Ezekiela 29
29
Loza mananontanona an’i Ejipta
1Tamin’ny taona fahafolo taorian’ny fahababoana, nony andro faha-12 tamin’ny volana fahafolo#29.1 Desambra 588 Janoary 587 tal J.K., dia nisy tenin’ny TOMPO tamiko nanao hoe: 2«Ry ilay taranak’olombelona, mitodiha manandrify ny Farao mpanjakan’i Ejipta ianao, ka ijoroy ny maha-mpaminany anao mba hamelezana azy sy ny tany Ejipta manontolo#29.2 Momba ny 29.2–32.32, jereo ny naoty momba ny Is 19.1.. 3Ambarao aminy fa izao no lazain’ny Tompo ANDRIANANAHARY: «Hirotsaka hamely anao Aho, ry Farao mpanjakan’i Ejipta, fa toy ny fanano goavana mamitsaka eo afovoan’ireo sakeli-dranon’i Neily ianao. Nolazainao fa anao io ony io satria ianao no namorona azy. 4Koa hasiako farango vy ny valanoranonao sady haraikitro amin’ny kiranao ny trondro eo amin’ny oninao. Hampiakariko avy ao Neily ianao sy ireo trondro miraikitra amin’ny kiranao. 5Hatsipiko any an-taniefitra ianao sy ireo trondro rehetra ireo. Ho faty mitsitra amin’ny tany ianao, ka tsy hisy hanangona ny taolambalonao na handevina azy#29.5 Ny tsy mba halevina am-pasana dia noheverina ho famaizana ratsy indrindra, jereo 2 Mp 9.37; Jer 8.2; 22.19.. Homeko hohanin’ny voromanidina sy ny bibidia ianao. 6Amin’izay dia hoeken’ny mponina rehetra any Ejipta fa Izaho no TOMPO.
«Ny fanampiana izay nomenao an’ireo Israelita dia marefo tahaka ny volotara. 7Nitehina taminao izy, kanjo vaky tao an-tanany ianao, ka nandratra azy tamin’ny sorony sy nampitolefika#29.7 nampitolefika: araka ny dkt siriaka tranainy izany, fa ny RM kosa manao hoe nanamafy. ny tehezany. 8Koa izao no lazain’ny Tompo ANDRIANANAHARY: Hahatonga tafika mirongo fiadiana hamely anao Aho, ka hofongorako tsy ho amin’ny taninao ny olona sy ny biby. 9Ho tany rava sy lao i Ejipta; amin’izay dia hoekena fa Izaho no TOMPO.
«Nolazainao fa anao i Neily ary ianao no namorona azy. 10Noho izany dia hirotsaka hamely anao sy ny oninao Aho. Horavako i Ejipta, hataoko lao manomboka eo an-tanànan’i Migdola any avaratra ka hatrany an-tanànan’i Asoana sy ny sisin-tanin’i Etiôpia any atsimo. 11Tsy misy olona na biby handia any intsony, fa ao anatin’ny efapolo#29.11 efapolo: jereo 4.6 sy nta. taona dia tsy hahitana zava-miaina mihitsy any. 12Hataoko tany lao dia lao i Ejipta; ary ho rava dia ho rava ireo tanànany. Haharitra efapolo taona izany mba hanereko ny Ejiptianina hiely any amin’ny firenen-kafa sy hiparitaka any an-tany hafa.
13«Kanefa izao no lazain’ny Tompo ANDRIANANAHARY: Rehefa afaka efapolo taona, dia hangoniko avy amin’ny firenen-kafa izay nielezany ny Ejiptianina. 14Hatsahatro izay manjo ny Ejiptianina, ka haveriko any Ejipta ambony tany niaviany izy, ary hanorina fanjakana osaosa any; 15ho osa noho ny fanjakana rehetra izy, ka tsy hisandratra ho ambonin’ny firenen-kafa intsony. Hahenako ny isany mba tsy hanjakazakany amin’ny firenen-kafa intsony. 16Tsy ho tokin’ny Israelita intsony i Ejipta, ka tsy hampanao heloka azy hiantso vonjy any aminy#29.16 Filazana an-kolaka ireo fifanekena tamin’i Ejipta no ataon’i Ezekiela eto, jereo 17.15; 29.6, dia fifanekena izay efa nomelohin’ireo mpaminany hafa koa (jereo Is 30.2; Jer 2.18; Hôs 7.11).. Amin’izay dia hoekena fa Izaho no TOMPO.»
Hanafika an’i Ejipta i Nebokadnetsara mpanjaka
17Tamin’ny taona faha-27 taorian’ny fahababoana, nony andro voalohan’ny volana voalohany#29.17 Izany hoe volana Marsa-Avrily 571 tal J.K., dia nisy tenin’ny TOMPO tamiko nanao hoe: 18«Ry ilay taranak’olombelona, nanery ny tafiny hanao ezaka lehibe hamelezana ny tanànan’i Tiro i Nebokadnetsara mpanjakan’i Babilôna, hany ka efa sola avokoa ny lohan’ny miaramilany sady rotidrotika ny sorony. Nefa na izy mpanjaka na ireo miaramilany dia samy tsy nahita tombontsoa tamin’i Tiro#29.18 hanao ezaka lehibe: naharitra 13 taona ny nanaovana fahirano an’i Tiro. – ny loha sola sy ny soroka rotidrotika: dia noho ny enta-mavesatra nentin’ny miaramila. –tsy nahita tombontsoa: resin’i Nebokadnetsara ihany tamin’ny farany i Tiro, nefa tsy afaka nandroba azy izy. ho setrin’ny famelezany azy. 19Koa izao no lazain’ny Tompo ANDRIANANAHARY: ‹Hatolotro eo an-tanan’i Nebokadnetsara mpanjakan’i Babilôna i Ejipta. Horobainy sy hobaboiny avokoa izay ao; ka ny hareny rehetra dia hoentiny ary hataony karaman’ny miaramilany. 20Homeko azy ny tany Ejipta ho valin’ny asa nataony tao Tiro, satria ho Ahy no niasan’ny tafiny; teny hentitra avy amiko Tompo ANDRIANANAHARY izany.›
21«Rehefa tonga izany andro izany, dia hohavaoziko ny tanjaky ny Israelita. Ary ianao, ry Ezekiela, homeko fahefana hiteny eo aminy#29.21 Jereo 3.26; 24.27.; ka dia hoekeny fa Izaho no TOMPO.»
Voafantina amin'izao fotoana izao:
Ezekiela 29: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.