Zakarià 12
12
Fahirano sy fanafahana an’i Jerosalema
1Hafatry ny Tompo momba an’i Israely.
Izao no teny hentitra ambaran’ny Tompo
Izay namelatra ny lanitra
sy namorona ny tany,
ary nanome aina ny olona:
2–Indro Aho hanao an’i Jerosalema ho tsatokaty feno ny divaim-pahatezerako, ka hahafanina ny firenena rehetra manodidina. Ary hahafanina an’i Joda koa izany, rehefa ho voafahirano i Jerosalema#12.2 tsatokaty: ao amin’ny Testamenta Taloha ny tsatokaty diany famaizan’Andriamanitra, jereo Jer 25.15 snm; Ezek 23.31 snm; Hôb 16. –Ary hahafanina...Jerosalema: dkt hafa Izany fanambarana izany dia mikasika koa an’i Joda, izay hitranga mandritra ny fahirano amin’i Jerosalema.. 3Ary amin’izany andro izany i Jerosalema dia hataoko toy ny vongam-bato mavesatra eo anoloan’ny firenena rehetra; ka haratra tokoa izay mitady hanainga izany. Koa ny firenena rehetra ambonin’ny tany hiray no hiady hamely ny tanàna. 4Amin’izany andro izany, hoy ny teny hentitra ambarako, dia hataoko mandraingiraingy ny tahotra avokoa ny soavaliny, ary ny mpitaingina azy ho lasa adala; hiambina tsara ny vahoakan’i Joda Aho, kanefa hampahajamba ny soavaly rehetra izay an’ny fahavalo. 5Ary ny firenen’i Joda hanao anakampo hoe: «Ao amin’ilay Tompon’izao rehetra izao sady Andriamaniny no ahitan’ny mponin’i Jerosalema ny heriny». 6Amin’izany andro izany, ny firenen’i Joda dia hataoko tahaka ny afo mihanaka amin’ny ala na mirehitra ao ambanin’ny antontan’amboara, ka handevona ny firenena rehetra manodidina azy na eo ankavanany na eo ankaviany. Ary ny mponin’i Jerosalema dia mbola hijanona ao an-tanànany ihany. 7Hovonjen’ny Tompo aloha ny fianakaviamben’i Joda, mba tsy hihevi-tena ho ambonin’ny olona sisa eran’i Joda ny taranak’i Davida sy ny mponin’i Jerosalema. 8Amin’izany fotoana izany dia harovan’ny Tompo ireo mponin’i Jerosalema; ka ny osa indrindra ao aminy dia hatanjaka tahaka an’i Davida, ary ny taranak’i Davida ho tahaka an’Andriamanitra, dia tahaka ny anjelin’ny Tompo mitarika azy eo aloha.
Fisaonana manerana ny firenena israelita
9Amin’izany andro izany, hoy ny Tompo, dia hirotsaka an-tsehatra Aho handringana ny hafa firenena rehetra izay ho avy hamely an’i Jerosalema. 10Fanahim-pangorahana sy fanahim-bavaka no hanentanako ny taranak’i Davida sy ny mponin’i Jerosalema. Ka hijery Ahy ireo noho ny amin’Ilay nolefoniny#12.10 Ahy noho ny amin’Ilay nolefoniny na Ahy Izay nolefoniny; ny Tompo mihitsy no manambara ny tenany ho voan’ny fahafatesana izay nahavoa ny irany anankiray. Io fehezanteny io dia ampiharina amin’ny nahafatesan’i Kristy ao amin’ny Jôh 19.37 sy Apôk 1.7., ary hisaona azy toy ny fisaonana zanakalahy tokana sady hitomany azy toy ny fitomaniana lahimatoa. 11Amin’izany andro izany dia hisy fisaonana lehibe ao Jerosalema, dia tahaka izay niseho tao Hadadrimôna#12.11 Hadadrimôna: andriamanitra sampy fenisianina miahy ny zava-maniry, izay heverina fa maty amin’ny fotoam-piotazana mba ho teraka indray raha avy orana. Azo heverina fa ny fivavahana tamin’i Hadadrimôna dia tena nandroso tao amin’ny lohasahan’i Megidô. teo amin’ny lohasahan’i Megidao. 12Ary hisaona ny firenena, dia ny isam-pianakaviany avy: ny an’ny taranak’i Davida, lahy sy vavy samy mitokana; ny an’ny taranak’i Natàna, lahy sy vavy samy mitokana; 13ny an’ny taranak’i Levỳ, lahy sy vavy samy mitokana; ny an’ny taranak’i Simey, lahy sy vavy mitokana; 14ary ny fianakaviana sisa rehetra, lahy sy vavy samy mitokana hisaona avokoa.
Voafantina amin'izao fotoana izao:
Zakarià 12: DIEMDC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.