Matthieu 23
23
Jésus ateye bayekoli ba wango na bana bato tonga na matoma ma bapharisien. Jésus abété bato ba bokièngu ba mikanda na bapharisien. Jésus adi na kièlèlè tonga na Jérusalem.
1Komoyena Jésus alobaki na bibuliki ba bato na bayekoli ba wango bwe:
2”Bato ba bokièngu ba mikanda na bapharisien badyèbwa o kiti a Moïse.
3Bokiela mawò machò, mango bango balobe na batinde beni, ko, tokielake matoma, mango bango bakiele, tonga bango balobe ko, okiela ka.
4Nènè, bango balòngò mimba ma bodito, bayake myango ikolo na bituchi ba bato, ko, odinga bokielize bango nyò na mochè ka.
5Bango bakiele matoma ma bango machò, tonga n’iyèniba na bato phencha, bango bakatize phylactères a bango, bango bakatize bicholo ba bango o bilamba ba bango.
6O bango baya bodye bekidya na moninga badinge echoko enè, na badinge bakiti ba ta bocho o ch’a mandako m’ibondima.
7Badinge bato badyokize bango o madyando, na badinge bato bakane bango kombo: Mokuba.
8Ko, beni: Totangibake Mokub’a bato, tonga Mokub’a beni edi ko mò phencha, beni bachò bodi bana ba moto mò.
9Beni, totangake moto nyò mò o che woni: Daye a banga, tonga Chango a beni edi ko mò phencha, wango adi ikolo.
10Totangibake: Mokonchi, tonga mokonchi ma beni modi ko mò phencha, Christ.
11Koncha elèki otete a beni tadyala mochali a beni.
12Koncha ekondize nchoto a wi koncha, wango tachundiba, na koncha echundize nchoto a wi koncha, wango takondiba.
13Beni bato ba bokièngu ba mikanda na bapharisien, beni bodi na manya, ikambi tita na beni, tonga beni bodiphe bato bokonchi b’ikolo. Tonga na beni makoncha okola o ch’a bwango ka, na bato bango badi o manè ma bwango beni ophinchola bango ka.
14Beni bato ba bokièngu ba mikanda na bapharisien, beni bodi na manya, ikambi tita na beni, tonga beni bodyobize mandako ma bachani chima beni bochambele titingi tonga na manya ma, tonga na di ichèbo a beni tilèka bokuli.
15Beni bato ba bokièngu ba mikanda na bapharisien beni bodi na manya, ikambi tita na beni, tonga beni bolèlènge o che, n’ophanya bibale na boyenge moto mò tonga n’ikola o echingane a beni, okomo wango achingane, beni bochekole wango mwan’a meya m’itenela, wango alèki beni malèka mabale.
16Beni batutichi ba baninga biboti, ikambi tita na beni. Beni bolobe bwe: Mo moto adyèngi ndako a Nzambe wango adi iwò twa, ko, koncha wango edyènge edunga edi o ch’a ndako a Nzambe, wango ayambe ichèbo.
17Beni biboti na mangkè, eyeka elèki bonè ephe? edunga iyò ndako a Nzambe, ndako a Nzambe yango ekumize edunga?
18Mo moto adyènge na maboko, mango matongibaki tonga n’ichambela Nzambe, moto wango adyale iwò twa ko, mo wango adyènge n’eyeka, yango etikibaki ikolo na mango, wango ayambe ichèbo.
19Beni bodi biboti, eyeka elèki bonè ephe? eyeka, yango etikibaki ikolo na maboko, iyo maboko mango makumize eyeka, elèki ephe?
20Tonga na di koncha edyènge maboko, mango matongibaki tonga n’ichambela Nzambe, adyènge nà n’eyeka yango edi ikolo na mango.
21Na moto adyènge ndako a Nzambe, adyènge nà na koncha edyale o ch’a yango.
22Na moto adyènge ikolo, adyènge na kiti a Nzambe, nà na koncha edyèbwa ikolo na wango.
23Beni bato ba bokièngu ba mikanda na bapharisien, beni bodi na manya, ikambi tita na beni, tonga beni bomiche dina dyomu o menthe, anet na cumin, ko beni botoni bowoke mawò ma miyeko ma Nzambe: nènè, elumba, n’echingane. Matoma ma chima malèki bonyòngò, ko bokielaka nà mango ma bocho.
24Beni batutichi ba baninga biboti, beni bokiènge ngungi, ko, beni bonywe chameau.
25Beni bato ba bokièngu ba mikanda na bapharisien, beni bodi na manya, ikambi tita na beni, tonga beni bochoche buku na chani o mabèkè phencha, ko, o ch’a bango edi itonda n’eyiba na bobe bochò.
26Kò, mopharisien, m’eboti, chocha o ch’a buku nò dyò kobona na mabèkè ma buku tadyala chèchè dyòkò.
27Beni bato ba bokièngu ba mikanda na bapharisien, beni bodi na manya, ikambi tita na beni, beni bodi ko mandèmba machingibe phèmbe bona, ikolo na mango madi manyòngò o michò, ko o ch’a mwe edi itonda na mikwa ma bato bawaki na beka bibe bichò.
28Ko beni bona, beni bodi banyòngò o michò ma bato, ko mitema ma beni midi mitonda na manya na beka bibe bichò.
29Beni bato ba bokièngu ba mikanda na bapharisien, ikambi tita na beni, tonga beni botonge mandèmba ma mibandi ma Nzambe, na beni bolòngele mandèmba ma bato banyòngò,
30na beni bolobe bwe: Mo banga bolòngòki o machu ma bachango ba banga, ibe banga boboboma mibandi ma Nzambe ka.
31Beni bochiakole bwe, beni bodi bana ba babomi ba mibandi ma Nzambe beni makoncha.
32He, botondiza mimèko ma bachango ba beni.
33Beni bana ba michèmè, n’ingomb’a michèmè, beni toyicha bobangane ichèbo a meya m’itenela bwe?
34Bokieka nga tinde beni mibandi ma Nzambe, na bato ba bokièngu, na bato ba bokièngu ba mikanda. Beni toboma bana, beni tokotele bana awèchinye, bana beni tobètè o mandako m’ibondima ma beni, na beni toluphazana na bango o mana mamboka.
35Kobona malongo, mango matangaki a che machò, taya o mabòkò ma beni, malongo ma Abel kokoko ncho malongo ma Zacharie, mwan’a Barachie, wango beni bobomaki otete ndako a Nzambe na maboko, mango matongibaki tonga n’ichambela Nzambe.
36Nènè nga lobe na beni, beka bichò bi, byango tiya ma bato ba bobiko bu.
37Jérusalem, Jérusalem, k’òbome mibandi ma Nzambe, k’òmè myango maboko mitindiba o ma kò! Nga dingaki bokonginye bana ba kò makonginya makama, ko koko akonginye bana ba wango o ch’a maphaphu ma wango bona, ko, beni botonaki.
38Mbok’a beni techekwa mophondi.
39Nga lobe na beni bwe: Beni tiyènè nga kokoko ncho beni toloba: Wango eya o kombo a Mokonchi adi n’èchwa!”
Voafantina amin'izao fotoana izao:
Matthieu 23: BUI1947
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
