Саалтыр 11

1Хуор салайааччытыгар. Аҕыс устурууналаах инструмент доҕуһуолунан. Давид псалома.

2Быыһаа, Айыы Тойон; Таҥараҕа бэриниилээх ким да суох,

итэҕэллээх киһи дьон аймахха аны суох.

3Бары бэйэ-бэйэлэригэр сымыйаны этэллэр;

минньигэс тылларынан албыдыйан,

кубулҕаттык кэпсэтэллэр.

4Тыла суох ыытыаҕа Айыы Тойон бары албын тыллаахтары,

арбанар адьынаттаахтары,

5«Кутан-симэн хотуохпут, тугу этэри булуохпут,

ким биһиэхэ тойонуй?» – дэһээччилэри.

6«Кыраны-хараны халыылларын,

кыһалҕалаахтары ынчыктаталларын иһин,

Мин билигин туруом, – диир Айыы Тойон, –

уонна, баттаммыттар баҕаларын толорон,

кинилэри быыһаан ылыам».

7 Айыы Тойон этэр тыла – ыраас тыл,

туой оһоххо ыраастаммыт,

сэттэ төгүл уулларыллыбыт үрүҥ көмүс.

8 Айыы Тойон, Эн биһигини харыстыаҥ,

бу аймахтан үйэлэр тухары араҥаччылыаҥ.

9Ханна да көр – хара дьайдаахтар хаамсаллар,

дьон бары сидьиҥи өрө туталлар#11:9 Былыргы гректии тылбааска: дьон сидьиҥэ өрө таҕыста. .

Voafantina amin'izao fotoana izao:

Саалтыр 11: СБК

Asongadina

Hizara

Dika mitovy

Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra

Andinin-tSoratra Masina malaza indrindra nalaina tao amin'ny
Саалтыр 11