Andinin-tSoratra Masina malaza indrindra nalaina tao amin'ny Apokalypsy 5

Hizara

Ary nihira fihiram-baovao izy ka nanao hoe: Hianao no mendrika haka ny boky sy hamaha ny tombo-kaseny; Fa voavono Hianao, Ary ny ranao no nanavotanao ho an’Andriamanitra Olona avy tamin’ny fokom-pirenena rehetra sy ny samy hafa fiteny Sy ny olona ary ny firenena rehetra

nanao tamin’ny feo mahery hoe: Ny Zanak’ondry, Izay novonoina, Dia mendrika handray hery sy harena sy fahendrena Sy faherezana sy haja sy voninahitra ary saotra.

Ary efa nataonao fanjakana sy mpisorona ho an’Andriamanitsika ireo; Ary manjaka ambonin’ny tany izy.

Ary izao zavatra ary rehetra izao, na izay any an-danitra, na izay etỳ ambonin’ny tany sy any ambanin’ny tany, na izay any an-dranomasina mbamin’izay rehetra ao anatiny, dia reko samy nanao hoe: Ho an’Ilay mipetraka eo ambonin’ny seza fiandrianana Sy ho an’ny Zanak’ondry anie Ny saotra sy ny haja sy ny voninahitra ary ny fanjakana Mandrakizay mandrakizay.

Ary ny anankiray tamin’ny loholona nanao tamiko hoe: Aza mitomany; indro, ny Liona avy amin’ny firenen’i Joda, dia ny Solofon’i Davida, no efa naharesy ka hanokatra ny boky sy hamaha ny tombo-kaseny fito.