Andinin-tSoratra Masina malaza indrindra nalaina tao amin'ny Isaia 55

Hizara

Fa ny fihevitro tsy fihevitrareo, Ary ny làlanareo kosa tsy mba làlako, hoy Jehovah.

Fa tahaka ny hahavon’ny lanitra noho ny tany No hahavon’ny làlako noho ny làlanareo Sy ny fihevitro noho ny fihevitrareo.

Mitadiava an’i Jehovah, dieny mbola hita Izy, Miantsoa Azy, dieny mbola akaiky Izy.

Aoka ny ratsy fanahy hahafoy ny làlany, Ary ny tsy marina hahafoy ny heviny; Ary aoka hiverina ho amin’i Jehovah ireny, Fa hamindra fo aminy Izy, Eny, ho amin’Andriamanitsika, Fa hamela heloka dia hamela heloka tokoa Izy.

HE! hianareo rehetra izay mangetaheta, Mankanesa amin’ny rano! Ary hianareo izay tsy manam-bola, Avia, mividia, ka homana! Eny, avia, mividia divay sy ronono, Nefa tsy amim-bola, na amin-karena.

Fa toy ny ranonorana sy ny orampanala milatsaka avy any an-danitra Ka tsy miverina any, Raha tsy efa nahavonto ny tany Ka nampaniry sy nampahavokatra azy, Mba hahatonga voa ho an’ny mpamafy Sy hanina ho an’ny mpihinana,– Dia ho tahaka izany ny teniko izay aloaky ny vavako: Tsy hiverina amiko foana izy, Raha tsy efa mahatanteraka izay sitrako Ary ambinina amin’izay ampandehanako azy.

Fa amin’ny fifaliana no hivoahanareo, Ary amin’ny fiadanana no hitondrana anareo; Ny tendrombohitra sy ny havoana hahavelona hoby eo alohanareo, Ary ny hazo rehetra any an-tsaha hiteha-tànana.

Atongilano ny sofinareo, ka mankanesa atỳ amiko,– Mihainoa, dia ho velombelona ny fanahinareo; Ary hanao fanekena mandrakizay aminareo Aho, Dia ny famindrampo mahatoky nampanantenaina an’i Davida.