GENESIS 17
17
Diospa contratonpa señalninmanta
1Abram isqon chunka isqonniyoq watanpi kachkaptinmi Tayta Dios rikuriykuspan nirqa:
—Ñoqam kani Tukuy Atipayniyoq Dios, munasqayman hinayá agradoypaq kawsay. 2Contratoytam rurasaq qanwan hinaspam mirachisqayki nana-nanaqta —nispa.
3Chaymi Abramqa qonqorakuykuspa pampakama kumuykurqa hinaptinmi Dios paywan rimarqa kaynata nispa:
4—Kaymi qanwan contratoy, qampa miraynikikunam kanqa achka nacionkuna. 5Manañam Abramñachu sutikiqa kanqa aswanqa #Hebreo simipi Abraham ninanqa “achka nacionkunapa taytan” ninanmi.Abrahamñam, miraynikikunatam achka nacionman tikrasaq. 6Mirachisqaykim nana-nanaqta, miraynikimantataqmi rurasaq nacionkunatapas hinaptinmi reykuna qanmanta kanqa. 7Miraynikikunapaqwan qampa Diosniki kanaypaqmi qanwan wiñaypaq contratoyta rurasaq chaynataq qepayki hamuq miraynikikunawanpas. 8Kay *f**yachasqayki allpatam qanman qosqayki miraynikikunamanwan hinaspam paykunapa Diosnin kasaq. Enteron Canaan allpaqa wiñaypaq herenciaykichikmi kanqa —nispa.
9Diosmi nirqataq Abrahamta:
—Ichaqa kasukunkim contratoyta miraynikikunapiwan. 10Kaymi contratoy, kaytam kasukunki miraynikikunapiwan. Qamkunamanta kaq llapallan qarikunam señalasqa kanqa. 11Señalankichikqa qari kayninpa qarachanta kuchuspam chaymi qamkunawan contrato rurasqaypa señalnin kanqa. 12Qamkuna ukupi kaq naceq lliw qari wawakunam pusaq kaq punchawninpi señalasqa kanqa, señalasqataqyá kachun miraynikikunapas, wasikipi naceqkunapas, mana miraynikimanta kaq maymanta hamukuqpas chaynataq qollqewan rantisqayki kaqpas. 13Paykunaqa señalasqapunimá kanqaku. Chaynapim wiñaypaq contratoy kanqa cuerpoykichikpi. 14Pi qaripas mana señalasqa kaspanqa qarqosqam kanqa qamkuna ukumanta contratoy mana cumplisqanrayku —nispa.
15Diosqa Abrahamtam nirqataq:
—Warmikipa sutinqa kanqa manam Saraiñachu, aswanqa Sarañam. 16Payta bendeciptiymi churikita wachakunqa, bendeciptiymi nacionkunapa maman kanqa, nacionkunapa reyninkunataqmi paypa mirayninmanta nacemunqa —nispa.
17Chaymi Abrahamqa qonqoranpa pampaman kumuykuspan asikurqa sonqonpi kaynata nispa:
—¿Pachak watayoq runapas yaqaraqchum churiyoq kanman? ¿Sarapas isqon chunka watayoqchum wachakunmanraq? —nispa. 18Chaymi Diosta Abraham nirqa:
—¡Ima allinchá kanman qampa favornikiwan Ismael kawsaptinqa! —nispa.
19Chaymi Diosñataq nirqa:
—Cheqaptapunim warmiki Sara wachakunqa qampa churikita hinaptinmi #Hebreo simipi Isaac ninanqa “asikuy” ninanmi.Isaacwan sutichanki, paywanmi rurasaq wiñaypaq contratoyta, rurasaqtaqmi paypa mirayninkunawanpas. 20Ismaelpaq mañakuwasqaykitapas uyarirqaykim, paytapas bendecispaymi sinchillataña mirachisaq. Paypa mirayninkunamantam kanqa chunka iskayniyoq munaychakuqkuna, paymantamá huk hatun nacionta rurasaq. 21Contratoytam ichaqa rurasaq Isaacwan. Paytam warmiki Sara wachakunqa hamuq wata kunan hina tiempopi —nispa.
22Diosmi Abrahanwan rimayta tukuruspan wicharirqa. 23Chayraykum Abrahamqa señalarqa chay punchawpipuni churin Ismaelta, señalarqataqmi wasinpi naceq llapallan sirvientenkunatapas chaynataq qollqenwan rantisqan llapallan sirvientenkunatapas. Diospa nisqanman hinamá señalarqa qari kayninpa qarachanta kuchuspan. 24Abrahamqa isqon chunka isqonniyoq watanpiñam karqa qari kayninpa qarachanta kuchuptinkuqa. 25Churin Ismaelñataqmi karqa chunka kimsayoq watanpi qari kayninpa qarachanta kuchuptinku. 26Hina chay punchawllapimá Abrahampas hinaspa churin Ismaelpas señalasqa karqa. 27Paywan kuska señalasqataqmi karqa wasinpi kaq llapallan qarikunapas, wasinpi naceq sirvientekunapas chaynataq huklawmanta qollqewan rantisqankunapas.
Voafantina amin'izao fotoana izao:
GENESIS 17: QUEAYA87
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra