Lukasi 24
24
1Na lusiku lwa mbele mu yuma hikingilima muno, vizaga ku kivimbi na valetaga manukato hogene vagavezizye. 2Na vavonaga ati iwe lisindikilwe ku kivimbi; 3alisi aho vingilagamo vakaguwine muvili gwamwa Guku Yesu. 4Na yakwilaga aho vatavanivagwa ku yeniyi vagosya vavili vavegelaga, vazwalile myenda miyekemu. 5Alisi aho vakangagwa na vinamaga hasi, avo vavawilaga, Kuki mulimukova mwenuyu ali muzuvuku ha vafwile? 6Akavileho henaha, sumbwa wahembukaga; mwizukile kitisi wamuwilaga inwe aho wavagi atali ali ku Galilaya, 7aho wayombaga kunguno ya Mwana wa Munhu ati, apanwe mu makono ga vakenaguzi na akomelwe na ahembuke ha lusiku lwa vudatu. 8Na vayizukilaga mihayo yakwe, 9na valivasyokaga kufuma ku kivimbi vavapozezaja avo ikumi na umo na vangi vene gose genaya. 10Na vakima avo vavagi Maria Magdalena, na Yoana na Maria, nina wamwa Yakobo; avo na vangi vene vavawilaga Vatume genaya. 11Na yigelaga kuwavo kitisi mihayo yikavile 12ya kapanga, na vakavasanizizye. Alisi Petro wavukaga na wapelaga ku kivimbi, na aho wasunukaga wayivonaga shanda yinene, na wasyokaga na wakumaja kunguno ya genaya gakwilaga.
13Na ha lusiku lwenulo vavili mugati navo vavagi vajile ku kakaya, lina lyako Emao, kavagi kufuma 14Yerusalema katanalo ka stadio makumi mkaga, na vasunsumulaga hamohene kunguno ya gose genaya gakwilile. 15Na yakwilaga aho vasunsumulaga na vitozaja hamohene, Yesu mwene wegelagaho na wasimizaga hamohene navo. 16Alisi minso gavo gafumbilwe, sisyo vavagi vakamumanikizye. 17Nawe wavawilaga, Mihayo ki yeniyi mulisyokezya mu lugendo lwinwe? Navo vimaga na mugati na misayo valolaga hasi. 18Na umo witavukaga, lina lyakwe Kleopas, na wamuwilaga, Veve winene uli mugeni mu Yerusalema, na ukagamanikizye 19genaya gakwilagamo mu nsiku zyenizi? Nawe wavavuzaja, Muhayo ki? Navo vitavukaga, Yeniyi kunguno yamwa Yesu wa Nazareti, homwene wavagi mufumbuzi wa vukovozi mu milimo na mu mihayo hambele 20na Mulungu na hambele na vanhu vose; na kitisi vahozya vahanya na vakovozi vamutavulaga mu kitanga cha lufu na vamukomelaga. 21Alisi iswe twisigizaja ati ali mwenuyu homwene akukomola Israeli. Na ha gose genaya lelo lusiku lwa vudatu vukumbu genaya gakwilaga. 22Na hangi vakima vamo mugati niswe vatukangaga, hovene vafikaga hʼikingilima ku kivimbi. 23Na aho vakaguwine mulambo vizaga na vayombaga ati, vakuvonaga kwigela kwa malaika, hovene vayombaga ati alizuvuka. 24Na vamo mugati niswe vajaga ku kivimbi na vavonaga kitisi vakima vene vayombaga, alisi mwenekili vakamuwine. 25Na uyu wavawilaga, Hoinwe valele na vadizu mu moyo mu kugasanizya gose genayo vafumbuzi vayombage. 26Kinahe, yikamudimile Kristo aduke genaya na ingile mu lukumo 27lwakwe? Na wavukizaja kufuma kumwa Mose na vafumbuzi vose na wavalotolelaga gose genayo gatonilwe mu mavutone gose kunguno yakwe. 28Na vayegelaga kaya uko vajile, nawe wavezaja kitisi wakovaga kuja kumbele. 29Na vamwikumbilizaja, vuhaya, Udile hamohene niswe, kwisi yavi mhindi na limi lyalokaga. Nawe wingilaga kudila hamohene navo. 30Na yakwilaga aho wikalaga hamohene navo hakulila, wagusolaga mukate, wagongolaga luvango, wagumegulaga na wavapaga venava. 31Alisi minso gavo gatunulaga, na vamumanikaja. Alisi uyu akigelile uva haduhu. 32Na vayombaga hamohene, Kinahe, moyo gwiswe gukavakile muwiswe aho wayombaga niswe mu nzila, aho 33watutungulilaga kumanicha mavutone? Na vavukaga saa yeniyo na vasyokaga ku Yerusalema, na vavasangaga avo ikumi na umo na avo vangi vavagi hamohene navo, 34hovene vayombaga, Guku wahembukile 35loleyene, na wigelaga kumwa Simoni. Na vavapozezaja genayo gakwilaga mu nzila, na lumehoki wamanikizivagwa navo aho wagumegulaga mukate.
36Na aho vavagi valiyomba genaya, mwenekili wimaga mugati navo na wavawilaga, Kuhola kuve hamohene 37ninwe! Alisi vakangagwa na vogohaga muno, viganikaga ati hamo valiguvona muzimu. 38Na wavawilaga. Kuki inwe mulihahala? Na kungunoki miganiko 39galivuka mu myoyo yinwe? Mugalole makono gane na magulu gane ati honene; munkumye na muvone, kwisi muzimu gukavile na nyama na maguha kitisi inwe mulivona ndi nago nene. 40Na aho wayombaga genaya wavolekaja makono na magulu. 41Alisi aho venava vatali kusanizya kunguno ya kudeha na kukumya, 42wavawilaga, Muli na chakulya henaha? Na vamupaga kipande cha isomba lya vukalange. 43Nawe wakisolaga na wakilyaga hambele navo.
44Na wavawilaga, Yeniyi yili mihayo yane hoyene namuwilaga aho navagiho hamohene ninwe ati, gose gamaliziwa hogene gatonilwe kunguno yane mu ngʼhama zyamwa Mose na mu vafumbuzi na Zaburi. 45Haho wavapaga kuyimanicha nguno ya mavutone, na wavawilaga, 46Sisyo yatonilwe ati Kristo aduke na ahembuke 47ha lusiku lwa vudatu, na kufuma Yerusalema va machalo gose vataniziwe mu lina lyakwe kupiluka moyo na vutondolwa wa mavukenaguzi. 48Inwe muli vasangilwaho va yeniyi. 49Na nene mwenekili ndilitumizya ilagano lyamwa Vava kwigulya ninwe; alisi inwe mudile mu kaya kusika mukuzwikwa nguzu kufuma kwigulya.
50Na wavatongekaga ku Betania, na wagagololaga makono gakwe na wavadosaja. 51Na yakwilaga aho wavadosaja, wisundaga kuwavo na wajanagwa mwilunde, na avo vamusukambilaga. 52Na vasyokaga ku 53Yerusalema na kudeha kuhanya, na vavagi mwisengelo nsiku zyose kumugongola Mulungu.
Voafantina amin'izao fotoana izao:
Lukasi 24: Nym51
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Nyamwezi New Testament © Bible Society of Tanzania, 1951.
