Isaià 55:10-11
Isaià 55:10-11 Malagasy Bible (MG1865)
Fa toy ny ranonorana sy ny oram-panala milatsaka avy any an-danitra ka tsy miverina any raha tsy efa nahavonto ny tany ka nampaniry sy nampahavokatra azy, mba hahatonga voa ho an'ny mpamafy sy hanina ho an'ny mpihinana, Dia ho tahaka izany ny teniko izay aloaky ny vavako: Tsy hiverina amiko foana izy, raha tsy efa mahatanteraka izay sitrako ary ambinina amin'izay ampandehanako azy.
Isaià 55:10-11 Baiboly Protestanta Malagasy (MBP)
Fa toy ny ranonorana sy ny orampanala milatsaka avy any an-danitra Ka tsy miverina any, Raha tsy efa nahavonto ny tany Ka nampaniry sy nampahavokatra azy, Mba hahatonga voa ho an’ny mpamafy Sy hanina ho an’ny mpihinana,– Dia ho tahaka izany ny teniko izay aloaky ny vavako: Tsy hiverina amiko foana izy, Raha tsy efa mahatanteraka izay sitrako Ary ambinina amin’izay ampandehanako azy.
Isaià 55:10-11 La Bible en Malgache (MRV)
Fa toy ny ranonorana sy ny orampanala milatsaka avy any an-danitra ka tsy miverina any raha tsy efa nahavonto ny tany ka nampaniry sy nampahavokatra azy mba hahatonga voa ho an’ny mpamafy sy hanina ho an’ny mpihinana, dia ho tahaka izany ny teniko izay aloaky ny vavako: Tsy hiverina amiko foana izy raha tsy efa mahatanteraka izay sitrako, ary ambinina amin’izay ampandehanako azy.
Isaià 55:10-11 DIEM PROTESTANTA (DIEM)
Ny ranonorana sy oram-panala milatsaka avy any an-danitra dia tsy miverina any raha tsy efa mahavonto ny tany sy mahalonaka azy ary mampahavokatra azy ka mampahazo masomboly hafafy sy hanin-kohanina; dia ho tahaka izany koa ny teny aloaky ny vavako: tsy hiveri-maina foana atỳ amiko izy, raha tsy efa nahatanteraka izay sitrako sy nahatratra ny tanjona nanirahako azy.
Isaià 55:10-11 Baiboly Katolika (MBC)
Tahaka ny ranonorana aman’oram-panala milatsaka avy any an-danitra ka tsy miverina any, raha tsy efa mahavonto sy mahalonaka ny tany, sy mampaniry ny zavatra mitsiry avy aminy, ka mampahazo voa famafy ny mpamafy, ary hanina ho an’ny mpihinana; toy izany ny Teniko izay aloaky ny vavako, tsy miverina amiko foana izy, fa mahatanteraka izay tiako, sy mahatontosa izay namoahako azy.
