Markus 8
8
1A fira ano lektso miye nedo ahakan: taná ḍim sizemtso iye tanḅa zemmo. Nda wa miyedi‐kwoden a tsaren a chi:
2“Sopiye lektsi iyeno ḅe gi, gibo tan bo mwaken ahakei, tá sizemts
3Na hen ḍakaren ta muḍo, ta mberhei a tuffe; imi ne avorsen, gara ḅong ḅong ta si.”
4Miyedi‐kwoden a mwan: “A ndoha ma ḅa ḍim gurasatso gana avor kaka ano ge lektso miyeno ta zemmo a hyeḅa?”
5Nda ḍiyeren: “Mowto ne ya kowno?” Ta tsa: “Tukwelugbei.”
6Nda tsa miye lekki, na miye ndsa a njiya, nda porra mowtsi iyeno tukwelugbei, a humo Pwa, a ḅeiyo gurasatso a vo miyedi‐kwoden, ta luwa a boden ahumwa ḅware.
7Ten ne ka dziye‐vakye kyengkyeng: nda humwaren a tsa, na miya ḍikdo ahumwa miye.
8Ta zemmo a hyeḅa, ta gbappado poye mbidi, a na a kone tukwelugbei.
9Tana go ḅwara arba. Nda verren tuffe.
10Gbel nda perro vor kwombe ka miyedi‐kwoden, ta si njiya Dalmanutha.
11Farisawa a dimma a gballa a ndelten, ta el sobiltso da Pwa ahakan, ta baggen ka le.
12Nda minda pisen a tsaren a chi: “Gomino ndeyi ino adi el sobiltso? Diyalo nadi boyowno, miyárei vo ndeyi ino sobiltso.”
13Ta taka so nda minna perro vor kwombe, nda wudo basa ḅayetsi iro.
14Mensen a ngura ka gurasatso, iche karen avor kwombe hido kal kal.
15Nda hiwaren adi tsaren: “Hweyum go sa a miya huba zame kan gara vor Farisawa ka miye Hirudus.”
16Tadi seḍeka a yedingeren a ḍiye so di siren: “Gekelo humá ḍim gurasatso ndadi boyo la.”
17Naya Yesu a leye leme a ta boyo nda tsaren a chi: “Gomino hunadi seḍeko a yedingowno gekelo huná ḍim gurasatso? A nda kenno huná niya, huná leyi gban? Yedingowno ḅe nyero kwoiyo?
18Diye kowno, huná niya? Kwakye kowno huná kel lema? Huná ḍyanga?
19Fira na ḅeiya mowti gurasatsi iyeno tuff avor miye hamsa, kone ne ya huna na ka mosarye?” Ta tsan a chi: “Bow a mbidi tuff.”
20“Fira na ḅeiyo mowtsi iyeno tukwelugbei avor miye arba, kone ne ya huna natiren ka mosarye?”
21Ta tsa: “Tukwelugbei.” Nda tsaren: “Ya huná mwa le yo?”
22Ta tila Baitsaida, miya sika a hweilo a ngisen ati ma nda pan.
23Nda kit tuffo hweile a muḍo kan a egro hwodiye, nda tofen nauye a diyengen a pan ka tyefungen nda ḍiyen: “Hye na asa?”
24Nda niya a tsa: “Hen na ḅware, ten ne botsi kadei, tadi weyo.”
25Getsingen nda minna po tyefungen a no diyengen; ndi gban diyengen a wana, miya mbo hweiltso, nda naha yang bwang.
26Nda ven tuffe, ma nda wudo hwoden, nda tsa a chi: “Bé perro vor hwodiye kake.”
27Yesu a dimmo ka miyedi‐kwoden, nda perro vor hwodiye kake a Ḳaisariya Filibbi. A no tuffe nda ḍiye miyedi‐kwoden adi tsaren: “Ḅware adi ḍiye so hen no waneyo?”
28Ta boyen a tsan a chi: “Yohanna ma di ḍa baptisma, imi gban Iliya, imi ma avor annabawa.”
29Nda ḍiyeren: “Hu gban huna ḍiye so hen no waneyo?” Bitrus a mwa a tsan: “Hye no Kristo.”
30Nda hiwaren ḅé taná boye miye lemongen.
31Nda tiya kenneren adi tsa a chi: “Doile Ndse da Ḅwara ḅa tono ge leme hananan, ka miye‐gbanye malamye ka miyedi‐dori, tanḅa ko?-?ren a ḅelten, betsi botye mwaken ndaḅa maḍo.”
32Leme ano nda boyo habwange. Bitrus a nguten adi ngiya kan a boyen leme.
33Nda ḅiya adi niya miyedi‐kwoden, nda boyo Bitrus: “Minno besin Shaitan, gibo té leyi sye da Pwa, sie ungo ḅware.”
34Nda wa miye lektso ka miyedi‐kwoden a tsaren: “Na ndo ḅwara a mwa nda kwodei abesin, ma nda ndsa ndso‐swado a yedingen, nda ngurigo kada ḅedimtsoden a kwodei.
35Gibo ma mwa ati ḅa mbo pisen, tsi no nda kiparo. Ma ḅa kipa pisen gekela ka lemefeme, ndaḅa mbodo.
36Ndo so ne ḅwara a ḍimmo, nagi nda ḍim vratso kat ndaḅa kipa mensen?
37Mino sa ḅwara ḅa ḍer mensen kan?
38Nagi ndo ḅwara ḅa ḍa sopiye gekela ka boye?-?lemedei avor ndeyi ino ma ḍa sharawne, ka lemo?-?kasei, Ndse Ḅwara sopiye ḅa gen gekelongen fira ndaḅa si kan ka fukatso da Bagen ka malai?-?hu tsubwabye.”
Voafantina amin'izao fotoana izao:
Markus 8: BCYMRK
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
First published by the British and Foreign Bible Society in 1915.
