Markus 7
7
1Farisawa a lekko ahakan, ka imi nedo gban di haka miya‐dori iye si di Yerusalem.
2Ta na imi avor miye‐kwoden ta tul gurasatso ka tuffa miyá tsubwa.
3(Gibo Farisawa ka Yahudawa, na taná tsubwa tyefungeren tá zemsye, ta kwodo kwaleme da miye‐gbanye.
4Nayata dimma di vor lumo, taná zemsye ta yebo. I sye nedo kabagban tana luwo ati miya hweyeren, miya tsubwa gbei ta, ka dwei ussye, ka gbei deamse).
5Farisawa ka miye‐dori a ḍiyen a tsa: “Go mino miyedi‐kwodu á kwodo leme da miye‐gbanye, ta zem gurasatso ka tuffa miyá tsubwa?”
6Nda tsaren a chi: “Gbokoko Ishaya a boye leme anangowno, hu dziye‐kuta, botso miya dori:
‘Miyeno ḅware ta ndukodi ka kwamungeren, yedingeren ḅong ḅong.
7Ḅa tadi ḍei sye, leyeche tadi kenno miye, boyile da ḅware no.’
8Huna ḍaka hiwatso da Pwa, huna kwodo kwaleme da ḅware botsi leme tsubwa dwa, ka gba ta, ka sye hananan som.”
9Nda tsaren a chi: “Bwang huna ko hiwatso da Pwa gekelo huḅa hweyigo lemedowno.
10Gibo Musa a tsa: ‘Hye ndukodo bagu ka nogu; ma ḍa bagen ka ma ḍa nogen ḅa mberro mbok.’
11Hu, huna tsa a chi: Na ma tsa bagen, nagi nogen no: ‘Sa huḅa ḍimmo gakei Korban ne (botsi ungo Pwa no),’
12Huná rei minna ḍakan nda vo bagen ka nogen nagi mino.
13Huna minda leme da Pwa leme ḅeiyo gekelo ungowno ma huna vodo miye. Sye kabagban botsi ano hunadi ḍa.”
14Nda wa miye fure a tsaren a chi: “Kellemi hu yangkat a tsa kwakengowno.
15Tá aso ahabwange ka ḅwara, naya nda perro yedingen nda minna rekan; sye di dimma di yedi ḅwara, ten no di rekko ma.
16Ma ka kwakei kan, ma nda kello.”
17Naya nda taka so ka lektso miye, nda perro hwodiye, miyedi‐kwoden a ḍiyen zeregye lema ano.
18Nda tsaren a chi: “Hu gban huná kello, tá aso ahabwange ka ḅwara, nda perro yedingen ndaḅa minna rekan?
19Gibo á perro vor yedingen, yeje gbanye a luwren, nda dimma a perro gwo egretso che gban sizemtso kat nda go pe pe.”
20Nda tsa gban a chi: “Sa a dimma di yedi ma, tsi ne hasen.
21Gibo di vor yedi ḅwara ḍyengleme hasei a dimma, ka sharawne, ka hutso, ka ḅelha, ka ka?-?dawei, ka kwazemsye, ka lemohasei, ka walitso, ka om maindie, ka zhuwne, ka ḍaha, ka nduko naha, ka diḍowne.
22-23Syehasei iyeno kat di yedi ḅwara ta dimma, ten no gban ta hasen.”
24Nda maḍo a wudo gara mbatsi njiya Sur ka Sida. Nda perro i hwodie nedo, ndá mwa na miya leyo. Lemeden á ḅo, miya kello.
25Itsi metsi nedo, ndsitsodaro kyengkyeng pitso rektso ne gerro; naya nga kel lemongen nga si a fuko ahumwasen.
26Metsi ino ndso‐Heleniyatsi, ngbangero Suro?-?finikiya. Nga ngisen nda dimmado pelle a sitto njiso.
27Nda tsara a chi: “Ḍaka dziye‐hwodiye a hyeḅa pot: á hula miya ngur sizemtso da dziye a ḍongo tsakye.”
28Nga mwan a tsan: “Homedei, tsakye a weye tul poye sizemtso iye miye kajiden a njiya”
29Nda tsara a chi: “Gekelo leme ano dso muḍi, pelle dimma go sitto njisa.”
30Nga muḍo hwodaro, nga pa ndsitso a kedso?-?tso, ngaḅo bi, pelle dimmo.
31Nda minna dimma a mbata njiya Sur, nda perrigo Sida a wudo bahar da Galili; nda perrigo mbato Dikafolis.
32Miya si gakan ka ḅwara gbiyengo, kwaoltso do; ta ngisen, ma nda ḍikken tuffongen.
33Nda muḍo kan a taka so ka miye kan, nda ḍik gyelengen avor kwakengen, nda tabdo nauye a pa zhimongen.
34Nda niya Pwa nda tsan: “Iffatha,” zeregyeden no: “Wani.”
35Kwakengen a wano, sa a ḅweyeren a zhimongen a para, nda boye leme gbokoko.
36Yesu a boyeren ḅé taná boyo ndong ma. Ta dimmo a gballa boyi lemeden nagi a ndoha.
37Ta ndello a tsa a chi: “Nda ḍa sye pe pe: nda vo gbiyenge keltso, a mbo kwaoltso ḅo.”
Voafantina amin'izao fotoana izao:
Markus 7: BCYMRK
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
First published by the British and Foreign Bible Society in 1915.
