LUKAS 17
17
Ha' tebaraa' tong kelunan éh maneu' penyala'
(Mat. 18:6-7,21-22, Mrk. 9:42)
1La'ah ka' ha' Yésus ngan irah bakéh Néh kepéh, Adang pinaa' arong-arong jalan éh mihin kelunan maneu' penyala', bang tusah mu'un-mu'un tong kelunan éh mihin réh maneu' penyala' kenat. 2Kelunan éh mihin réh maneu' penyala' nah, pelapah jian réh marau éh tai tana' éh jah, jin néh mokoo' ngan murip belah pohoo' néh ngan mihin kelunan éh lemoo' kenin maneu' penyala' kepéh. 3#Mat. 18:15 Mavaa' keh jian-jian.
Hun padéé' ko' maneu' penyala', jian ke' tai meta' éh, hun néh pekoléé' kenin, jian ke' mega' penyala' néh. 4Hun néh maneu' sa'at ngan ko' tujuu' koléé' lem jah dau, siget koléé' néh tuai tavin ke' ngan bara', Menyat jian akeu' ngan ko', jian ke' pika éh, ha' Néh.
Ha' tebaraa' tong pengelan
5Ka' ha' irah lawah Yésus ngan Néh, Ko' pepit pengelan améé', ha' réh.
6Boh Yésus pané ngan réh kepéh, ka' ha' Néh, Barei' tulin buaa' kayeu' sesawi éh si'ik mu'un bang pelén néh éh pu'un dalem néh inah éh mihin éh omok murip. Kenat péh na' péh éh si'ik awah, hun pengelan keh pu'un mu'un, adang keh omok nyohoo' inan ara inah pavut jin pu'un néh inah ngan mulah éh kepéh tong baa' banget, adang inan ara inah omok kivu sohoo' keh kenat, ha' Néh.
Tong éh tekep neu' kelunan sohoo'
7Ha' Yésus kepéh, Hun néh pu'un jah usah jin belah ka'ah éh pu'un kelunan sohoo', barang kelunan inah tai kereja' tong térék keh, barang iah tai mihau domba keh péh, hun néh moléé' jin kereja' néh inah, kineu' ha' keh ngan néh. Kineu', pu'un keh nyohoo' éh kuman tenah. 8Adang keh bé' nyohoo' éh kuman tenah. Pu'un keh nyohoo' éh petenup ka'an ngan keh tenah ngan petubo keh, la'o inah boh éh omok kuman ngan mesep. 9Bé' makat kelunan sohoo' nah pu'un kenajung uban néh kivu ha' sohoo', adang néh tekep maneu' kekat éh senohoo' réh ngan néh. 10Kenat péh ka'ah, hun keh lepah maneu' éh sohoo' Tuhan ngan keh, jian keh bara' ka', Améé' kelunan éh sohoo' awah, adang tekep mé' maneu' kekat inah, ha' Yésus nah.
Yésus peka'o jah poloo' usah kelunan éh kapéé'
11Hun Yésus lakau tai Yérusalem Iah kivu jalan éh belah tana' Samaria ngan tana' Galilia. 12Tovoo' Néh tai tong jah leboo' sinah, pu'un jah poloo' kelunan éh sakit kapéé' peselalang ngan Néh. Nekedéng réh juu' si'ik jin Yésus 13ngan ngeradau, ha' réh, O Yésus, O Guru, jian ke' pika améé', ha' réh.
14 #
Ima. 14:1-32
Hun Yésus na'at irah, pelapah Éh pané ngan réh, ka' ha' Néh, Jian keh tai tavin imam ke' néh omok na'at usah keh, ha' Néh.
Lem réh lakau juk tai sohoo' Néh nah, ma'o lah réh jin kesakit réh. 15La'ah jah usah jin belah réh nah, hun néh na'at usah néh lepah ma'o, moléé' éh tavin Yésus kepéh, ke' néh mejing Allah ngan ja'au ha' néh. 16Pelapah éh kuba' déhéé' gem Yésus ke' néh bara' jian kenin ngan néh. La'ah kelunan éh moléé' tavin Yésus nah, bé' éh pohoo' Yahudi, jah kelunan Samaria éh. 17La'ah Yésus pané ngan néh, Jah poloo' usah kelunan éh lepah ma'o jin kesakit néh rit, kemah éh pi'en usah kepéh? 18Kineu', jah kelunan inah éh tengéé' pohoo' jin irah pinaa' nah, iah awah éh tuai ke' néh bara' jian kenin ngan Allah kei, ha' Néh. 19La'ah ha' Yésus ngan kelunan inah, Betéé' ke' moléé'. Pengelan ko' lepah peka'o ke', ha' Néh.
