GENESIS 16
16
Abrampa churin Ismaelta Agar wachakusqanmanta
1Abrampa warmin Saraimi mana wachakuq karqa. Paypam karqa Agar sutiyoq Egiptomanta kaq sirvientan. 2Saraimi Abramta nirqa:
—Mana wachakuqta Tayta Dios rurawasqanraykum ruegakuyki sirvientaywanña puñunaykipaq, icharaqpas paymantaña kanman wawaykuna —nispan.
Hinaptinmi Saraipa nisqanta Abram kasukurqa. 3Chunka wata Canaan allpapi *f**yachasqanku hawañam Abrampa warmin Sarai Egiptomanta kaq sirvientan Agarta qoykurqa Abranman warminpaq. 4Chaymi Agarwan Abram puñurqa, Agarñataqmi wiksayakuruspan patronanta despreciowan qawarqa. 5Chaymi Abramta Sarai nirqa:
—Qanmi huchayoq kanki kay sirvientay insultawananpaq, qanman qoykuptiymi wiksayakuruspan despreciowan qawawan. Tayta Diosyá juzgawasun qamtawan ñoqata —nispa.
6Hinaptinmi Saraita Abram nirqa:
—Kayqayá sirvientaykiqa makikipi, munasqaykitayá paywan ruray —nispa.
Chaymi Agarta Sarai ñakarichiptin ladonmanta lluptirurqa. 7Chaymi Agartaqa Tayta Diospa angelnin tarirurqa chunniqpi kaq pukyupa waqtanpi, chay pukyuqa kachkan Shur lawman riq ñanpim. 8Paytam angel nirqa:
—Saraipa sirvientan Agar ¿maymantataq hamuchkanki, maytataq richkanki? —nispa.
Hinaptinmi Agarñataq nirqa:
—Patronay Saraipa ladonmantam lluptikuchkani —nispa.
9Hinaptinmi Tayta Diospa angelnin nirqa:
—Kutiy patronaykipa ladonman hinaspa humillakuspa kasukuy —nispa.
10Tayta Diospa angelninqa nirqataqmi:
Mirachisaqpunim miraynikikunata
nana-nanaq kasqanrayku mana yupay atinata.
Wiksayoqñam kachkanki.
11Qari wawatam wachakunki.
Paytam #Hebreo simipi Ismael ninanqa “Diosqa uyarinmi” ninanmi.Ismaelwan sutichanki.
Waqasqaykitam Tayta Dios uyarirusunki.
12Ismaelqa purun asno hina
torpe runam kanqa.
Lliwpa contranpim sayarinqa.
Llapa runakunam paypa contranpi sayarinqa.
Wawqenkunawan cheqnichikuspapas
paykunawanmi *f**yachanqa.
13Tayta Dioswan rimasqanraykum payta Agar suticharqa:
—Qanmi kanki rikusqay Dios —nispa.
Agarqa nirqataqmi:
—Kawsachkaniraqmi Diosta rikuruchkaspaypas —nispa.
14Chayraykum chay pozota suticharqa Rikuqniy Kawsaq Diospa Pozon nispa. Chay pozoqa kachkan Cades llaqtamanta Bered llaqtaman riq ñanpim.
15Chaymantam Abrampa churinta Agar wachakururqa hinaptinmi Agarpa wachakusqan churinta Abram suticharqa Ismaelwan. 16Abram pusaq chunka soqtan watayoq kachkaptinmi churin Ismaelta Agar wachakurqa.
Voafantina amin'izao fotoana izao:
GENESIS 16: QUEAYA87
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra