Tabekacane 8
8
Madrekare ku telebe
1Ku Twaumase kai marimuru ki Nua si kwidra taelre iniane ikai ki varukuru sanaka waudriwdripi. La pavalrigi ki kadaengane, ku acilai ala pathagili aru katheredre. 2Ku twalai adringi ki kadaengane ngiburai ku acilai si athau ki acilai subelebelenge waelebe, ku udale la mialri idrengerenga. 3Ikai ki minaka 150 ka vai, ku acilai la aru theretheeredre. 4Sakapitu ki dramare ki 17 ka vai, ku varukuru yasadra ikai ki lregelrege tali Ararate. 5Ku acilai la arwakaikai katheredre, sa kelanga ki mangeale ki dramare ki aswalalanga ki vai, ku lalregelrege la adredrelanenga.
6Sa makamasupatele ku vai, ku Nua la muelebe ku lribange, 7la pakatwase ku vaeva ku talralreba. Kikai talralreba la ngipapapalai, pakeela ku takadrekarane ki acilai, kai siaulringa. 8Ku Nua la pakatuuasenga ku vaeva ku tavagu, lri drele ki acilai lu kadrekarenga lutumane. 9Ai, ku acilai maadrauana ku yakai ki kadaengane, ku tavagu la kakadrwa ku tamwane isadra, la kainganai siwlri. Ku Nua la tarumara pwadringi ki varukuru. 10La ngilriibatenga ku minakapitulane, la pakatuuasenga pulatadre ki tavagu. 11Sakamiauawbu, kwini tavagu la tangadre ku lredelrede ku vasau ki ulrive ka angatu, siwlri mwa ki Nua, ku Nua la thingale ku acilai ka madrekarenga. 12La mukalaavanga makapitulu, kwini lasu la pakatuuasenga ki tavagu; kikai tavagu la kai siwlringa. 13Ku Nua satara 601 ku caili, kwini ki caili, ki aswalalanga ki dramare si vai, ku telebe madreekarenga. Ku Nua la muelebe ku sacaebane ki varukuru, si ngibwale ku awlruini masiasirare, la drele kamealenga kai kadaengane. 14Sa kela ki drusa ka dramare si 27 ki vai, kai kadaengane palraelre mameealenga.
15Ku Twaumase la iya kai ki Nua, 16“Kusu si taelrelresu, lalalakesu si lakiathareve twaladha ki varukuru mulatadre makanaelre. 17Kwini taelre muswane kwini laadhadhame, lanilapulapwane si wagulagulai, mialria iluku pulatadre, lani edhale ikai kai ki kadaengane, salraelre ikai kai kawmasane.” 18Ku Nua si taelrelreini, lalalakeini si lakiathareve la katwase kwini ki varukuru makanaelre. 19Patuelre ku lanilapulapwane, lawagulagulai si laadhadhame mialri karedeedele ku sakamanemanane, turededele mulatadre ki varukuru.
Patarwamara ku Nua
20Ku Nua la pasikai ki Tamatama darepe ku vaeva ku tapatarumaramarane; la patwalai ki nikelretane ka tinumabulane ka kakudhane pilri nguvavaeeva ki makaelaela ka lanilapulapwane si laadhadhame, si pikai belenge ki tapatarumaramarane tu Lama ka lrisi. 21Ku Tamatama kiaragai ku sangulremane ki nipatarumarane, la iya kai kidremedreme, “Lutuumane kainaku lri ngwalainga ki kakwakudhane ki umawmase si pusu ki kadaengane. Wathingalaku, kai umawmase singika vavalake ikai ku pasalrivane. Lutuumane kainaku lri pangimianga kikai amudu demedeme sanaka panianianiake ikai kai ki kadaengane. 22Sana ikaiyana kai kadaengane makavaale, kai kadaengane lri tara ikai ku apaivadhane, ikai ku akitalekane; yakai ku kecelre ku culwane, kalakecelrane kaladralrangedrangane si vaiyane maungu.”
Voafantina amin'izao fotoana izao:
Tabekacane 8: NDV
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© The Bible Society in Taiwan, 2017
All rights reserved
© 臺灣聖經公會版權所有，2017