Ezekiela 10
10
Niseho tamin’i Ezekiela indray ny Tompo
1Ary nijery aho ka indro teo amin’ny habakabaka izay tambonin’ny lohan’ny kerobima fa nisy tahaka ny vato safira, ka mitovitovy amin’ny sezafiandrianana ny endriny; ary niseho teo ambonin’ireo kerobima ny Tompo#10.1 Jereo 1.26.. 2Ary hoy ny Tompo tamin’ilay lehilahy miakanjo rongony: «Midira ao anatin’ny tadio anelanelan’ny kodiarana eo ambany kerobima. Fenoy vainafo avy eo anelanelan’ny kerobima ny tananao, ka afafazo amin’ny tanàna izany#10.2 tadio: jereo 1.13. –afafazo amin’ny tanàna izany: hamafisin’ny rijan-teny fa toy izany no handoran’ny Babilônianina an’i Jerosalema araka izay nokasain’Andriamanitra (2 Mp 25.8-9)..»
Dia hitako nandeha naka ny vainafo ralehilahy.
3Fa raha mbola nankao izy, dia nijanona teo amin’ny ilany ankavanan’ny tempoly ireo kerobima, ary feno raho-matevina ny kianja anatiny. 4Niakatra avy eo ambonin’ny kerobima hankeny amin’ny tokonam-baravaran’ny tempoly ny voninahitry ny TOMPO. Koa nanjary feno raho-matevina ny tempoly; ary ny kianja kosa dia namirapiratry ny voninahitry ny TOMPO. 5Ary heno hatrany amin’ny kianja ivelany ny fikopakopaky ny elatry ny kerobima, tahaka ny feon’Andriamanitra Tsitoha raha miteny#10.5 Jereo 1.24 sy nta.. 6Nijoro teo anilan’ny kodiarana iray ilay lehilahy miakanjo rongony, rehefa avy naka afo teo anelanelan’ny kodiarana teo afovoan’ny kerobima araka ny baikon’Andriamanitra. 7Nanatsotra ny tanany ho eo amin’ny afo izay teo anilany ny kerobima iray ka naka vainafo tao ary namenoany ny tanan-droan’ilay lehilahy. Noraisin-dralehilahy kosa izany, dia nivoaka ny tempoly izy.
8Ary nisy toa tanan’olona roa niseho teo ambany elatry ny kerobima. 9Hitako koa fa nisy kodiarana efatra, ka kodiarana iray avy no teo anilan’ny kerobima. Ireo kodiarana ireo dia nanjelanjelatra tahaka ny vatosoa krizôlita. 10Mitovy bika izy efatra ary toa samy voarafitra hifampidipiditra. 11Afaka mandroso ho amin’ny lafiny efatra izy nefa tsy mila avily. Mizotra ho amin’izay itodihan’ny kerobima izy ary mandroso tsy mila avily. 12Ny tenan’ny kerobima manontolo, indrindra ny lamosiny sy ny tanany ary ny elany, dia rakotra maso manjelanjelatra tahaka ireo kodiarana efatra. 13Ary ireo kodiarana efatra dia reko nomena anarana hoe «tadio». 14Samy nanana endrika efatra ny kerobima tsirairay: ny voalohany dia endrika kerobima, ny faharoa dia endrika olona, ny fahatelo dia endrika liona, ary ny fahefatra dia endrika voromahery. 15Niakatra ho eny amin’ny habakabaka ireo kerobima, izay tsy hafa fa ireo zava-miaina izay hitako teo amoron’ny ony Kebara ihany#10.15 Jereo 1.4-28.. 16Rehefa mandroso izy, dia mandroso miaraka aminy koa ireo kodiarana; rehefa mikopaka elatra hiakatra hiala amin’ny tany izy, dia tsy misaraka aminy koa ireo kodiarana. 17Raha mijanona ireo, dia mijanona koa ny kodiarana; raha manidina miakatra ho eny amin’ny habakabaka ireo, dia mba miakatra koa ireo, satria ny fanahin’ny zava-miaina no manetsika ireo kodiarana.
Miala ny tempoly ny voninahitry ny Tompo
18Niainga avy teo an-tokonam-baravaran’ny tempoly ny voninahitry ny TOMPO, ka nipetraka teo ambony kerobima. 19Dia nikopaka elatra handeha ireo kerobima ka tsinjoko niakatra niala avy amin’ny tany, ary niara-niainga taminy koa ireo kodiarana. Nijanona teo anilan’ny vavahady atsinanana amin’ny tranon’ny TOMPO izy ka namirapiratra teo amboniny ny voninahitr’Andriamanitr’i Israely. 20Teo amoron’ny ony Kebara no efa nahitako ireo zava-miaina ireo nijoro teo ambanin’Andriamanitr’i Israely, ka fantatro ankehitriny fa kerobima ireo. 21Samy nanana endrika efatra sy elatra efatra ary karazana tanan’olona teo ambany elany avy ny tsirairay. 22Nitovy tanteraka tamin’ny endrik’ireo zava-miaina teo amoron’ny ony Kebara ny endriny. Samy nandroso mahitsy tamin’izay tandrify azy avy ny kerobima.
Voafantina amin'izao fotoana izao:
Ezekiela 10: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.