Tong jaka' Tuhan pengeja'au kekat kelunan
(Mat. 24:23-28,37-41)
20Pu'un kelunan éh kivu adet Parisi neteng Yésus ka', Hun mah tatek Allah juk Pengeja'au, ha' réh. Ha' Yésus mipa réh, Tong retek Allah Pengeja'au, pu'un éh kenat, bang bé' éh poléng tong ta'an kelunan. 21Bé' kelunan omok bara' sinah ngan sitai tana' éh retek Allah Pengeja'au, uban bé' éh tong tana', bang pu'un Éh tenéh, inah Éh dalem kenin keh, ha' Néh.
22Boh Yésus pané ngan irah éh bakéh Néh, ka' ha' Néh, Pu'un jah sioo' kepéh vam, ka'ah juk na'at savéé' Anak Kelunan tong tana', bang bé' keh omok na'at Éh kenat. 23Adang pu'un kelunan bara' ka' ngan keh, Sitai Tuhan Pengeja'au réh, ha' réh. Ha' réh kepéh, O siteu' éh pu'un, ha' réh. Bang mai keh menéng ngan kivu ha' réh kenat. 24Barei'-okoo' kelat kela'ap tioo poléng tong langit, kenat péh savéé' Anak Kelunan kepéh, 25bang teka inah pu'un, adang Iah pinaa' arong pengeketa jak ngan nebet irah éh pohoo' Néh éh pu'un lem pengurip Néh iteu'. 26#Kej. 6:5-8 Barei' hun Noh murip tong tana' sahau, pinaa' kelunan telalau awah ngan bé' jam seruh, kenat péh tong dau savéé' Anak Kelunan kepéh. 27#Kej. 7:6-24 Kelunan éh sioo' urip Noh sahau rai, pu'un réh kuman ngan mesep ngan telalau awah, ngan kawin péh, pah avéé' dau Noh masek lem kapen ngan pu'un baa' ja'au ngan irah béé matai menyet neu' baa' inah. 28Inah kepéh tong savéé' néh, pu'un éh barei' hun Lut murip tong tana' sahau rai. Sioo' urip Lut rai, kekat kelunan kuman ngan mesep, ngan melih ngan pebelih ngan maneu' térék ngan suai lamin jian ngan telalau awah tong kekat inah, bé' réh jam seruh, 29#Kej. 18:20—19:25 pah avéé' dau Lut musit jin leboo' Sodom. Boh luten pu'un ngan tengah néh tuai jin langit mematai réh béé. 30Kenat péh éh pu'un sioo' savéé' Anak Kelunan tuai kepéh.
31 #
Mat. 24:17-18, Mrk. 13:15-16 Sioo' dau savéé' Néh inah, kelunan éh mokoo' tong patah, mai éh masek lem lamin néh alaa' livah néh. Kenat péh irah éh mokoo' tong térék, mai éh moléé' tai lamin néh, bang ngebiau tai kelap awah. 32#Kej. 19:26 Seruh keh jian-jian tong do Lut sahau rai. 33#Mat. 10:39, 16:25, Mrk. 8:35, Luk. 9:24, Yoh. 12:25 Kelunan séé'-séé' murip kivu kenin néh tengéé', bé' éh pu'un urip mu'un, bang kelunan éh bet kekat pengeloo' néh tengéé' ke' néh kivu kenin Tuhan, inah éh pu'un urip mu'un. 34Akeu' bara' ngan keh, tong merem savéé' Néh, pu'un duah lakei' pata pegen, jah usah éh nalaa' Tuhan, jah usah nebet Néh. 35Kenat péh pu'un duah redo muja' parai, jah usah nalaa' Tuhan, jah usah nebet Néh. 36Kenat péh pu'un duah lakei' pata kereja' tong térék, jah usah nalaa' Tuhan, jah usah nebet Néh, ha' Yésus.
37Ka' ha' irah bakéh Yésus neteng éh, O Tuhan, semah irah éh kenat kunah ko' nah néh, ha' réh.
Ha' Yésus mipa réh, Semah-semah buaa' nonok, sinah ke' juhit si'ik avéé' belengang péh, barei' inah péh kelunan omok jam tong penyavéé' ké', ha' Yésus.
Voafantina amin'izao fotoana izao:
LUKAS 17: PNT
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia
Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia
