Matio 20:29-33

Rehefa niala tao Jeriko izy ireo dia nisy vahoaka betsaka nanaraka Azy. Ary indreo, nisy jamba roa lahy nipetraka teo amoron-dalana, ary nony reny fa Jesosy no mandalo dia niantsoantso mafy izy ireo hoe: Mamindrà fo aminay, ry Tompo, Zanak’i Davida ô! Ary nandrara azy ireo ny vahoaka mba hangina; nefa vao mainka niantsoantso izy hoe: Mamindrà fo aminay, ry Tompo, Zanak’i Davida ô! Ary Jesosy nijanona dia niantso azy ireo ka niteny taminy hoe: Inona no tianareo hataoko aminareo? Hoy ireo Taminy: Tompoko ô, ny mba hampahiratana ny masonay.