Andinin-tSoratra Masina malaza indrindra nalaina tao amin'ny 1Mpanjaka 3

Hizara

Koa omeo ahy mpanomponao saina malady ho entiko mitsara ny olonao, hahaizako manavaka ny soa sy ny ratsy; fa iza moa no mahay mitsara izao olonao betsaka izao?

dia indro, efa nanao araka ny teninao Aho, ka indro, efa nanome anao saina hendry sady mahiratra, ka tsy nisy tahaka anao ny teo alohanao, ary tsy hisy ho tahaka anao ny ato aorianao.

ka dia hoy Andriamanitra taminy: Satria nangataka izany zavatra izany hianao, fa tsy ny ho ela velona, na harena, na ny ain’ny fahavalonao, fa fahaizana hitsara no nangatahinao,

Ary na izay tsy nangatahinao aza dia efa nomeko anao koa, dia harena sy voninahitra, ka tsy hisy mpanjaka tahaka anao amin’ny andronao rehetra.

Ary raha handeha amin’ny làlako hianao ka hitandrina ny lalàko sy ny didiko tahaka ny nandehanan’i Davida rainao, dia hataoko ho ela velona hianao.

Tao Gibeona no nisehoan’i Jehovah tamin’i Solomona tamin’ny nofy nony alina; ary hoy Andriamanitra: Angataho izay tianao homeko anao.

Ary ankehitriny, Jehovah Andriamanitro ô, Hianao efa nampanjaka ahy mpanomponao handimby an’i Davida raiko; nefa izaho dia mbola zaza ihany, ka tsy fantatro akory izay fivoaka sy fiditra.

Ary sitraky ny Tompo ny nangatahan’i Solomona izany zavatra izany

Dia hoy Solomona: Hianao efa naneho fahasoavana lehibe tamin’i Davida raiko mpanomponao, araka ny nandehanany teo anatrehanao tamin’ny tsi-fivadihana sy ny fahamarinana ary ny fahitsian’ny fony taminao; ary Hianao efa nitahiry izao fahasoavana lehibe izao ho azy, dia ny nanomezanao azy zanakalahy hipetraka eo amin’ny seza fiandrianany tahaka ny amin’izao anio izao.

Ary izaho mpanomponao koa dia ao amin’ny olonao izay nofidinao, sady olona betsaka tsy tambo isaina ary tsy hita isa noho ny hamaroany.