Jôba 35
35
Araka an’i Elihò, dia tsy manan-java-marina holazaina i Jôba
1Dia nanohy ny teniny i Elihò ka nanao hoe:
2–Moa heverinao ho rariny ve ny filàzanao hoe:
«Marina eo anoloan’Andriamanitra aho»,
3na ny fanontanianao hoe: «Mampaninona Anao moa izany?
Inona no tombontsoako raha tsy manota aho?»
4Izaho no hiteny hamaly anareo miaraka,
dia ny tenanao mbamin’ireto namanao.
5Andrandrao ny lanitra ka diniho;
jereo ny rahona fa manerinerina amboninao!
6Raha manota ianao, hahakasika azy va izany?
Ary mampaninona azy moa ny fikomianao maro?
7Raha manao ny marina ianao,
hitondra inona aminy moa izany,
na inona no horaisiny avy aminao?
8Fa na ny tsara vitanao na ny ratsy nataonao,
dia ny olona toa anao ihany no iharany#35.8 And 6-8: ampit Jôba 22.2-3..
*
9Rehefa mafy loatra ny famoretana,
dia mitaraina ny olona;
ka miantso vonjy izy hiaro azy
amin’ny famelezan’ireo mahery.
10Nefa tsy mba misy manao hoe:
«Aiza Andriamanitra Mpanao ahy
sady mampihira fankalazana Azy amin’ny alina#35.10 mampihira fankalazana Azy: heverin’ny sasany hilazana ny kotroka (jereo Sal 29) ny voambolana hebreo voadika toy izany.?
11Aiza Andriamanitra Izay mampianatra antsika
amin’ny alalan’ireo biby ambonin’ny tany
ary koa mampahahendry antsika
amin’ny alalan’ireo voromanidina?»
12Miantso vonjy ny olona ampahorîna
fa tsy mamaly azy Andriamanitra
satria mpirehareha sy ratsy toetra ireo.
13Eny, ilay Andriamanitra Tsitoha
dia tsy mihaino ny fitarainam-poana
sady tsy mba miraharaha izany.
*
14Ary dia sahinao lazaina aza, ry Jôba,
fa tsy mahita an’Andriamanitra ianao
sady mbola miandry Azy hatrany,
kanefa ny raharahanao efa mby eo anoloany;
15ankehitriny, heverinao fa tsy mihatra
ny fahatezeran’Andriamanitra;
ary tsy fantany akory ny fikomian’ny olona.
16Koa miloa-bava milaza hevi-poana ianao
ary mandahatra teny maro tsy misy dikany.
Voafantina amin'izao fotoana izao:
Jôba 35: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.