Andinin-tSoratra Masina malaza indrindra nalaina tao amin'ny Jôhany 5

Hizara

Lazaiko marina dia marina aminareo fa izay mihaino ireo teniko sy mino Ilay naniraka Ahy no velona aina mandrakizay; ka tsy hohelohina izy, satria efa niala tamin’ny fahafatesana mba ho velona aina.

Hitan’i Jesoa nandry teo ralehilahy io sady fantany tsara fa hatramin’ny ela izy no efa toy izany, ka nilazany hoe: –Te ho sitrana ve ianao?

Mandinika ny Soratra Masina ianareo, satria ao no heverinareo hahavelona aina mandrakizay; ireo Soratra Masina ireo indrindra no mijoro ho vavolombelona manambara Ahy, kanefa tsy mety manatona Ahy ianareo mba hahavelona aina anareo.

Dia hoy i Jesoa taminy: –Mitsangàna, ento ny fandrianao ka mandehana! Niaraka tamin’izay dia sitrana ralehilahy, ka nitondra ny fandriany ary nandeha. Sabata anefa tamin’io andro io.

–Lazaiko marina dia marina aminareo fa ny Zanaka dia tsy mahavita na inona na inona avy amin’ny tenany: izay hitany ataon’ny Ray no ataony, satria na inona na inona ataon’ny Ray dia toy izany koa no ataon’ny Zanaka.