Marcos 1
1
Juan bënni rkiile nis rde' latj yu biidx
(Mt 3:1-12; Lc 3:1-9,15-17; Jn 1:19-28)
1Ka rzulau diidza kub dxia'a kie' Jesús Le' Cristo, Le' Xi'ine Dios.
2Nayoj lu gich le bzooje bënni rue'e diidza ulaaz kie' Dios le' Isaías: ne'e
«Rsë'la'ne gbaaz kia' lau'u,
naar kpe'e kiu' nëëz.
3Chi'e bënni ruskua' zidzj lu yu biidx:
“Gulupa'a nëëz kie' Xan'ru;
Gulusaalj kie' nëëz li.”»
4Len ka blui'lau'e Juan bënni rkiile nis bunach lu latj yu biidx; re' yugute' bunach lubi'i'laadxi'ke len Dios len ludiile nis, naar Dios si'xhëëne xhtu'la'ke. 5Yugute'ke bënni yu Judea len yëdz Jerusalén tarooje naar layëën'de le'. Tuxua'le'pe xhtu'la'ke ati Juan rkiile leke nis lu yeego Jordán.
6Laari nakue' Juan naki li'tza'ba kameyo, ati ruugi'de ley len pan giid lsiine'e; ati buchuwa' len bdxindu gda'we. 7Kati rue'e diidza rne': «Kuudza'a ze'e tue' bënni nap're yëla wak ka neda, len ti nak'kza bach gzechu xhiiba len kseedxa xhtui lëële'. 8Neda chi pkiila lbi'ili len nis san le' jkiile lbi'ili len Bë' La'ay.»
Jesús rdiile nis
(Mt 3:13-17; Lc 3:21-22)
9Larakz dza niiz, Jesús brooje Nazaret, yëdz zua Galilea ati Juan pkiile le' nis lu yeego Jordán. 10Buudx'z burooje lu nis'a, Jesús ble'i'de brëëza xhba len Bë' La'ay kie' Dios rëtje ka tuuba palom ga zue'. 11Len byën tu chi'i za' yewayuba le rna: «Li' naku Xi'ina nu nadxi'i'tzki'da len rdzag'laadxa'a.»
Jesús lu latj yu biidx
(Mt 4:1-11; Lc 4:1-13)
12Buudx'z le ni, le' Bë' La'ay kie' Dios pche'e Jesús lu latj yu biidx. 13Chua' dza gzue' ni', ladj bua'gixi znia' len gxhi'be'e le' Bënni Xëwi; len gbaaz la'ay tun'chi'ke le'.
Jesús rzulau'e xhchiine Galilea
(Mt 4:12-17; Lc 4:14-15)
14Gdëëd gulagu'e liidx'gia Juan, Jesús gyiije Galilea yajtixhjë'e diidza kub dxia'a ulaaz kie' Dios. 15Gne': «Chi bdxin dza, len yëla rnabe' kie' Dios chi za' ga'la. Gulubi'i'laadxi'li len Dios len gultzajle' diidza dxia'a ni.»
Jesús rliidze tap'ke bënni tazëëne'ba bël
(Mt 4:18-22; Lc 5:1-11)
16Jesús rdëëde ra nis ki Galilea, kati ble'i'de Simón len bënni bë'che'e Andrés. Bënni ni tazëëne'ba bël, ati nakua'ke tuzal'ke yëxhj kieke lu nis, 17Jesús gudxe leke: gultza' len neda ati neda guuna ga lbi'ili kche'li kia' bunach.
18Na'teez guluka'ane yëxhj kieke'a len yajak'leene Le'.
19Lati'iz guladëëde kati Jesús ble'i'de bënni xi'ine Zebedeo le' Santiago len bënni bë'che'e le' Juan dzë'ë'ke lu barku tu'uune yëxhj. 20Bliidz'tie' leke, ati leke guluka'ane xuuz'ke lu barku len bënni'a tak'leene leke len yajak'leene Jesús.
