fisoronana intsony ny mpisorona, satria ringana ny vokatry ny tany izay fitondra atao sorona. mpanao raharahan’i Iaveh!
10Simba ny saha#1,10 Simba ny saha: Ireo teny ireo dia filazana ny tsy fahafahan’ny olona manao fanatitra ho an’Andriamanitra (jereo koa ny andininy faha-12,17; Iz 24,7; 33,9).; misaona ny tany, fa levona ny vary,
mangaihay ny divay vaovao, reraka ny diloilo.
11Mangaihaiza, ry mpiasa tany,
midradradradrà ry mpamboly voaloboka,
noho ny amin’ny vary sy ny orja;
satria majifa ny vary hojinjaina any an-tsaha.
12Mangaihay ny voaloboka, ary reraka ny aviavy;
ny ampongabendanitra mbamin’ny antrendry sy ny paoma,
dia ny hazo rehetra any an-tsaha, no efa maina avokoa;
menatra ny hafaliana ka nihataka
lavitra ny zanak’olombelona.
B. Fiantsoana hibebaka sy hivavaka
13Mietrà#1,13 Mietrà...ianareo: Izany hoe, mitafia ianareo lamba fisaonana., mitolokoa, ianareo mpisorona;
midradradradrà ianareo mpanao ny fanompoana momba ny ôtely!
Avia hiari-tory mitafy lasàka,
ianareo mpandraharahan’ny Andriamanitro,
fa ny fanatitra amam-panatitra araraka
dia voatana lavitra ny tranon’ny Andriamanitrareo.
14Miantsoa fifadian-kanina; mamoria ny fiangonana;
vorio ny loholona, izay rehetra monina amin’ny tany,
ao an-tranon’i Iaveh Andriamanitrareo,
15ka mitaraina amin’i Iaveh hoe: «Indrisy, ity andro ity!
Fa efa antomotra ny andron’i Iaveh#1,15 Efa antomotra ny andron’i Iaveh: Izany andro izany, dia ilay andro malaza hanasazian’i Iaveh ny ratsy fanahy sy hamaliany soa ny mpanompony, amin’ny farandron’izao tontolo izao; nefa koa eto, dia teny enti-milaza ny famaizan’Andriamanitra ny mpiodina, amin’ny loza mafy alohan’ny farandro.!
Tamy toy ny fandravana avy amin’ny Tsitoha!»
16Tsy efa noesorina teo imasontsika va ny hanina
mbamin’ny fifaliana amam-piravoravoana izay voaesotra
tao an-tranon’ny Andriamanitsika?
17Maina tao ambany bainga ny voa nafafy;
foana ny sompitra;
mirodana ny trano fitahirizana,
satria mangaihay ny vary.
18Endrey izany fitolokon’ny biby;
Mihoalahoala ny andian’omby,
satria tsy manan-kanina izy,
miferinaina mbamin’ny andian’ondry.
19Mitaraina aminao aho, Iaveh ô,
fa levon’ny afo ny kijana an’efitra,
voadoron’ny lelafo ny hazo rehetra any an-tsaha.
20Mimamamama miantso Anao hatramin’ny biby dia,
satria ny renirano ritra;
ny kijana an’efitra levon’ny afo.
Voafantina amin'izao fotoana izao:
Joely 1: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.