Bënni yu'e bë' xëwi
(Lc 4:31-37)
21Guladxin'tie' Cafarnaúm, ati Jesús gyaazie yu'u useed dza tu'ueak'laadxi'ke bënni Judea len gzulau'e rseed'de bunach. 22Bunach tubaani ka rseed'de leke, koma len yëla rnabe' rseed'de keg ka tuseed'de bënni useed xhba kie' Dios. 23Na'teez, lu yu'u useed'a zue' tue' bënni yu'e bë' xëwi, bënni ni bisku'e:
24¿Bixh rala'tu kiu' Jesús ki Nazaret? ¿Naru zo'u zdunit'lau'u netu? Neda numbe'a li', len nëëz'da ki li' naku Bënni Xi'ine Dios.
25Jesús gdil'leene bë' xëwi'a, gudxe ley:
¡Pseeyj ru'u len buroj le bënni ni!
26Bë' xëwi'a ben ga bënni ni gbixh'ktule, len zidzj biskua'tzka kati buroj le'. 27Yugute'ke glaadxi'de len gulunaabi lza'a'ke:
—¿Bixh'kza chi rak? ¡Na'dza'lkz ka rseed'de, ati len gdu yëla rnabe'! ¡Rnabe'i'de bë' xëwi len ley tuzenaagi le'!
28Len gdu gia'a yeego ki Galilea gus'te diidza le ruune Jesús.
Jesús ru'uune'nu tau'e Simón
(Mt 8:14-15; Lc 4:38-39)
29Guluroj'tie' lu yu'u useed'a, ati Jesús dzaage Santiago len Juan yajake liidxe Simón len Andrés, 30ka gulayaaz'ze liidxe'a gulagixhji'de Jesús ki tau'e Simón deenu yu'u'nu tuxhla, 31le' gbiige'e len gde'le'e na'nu ati pchise'nu: na'teez buroj lenu tuxhla'a len gzulau'nu ben'nu le gla'we.
Jesús ru'uune zian'ke bënni te'i'de
(Mt 8:16-17; Lc 4:40-41)
32Kati chi gbia gbiidz len za' ral, yajua'ke lau'e Jesús yugute'ke bënni we' len bënni yu'u leke bë' xëwi, 33len gdu yëdz guludzaag'ke rayu'u kie' Simón. 34Jesús buune bunach zian ki baya' gza'a, len bubiije le zian bë' xëwi, san ti rnëëdzje latj lané bë' xëwi'a, koma ley numbe'k le'.
Jesús rgixhjë'e diidza lu yu'u useed
(Lc 4:42-44)
35Ziil'bal kati ni na'chul, Jesús gyase len brooje lu yëdz'a naar tzaje'leene diidza Dios lu latj ga nutunu tadá. 36Simón len bënni lze'e yajdiilj'ke Jesús, 37ati kati guludzëël'de gle' le':
—Yugute'ke tugiilje li'.
38San Le' bubi'e kieke diidza:
—Gultza' yëdz'du le nakua'k ga'la; lekz'ka' ni' rala tzajtixhjë'a xhtiidze'e Dios, koma lena'a za'a.
39Ka' gde' Jesús gdu Galilea, rgixhjë'e xhtiidze'e Dios lu yu'u useed ki tu tu yëdz len rubiije bë' xëwi.
Jesús ru'uune tue' bënni re'i'de we' nuudzu
(Mt 8:1-4; Lc 5:12-16)
40Tue' bënni re'i'de we' nuudzu gbiige'e ga ze' Jesús, ati bzechu xhiibe len gudxe le':
—Wak uunu neda xhki ba re'en'du.
41Jesús buechilaadxe'e le' ati pxua ne'e le' len gne':
—Rna kia'. ¡Bueak dxia'a!
42Na'teez buroj le' baya'a len bueak'tie'. 43Jesús busa'tie' le' len gudxe le':
44—Nutunu kixhji'du le guk; gyaj'z lau'e pxuuz len ka chi naleebi'li kati rupa'a kuin'li, bia' gun le gnabe'e Moisés, naar lale'i'de ley pxuuz'a.
45San bënni ni kati zuwëëje gzulau'e rlaabe kieke yugute'ke le guk. Lena'a Jesús tir benn tzaazie yaalj yugute' yëdz gap rde', len rayu'ul'z rga'ane, latj ga nutunu tadá; san gaaz za'ke ka' bënni rduyu'ke le'.
Voafantina amin'izao fotoana izao:
Marcos 1: PZD
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© Sociedad Biblica de México AC
